HABAKUK 1:13 - Alkitab Singog In Mongondow Masa In Tanaa

¹³ Táe naondabí sin Iko in mokotahangbí in moindoi mako kon intau mita moraat bo moḻingá tatua? Kinotaauanku kon Iko in noiḻiubí kon motusi in moindoi kon aid moraat! Kinotaauanku kon mototukabí in Iko in mokoontong kon aid diá moadil! Dá, nongonu sin Iko in tongábí kibio-biómai kon tungkuḷ in intau motoḷutui irimumud in intau moraat?

HABAKUK 1:13 Mawu Ofanana

SAMUEL 2 4:11

Moiḻiubí in bogat in hukuman inta popoḷabúku kon intau moraat inta ain noḻimod kon intau inta diá kotaḷá bo inta koyogot in nosiug kon baḷoinea tontaní! Tanaa in tuntutonku in tontuḻínea kon i monimu kon pinoḻimodan tatua, bo monginggamá kon i monimu nongkon dunia naa!”

DATU MITA IMITÁNEA 2:32

Ki Tuhan in mohukum kon inia popisí in sia noḻimod diá kinotaa-taauanmai i amáku. Ki Abner porwira in Israel, bo ki Amasa porwira in Yohuda, taya dua in tumpaḷa diá kotaḷá. Mosiabí in mopia-pia nongkon i Yoab, táe iḻimodnea in mosia.

ESTER 4:14

Intau in Yahudi in notantúbí kon mokouḻí kon totuḷung naondaka in daḷannea modapot in mosia mosaḷamat. Táe aka iko bo tongá kibio-biómai kon bonu in kaadaan ná tanaa, yo iko tontaní in matoibí doman bo motoḷuadí i amámu in modait bidon in oumannea. Dika bo dika, iko in piniḻí bokí popisíbí in kaadaan ná tanaa!”

AYUB 15:15

Nodapot in malaekat diábí doman pirisayaan i Allah; mosia in diábí motusi kon mata-Nea.

AYUB 21:7

Nongonu sin intau moraat inogoibí i Allah mobiag moonggot, bo kapunyaan monia in umuranbí kodugang-kodugang?

AYUB 24:23

Inogoian i Allah in sia in kobiagan motompia, táe umuran iḷukadannea mako.

MAZMUR 10:15

Putoḷaidon in kawasa in intau moraat bo moromú; hukumdon in mosia popisí in aidnea modapot in mosia motobat.

MAZMUR 18:26

Tuhan, Iko in mosatia kon intau inta mosatia bo mopia kon intau inta mopia.

MAZMUR 25:3

Intau inta nonoḻikud kon ini-Mu in pokopooyáanbímai, táe inta mopirisaya kon ini-Mu in diábí pokudaion.

MAZMUR 35:17

Modapot in toonu, o Tuhan, modapot in toonu Iko in tongá umuran moindoi mako? Posaḷamatdon in akuoi nongkon ponubuan monia, popoḷaguidon in nyawaku nongkon singa mita tatua.

MAZMUR 35:22

Táe Iko, Tuhan, ain nokoontong kon tua; dikabí kaasí tongá kibio-biómai, o Tuhan, dikabí mokopoyayú kon inakó.

MAZMUR 35:25

Dika pomayá mako in mosia in mosingog kon bonu in gina, “Sukur, irabutdon naton in nyawanea. Onu in kinoibog naton kinoduduiandon!”

MAZMUR 50:21

Tuata in inaidanmu, táe Akuoi in tongábí kibio-biómai, dá iraimumai dá Akuoi in notongkaimubí. Táe tanaa in empengon-Ku in iko, bo tua mita in poniataan-Kubí kon inimu.

MAZMUR 50:3

Ki Allah naton in namangoi bo tongá kibio-biómai, Sia in inunaan in tuḷú inta modilá, bo iḻibu in deḷang inta motoyang.

MAZMUR 73:3

sin mointoi in akuoi kon intau inta mododia, kon dodai in akuoi mokoontong kon kauntungan in intau moraat.

MAZMUR 83:1

Mazmur i Asap: Tobatú dondong.

YESAYA 21:2

Akuoi in nokoontong kon oontongon onu mita inta mobaḻí inta mokoondok; soaḷ pomaḷidawaan bo pomutúan. Monikdon, tontara in Elam, tubudon! Ei tontara in Madai, kopungdon! Ki Allah in mogimpaḷutbí kon bayongan in roriga inta pinopisí in Babel.

YESAYA 24:16

Nongkon popod in dunia kodongogandon in dondong dodayow kon Israel, bangusa inta motoindudui. Táe moboditodon in akuoi! Moajar in ginaku! Momomaḻidawan tantúpabí momaḻidawan, modapot in modugangdon in toḻidawan monia.

YESAYA 33:1

Moboditodon in musung mita naton! Mosia in mogagow umpaka diá pinogagowan, bo nomaḻidawan umpaka diá Pinomaḻidawan. Táe naonda in mopaḷut mako mogagow bo momaḻidawan, mosia tontaní in mobaḻí bidon kuruban in pogagowan bo Pinomaḻidawan.

YESAYA 64:12

Iko in nokoontong kon tua komintan, o Tuhan, umpaka dá Iko in tongábí kibio-biómai? Eta degá tongádon pomayá-Mu mako in kami mobaba kon roriga mobogat totok?

OMBAḶ 3:36

popisí in inta moadil sinuui, yo notantúbí kon ki Tuhan in nonotaaubí bo noindoi mako.

HABAKUK 1:14

Nongonu sin intau in inanggap-Mu naonda bo toyá kon dagat, bo naonda bo toyom inta diá in itoinea?

ZAKHARIA 8:17

Dika monomayá kon inta moraat kon tumpaḷa intau. Dika mongibot kon uboḷ. Kodoí-Ku in inta uboḷ bo inta diá moadil bo aid moromú.”

OUMAN IN RASUL MITA 2:23

Bo pinodudui in tomayá i Allah kon i-Nia, Sia pinosarakan kon imonimu. Sia in pinopopakú monimu kon kayu pinoyotaḻempang bo pinomayá mako in iḻimod in intau mita inta mongoromú.

ULANGAN 23:15

“Aka ata tobatú moḷagui nongkon i tuangnea bo mamangoi kon inimu bo mopoigum sinbá ḷukadanmu in sia yo dikabí potabámu mobui in sia.