GALATIA 5:6 - Alkitab Singog In Mongondow Masa In Tanaa

⁶ Sin aka kita bo ain notobatú takin i Kristus Yesus, yo soaḷ sunaton ande diá sunaton, diábí mobaḻí soaḷ kon i naton. Sin totok moponting in pirisayabí kon i Kristus bo tua in moniata kon tabi naton kon tumpaḷa intau.

GALATIA 5:6 Mawu Ofanana

GALATIA 6:15

Sinunat ande diá sinunat, tua in diábí moponting, sin mobaḻíbí intau inta mobiag mobagu takin i Allah in moponti-ponting.

KORINTUS 1 7:19

Sin sinunat andeka diá, diábí moponting intua. Dumuduibí kon atorang mita i Allah in moponting.

GALATIA 3:28

Tuamai intau in Yahudi andeka intau in Yunani, diá bidon in yoposinea bo diábí domandon in sinangoian ata andeka intau nobebas, ḷoḷaki andeka bobay. Moiko komintan ain bidon notobatú takin i Kristus Yesus.

KORINTUS 2 5:14

Tabibí i Kristus in nongawasa kon i nami, bo kinomangaḻean bidon nami kon aka tobatú intau inta ain minatoi sin motobut kon taḷá in bayongan intau, yo tua in mangaḻenea komintan intau ain bidon minatoi.

PETRUS 1 1:8

Bo umpakabí moiko in diápa dodai onda nokoontong kon inia, táe moiko in motabibí bo umuran mopirisaya kon i-Nia. Manangka intua moḷungangabí totok in gina monimu, ḷunganga in gina inta diábí in poporupaan.

KOLOSE 3:11

Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!

IBRANI 11:8

Popisí in mopirisaya, dá ki Abraham in dinumudui kon i Allah wakutu inoiní i Allah bo pinotabá minayá in butá inta pinodandi i Allah ogoi kon inia. Ki Abraham in minayábí doman umpaka diápa kinotaauannea mongo kon onda in bayáan.

KORINTUS 1 13:13

Dá toḷu tanaa in musti tantú aidan monimu: mopirisaya, umuran moharap bo tantú mositabian. Bo nongkon toḷu nopasaḷ tanaa totabianbí kon tumpaḷa intau in totok moponting.

GALATIA 3:26

Moiko bo ain nopirisaya kon i Yesus Kristus, dá moiko ain notobatú takin-Nea; sahingga in moiko nobaḻídon ki adí mita i Allah.

EPESUS 6:23

Poigumon mako ki Allah ki Amá naton bo ki Tuhan Yesus Kristus mobogoi in kasampatan kon bayongan jamaat motobatú bo umuran mototabian bo umuran doman mopirisaya kon i Kristus.

LUKAS 7:5

sin sia tua in motabibí kon bayongan intau naton bo sia doman tua inta nokiposindog in baḷoi pososambayangan nami.”