HABAKUK 1:12 - Alkitab Singog In Mongondow Masa In Tanaa

¹² Tuhan, nongkon koḻipodpabímai Ikobí in ki Allah. Iko in ki Allahku inta motusi bo mononoi. Tuhan, Allahku bo moḷoḷukadku, bangusa in Babel tatua in piniḻí-Mu bo binaḻí-Mu noropot sin mohukum kon inami.

HABAKUK 1:12 Mawu Ofanana

KINOBAḺIAN 21:33

Bo ki Abraham nopomuḷa in pangkoi in kayu tamariska kon Bersyeba bo nongkon dodaidon tatua tampat tatua pinakénea mosumba kon i Tuhan, Allah inta mononoi.

DATU MITA 2 19:25

Degá diápa dodai in onda in iko nokodongog kon bayongan intua in aindon sinomayá-Ku nongkon dungkuḷpamai? Bo tanaa in aidan-Kudon. Akuoibí in nobogoi in kawasa kon inimu sin morimumud kon kotá mita inta oyúon in poḷoḷukadan nobaḻídon utag.

MAZMUR 102:24

Ki Tuhan in nomutoḷ kon ropotku kon tungkuḷ in akuoi noguodpa, bo nogimpoḷok kon umurku.

MAZMUR 118:17

Akuoi in diábí matoi, táe umuranbí mobiag sin mopotaa-taau mako kon aid i Tuhan.

MAZMUR 149:2

Koḷungangadon in gina popisí in Momomaḻímu; koḷungangadon, ei intau inta nogutun kon Sion popisí in Datumu!

MAZMUR 17:13

Sindogdon kaasí o Tuhan, tayowaidon in musungku bo upetdon in mosia. Posaḷamatdon in akuoi in kedang-Mu nongkon ponubuan in intau moraat.

MAZMUR 18:1

Kon i itoi in Koor. Mazmur i Daud, mogogundoi i Tuhan. Pinodondong kon i Tuhan kon tungkuḷ in ki Daud pinosaḷamat nongkon i Saul bo musungnea mita.

MAZMUR 74:12

Nongkon pinomangkoianpabímai Ikobí in ki datuku, o Allah, Ikobí inta noposaḷamat kon inami.

MAZMUR 90:1

Sambayang i Musa, mogogundoi i Allah. O Tuhan, Ikobí in pononiungan nami modapot kon adí bo ompu.

MAZMUR 90:2

Kon dodai in buḷud mita diápa binaḻí, kon dodai in butá bo dunia naa diápa pinomia-Mu, Ikobí in ki Allah inta mononoi, diábí in pinomangkoian bo diábí in imbuitnea.

MAZMUR 93:2

Pomomarentaan-Mu in noroton nongkon pinomangkoianmai, nongkon kinononoian oyúon in Iko.

YESAYA 31:1

Moboditodon in intau inta mayá in Mesir sin mokituḷung! Mosia in mopongatabí in ropot in tontara in Mesir inta tumakoi kon kabaḷo bo kabaḷonea inta mongoropot bo keretanea inta mobayong. Táe mosia in diábí mopirisaya kon i Tuhan, Allah mokudus in Israel bo diá mokituḷung kon i-Nia.

YESAYA 37:23

Kinotaauanmu degá mongo ki ine in sinibáan bo siningkuḻemu tua? Akuoi, ki Allah in Israel, Allah inta motusi.

YESAYA 37:26

Diápa degá nokoimontanmai iko in nokodongog kon bayongan intua ain sinomayá-Ku nongkon dungkuḷmai? Bo tanaa in aidan-Ku intua. Akuoibí inta nobogoi kon inimu in kawasa morimumud kon kotá mita inta dininding nobaḻí dongka rumbunnea.

YESAYA 40:28

Umpaka dá iko in diá nonotaau bo diá nokodongog? Ki Tuhanbí in Allah inta mononoi, inta nomaḻí kon sinangkub in dunia. Sia in diábí kon dodai in onda in moḷopí andeka moḷungkoyó; raian-Nea in diábí motaau doḷopon.

YESAYA 43:15

Akuoibí in Tuhan, Allahmu Inta Mokudus, Datumu, inta nomaḻí kon inimu, ei Israel!”

YESAYA 49:7

Ki Allah mokudus Mopoposaḷamat in Israel in noguman kon intau inta totok in siningkuḻe, bo inta kinodoí in bangusa mita bo inta nobaḻí ata in pongawasa mita, “Datu mita in mokoontongbí kon onu in aidan-Ku; mosia in simindogbí mohoromat kon i-Nakó. Pongawasa mita in mokoontongbí doman kon tua, bo tumungkud mosumba.” Tua in mobaḻí popisí in ki Tuhan ain nomiḻí kon mogogundoi-Nea; Ki Allah mokudus in Israel in mosatia kon dandi-Nea.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YEREMIA 30:11

Akuoi in mamangoibí bo moiko in posaḷamaton-Kubí. Bangusa mita, inta pinoporaritan-Ku kon i monimu komintanbí yopúon-Ku, táe moiko in diábí pomiaan-Ku natua. Memang moiko in diábí moiḷagui kon hukuman táe hukuman-Ku kon i monimu in moadilbí podudui in inta ain sinantú. Akuoi, ki Tuhan ain nosingog.”

YEREMIA 4:27

Ki Tuhan in noguman kon sinangkub in dunia in mobaḻí padang gurun, táe Sia in diábí momutú kon tua komintan.)

YEREMIA 46:28

Dá dikabí moondok, ei umat-Ku, Akuoi in mamangoibí sin moposaḷamat kon i monimu. Bangusa mita, inta pinoporaritan-Ku kon i monimu, komintanbí yopúon-Ku, táe moiko in diábí pomiaan-Ku natua. Totuu kon moiko in diábí moiḷagui nongkon hukuman táe hukuman-Ku kon i monimu in moadilbí podudui in inta ain sinantú. Akuoi, ki Tuhan, ain nosingog.”

YEREMIA 5:18

Ki Tuhan in noguman, “Umpaka natua, kon dodai intua umat-Ku in diábí yopúon-Ku.

OMBAḶ 5:19

Táe Iko, Tuhan, umuranbí mongawasa, Iko in momarentabí modapot in mononoi.

YEHEZKIEL 30:25

Totuu, datu in Mesir in popoyangkóon-Kubí, bo datu in Babel in porotonon-Ku. Aka ogoi-Kudon in kedang-Ku kon inia, bo tonggóonneadon podotá in Mesir, yo kotaauandon monia kon Akuoibí naa in ki Tuhan.

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

HABAKUK 3:2

O Tuhan, dinongogkudon onu inta inaidan-Mu, dá moodom in korasaanku kon gina. Igumon mako aid moḷoben tatua in bui aidan-Mu bo poniata-Mu kon kinobiagan nami naa. Igumon mako kotabi-Mu in kami umpakabí mopatú in gina-Mu.

HABAKUK 3:6

Aka Iko tumogon, moḷundan in butá; aka Iko mobobui, yo modoḻiok in bangusa mita. Buḷud mita inta mononoi in mobota-botak; tombuḷudpa mita inta mononoi in umompábí doman, kon tombuḷud mita tatuata Iko in mayá nongkon dungkuḷpabímai.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

MALEAKHI 3:6

“Akuoibí in ki Tuhan, bo Akuoi in diábí mobaḷui. Tuamai in moiko buí i Yakub, diá iyopú.

OUMAN IN RASUL MITA 3:14

Sia tua inta mokudus bo inta mobanar táe moiko in doí notarima kon i-Nia sin intaubí moḷoḻimod in kinoibog monimu buḻian saḷaku tombuinag kon i monimu.

ULANGAN 32:4

Ki Tuhan in mododuḷumu inta moroton, oaidan-Nea in motonggimok, bo bayongan daḷan-Nea in motuḻid. Ki Allahmu in mosatia, diábí in tombogá kon i-Nia, Sia in nogaid kon onu inta mopia bo totuu.

ULANGAN 33:27

Ki Allah in umuranbí mobaḻí mototuḷungmu, kokaḷ-Nea inta mononoi in motonoi kon i monimu. Sia in noguntun kon musung nongkon tayowon monimu, bo nopotabá kon i monimu noyopú kon i monia.

TIMOTIUS 1 1:17

Ki Allahbí tua in Datu inta nongkon pinomangkoianmai modapot in kopaḷutan in dunia naa, inta patus horomaton bo dayowon sin tongábí Sia in Allah inta mononoi, inta diá koontongan bo inta totobatú! Amin.

TIMOTIUS 1 6:16

Tongábí Sia in diá kokawasaan in popatoi bo inta nobiag kon sindar inta diá motaau diugan i inekabí. Diábí in tobatúmai intau mokoontong kon i-Nia, bo totuubí kon diábí ontongon intau in Sia. Tongábí Sia in patus horomaton sin kawasa-Nea in noiḻiu kon bayongan kawasa kon dunia naa modapot in kopaḷutan dunia naa! Amin.

IBRANI 13:8

Ki Yesus Kristus in diábí mobaḷu-baḷui, koḻipod, masai naa bo modapotkabí in kopaḷutannea.

WAHYU 1:11

Singog tatua in noguman, “Paisdon onu inontongmu, bo atodon in buk tatua kon pitu nojamaat: Jamaat mita kon Epesus, kon Smirna, kon Pergamus, kon Tiatira, kon Sardis, kon Piladelpia bo kon Laodikia.”

WAHYU 1:8

“Akuoibí naa inta muna-munamai totok bo inta totok in pangabisan,” tua in singog i Tuhan Allah, ki Inta oyúon bo inta koyongandon oyúon, inta umuran oyúon bo Inta Totok Mokawasa.

SAMUEL 1 2:2

Diábí inta motusi ná ki Tuhan! Tongábí Sia in pononiungan.