GALATIA 6:1 - Alkitab Singog In Mongondow Masa In Tanaa

¹ Utat mita! Aka oyúon intau in kino kadapatan monimu nogaid kon noitaḷá, dá moiko inta nobiag noidudui kon ibog in Roho i Allah, musti modia bui kon intau tatua mongindaḷan inta moitutui. Táe koḷukóon in mosingog, bo moiko in musti mokopoingat sinbá diá kopongaruan doman.

GALATIA 6:1 Mawu Ofanana

SAMUEL 2 11:2

Kon singgai inta moḷoḷabungdon tobatú, naonda in ki Daud nobangon nongkon pinosiugannea, nodondaḷoi in sia kon atop in komaḻig inta notondodai tatua. Nongkon tua inontongnea in bobay tobatú yogot in moinggú, moḷunat totok in bobay tatua.

MAZMUR 141:5

Aka intau mopia monoboḷow kon inakó bo takin gina motuḻid mosambok kon inakó, tua in naonda bo ḷana inta totok in mopia kon inakó. Igumon mako in diá indoíonku intua, sin akuoi in umuran mosambayang monayow kon aid monia moraat.

YEHEZKIEL 34:16

Inta nobuḻi tayakon-Ku, inta noiḷaḻe diaan-Ku mobui, inta kinekeban bakuton-Ku in kekebnea inta notakit in undaman-Ku; táe inta noḷongó bo inta mosehat in yopúon-Ku, sin Akuoi in gombala inta mogaid kon onu inta mopia.

MATIUS 11:29

Aidaidon onu inta pinoki aid-Ku kon inimu, bo duduidon kon oaid-Ku, mokopoompá kon dodia bo mokopoaḷus kon pososingog, dá iko in mokodungkuḷ kon kopiaan.

MATIUS 26:69

Ki Petrus in ḻimitú mako kon ḷuai in palas, bo namangoi in tobatú simpaḷ bobay bo noguman kon inia, “Iko doman inta saḷaḷu moyotakin i Yesus, Intau in Galilea tatua?”

MATIUS 26:75

Bo kinotoropandon i Petrus onu inta ain pinoguman i Yesus kon inia, “Wakutu in manuk diápa mokukú iko in kotoḷudon nomayow kon deeman murí-Ku.” Bo iḷumuai in sia, bo nongombaḷ sin norobonoḷ totok in ginanea.

MATIUS 9:13

Manangka intua, bayádon bo balajarpa bui mangaḻe in Pirman tanaa, ‘Koibog-Ku in totabianbí, deemanbí onu inta ogoi monimu’. Sin Akuoi namangoi deemanbí mogoiní kon intau noitutui, táe intaubí baradosa.”

SURAT I PAULUS KON JAMAAT RUM 14:1

Intau inta diá moyakin kon onu inta pinirisayanea in mustibí tarimaanmu kon sigad in intau mita inta mopirisaya. Dikabí mobobayowannea soaḷ pendiriannea tatua.

SURAT I PAULUS KON JAMAAT RUM 15:1

Kita inta ain totu-totuu moyakin kon onu inta pinirisaya naton, mustibí mosabar in mokodongog kon onu inta kinodoí in intau inta diápa totok in moyakin. Donaaibí in kita tongá moposanang in gina naton tontaní.

SURAT I PAULUS KON JAMAAT RUM 8:6

Aka raian monimu kinawasa in ibog in awak naa, dá popatoibí in mouḻí. Táe aka raianmu bo kinawasa in ibog in Roho i Allah dá mouḻímubí in kobiagan bo iko mobiag motompia takin i Allah.

KORINTUS 1 10:12

Bo intau inta monganggap moropot in sia, musti mokopopia; dika bo moḷabú.

KORINTUS 1 14:37

Aka rasaanmai monimu bo oyúonbí in totabi mopoyaput in habar nongkon i Allah, andeka inogoianbí i Allah in totabi kon soaḷ mita ibanea, yo intau tatua in mustibí mosadar kon onu inta pinaisku tanaa, komintanbí parenta nongkon i Tuhan.

KORINTUS 1 2:15

Intau inta mopirisaya kon i Allah in motaaubí monilai kon yagi-yagi, táe diábí in tobatúmai intau motaau monilai kon inia tontaní.

KORINTUS 1 3:1

Utatku mita, sabanarnea akuoi in diábí motaau moyosingog takin monimu naonda bo takin intau mita inta ain kinawasaan Roho i Allah. Sin moiko nion diápa motoindudui kon i Allah bo diápa doman noguyang in pirisaya monimu kon i Kristus.

KORINTUS 1 4:21

Tuamai piḻídon onu in koibog monimu! Moibog in moiko sinbá mamangoi takin sambok in akuoi andeka mamangoi takin pia in gina?

KORINTUS 1 7:5

Doyowa motonibuḷoi in diábí motaau in mosiyayúan. Motaaubí asaḷbo muna moyosingog bo diá motaau moonggot. Aka natua yo doyowa motonibuḷoi in tumpaḷa motaau mosisambayangan. Tongá naonda intua moiko in mustibí bui motobatú saḷaku doyowa motonibuḷoi. Sin aka diá natua yo koonggotannea kogonúanbí in roho inta diá mopia, sin diá mokotahang kon ibog in awak.

KORINTUS 2 10:1

Akuoi ki Paulus, inta kain intau in diá mobarani moyogintayow mako, tongá mobarani aka moyogiyayúan monimu. Tanaa mako pinodoyon kon koaḷus bo kopopia in gina i Kristus,

KORINTUS 2 2:7

Musti ampungan monimu in taḷánea tatua bo tongginaai, sinbá diádon totok moyoyiga in ginanea sahingga kobuḻiandon harapan in sia.

KORINTUS 2 2:8

Poigumonku doman, totu-totuubí kotabi monimu in sia tua.

GALATIA 5:23

moompá in dodia, bo mokotahang kon gina. Diábí in hukum agama in molarang kon oaid mita natua.

GALATIA 6:18

Poigumonkudon mako sinbá totabi bo barakat i Tuhan naton ki Yesus Kristus umuran kotaki-takin monimu utatku mita. Amin. Horomat nami, Ki Paulus

TESALONIKA 1 4:1

Pangabisannea uḻe utat mita, naa in poigumon nami takin tonggina kon i monimu inta pinodoyon kon kawasa i Tuhan Yesus, sinundúdon bo ain inontong monimu kon inami naonda in kobobiag podudui kon inta mokosanang kon gina i Allah. Moiko in nobiag bidon natua, táe tanaa pinodoyon kon kawasa i Yesus, kami in mopoigum totok kon i monimu bo mokiramuji sinbá totu-totuudon in moiko mogaid kon tua komintan!

TESALONIKA 2 3:15

Tongá dikabí anggapon saturu in sia; táe tongginaai saḷaku utat.

TIMOTIUS 2 2:25

Sia in musti mokopoḷukó kon bahasa aka motundú kon intau mita inta moibog momaḷawang; bo tantú mopoigum mako bá ogoian i Allah in kasampatan in intau mita tatua sinbá mogogaidon in mogaid kon dosa bo monotaaudon kon totundú inta noitutui.

IBRANI 12:13

Bo umurandon bayá kon daḷan inta motondodai, sinbá sioḷmu inta nopelong tua diá moḻitoi, táe mopia bidon.

IBRANI 13:3

Bo tantúdon kon gina mako in mosia inta kon bonu in ponjara naonda bo moiko kon bonu doman in ponjara noyotakin monia. Bo intau mita inta pinomia ibo-ibog umuran kon gina-gina doman mako in mosia naonda bo pinomia doman natua in moiko.

YAKOBUS 3:13

Aka kon sigad monimu oyúon intau inta mobijaksana bo mopandoi, yo mustibí intua poniatanea kon kobobiag mopia takin mogaid kon soaḷ mita inta mopia, inta sinakinan in gina inta diá mosiḷantud bo kabijaksanaan.

YAKOBUS 3:2

Kita komintan in mokakit in mogaid kon inta noitaḷá. Táe intau inta diá dodai onda in nosingog kon noitaḷá, sia tua intau nosompurna, inta mokokawasa kon bayongan in awaknea.

PETRUS 1 3:15

Táe kon bonu in ginamu, musti in moiko mobogoi in ponghoromatan tontaní inta moyokaan in kadudukan-Nea saḷaku Tuhan. Bo umuran pobasadia in motubag kon intau mita inta moibog mopoḻibó-ḻibó kon soaḷ inta nobaḻí dodoyonan in pirisaya monimu.

YOHANES 1 5:16

Aka moiko bo mokoontong kon tobatú intau inta tumpaḷa Keresten nogaid kon dosa inta diá mokopopisí kon intau tatua kobuḻiandon in kobiagan inta mopia bo mononoi, yo moiko in musti mosambayang kon i Allah; bo ki Allah in mobogoibí in kobiagan tatua kon inia. Naa in tongábí kon i monia inta nogaid kon dosa inta diá mokopopisí kon i monia kobuḻian in kobiagan tatua. Táe oyúon in dosa inta mokopopisí kon intau kobuḻian in kobiagan tatua. Aka kon soaḷ tanaa yo akuoi in diábí moguman kon i monimu kon moiko in musti mosambayang kon i Allah.