GALATIA 4:12 - Alkitab Singog In Mongondow Masa In Tanaa

¹² Utatku mita! Poigumonku kon i monimu sinbá moiko in moibog mobaḻí ná akuoi. Sin akuoi ain domandon nobaḻí ná moiko. Bo kinotaauanku in moiko in diápabí kon dodai onda in nogaid kon inta diá mopia kon inakó.

GALATIA 4:12 Mawu Ofanana

KINOBAḺIAN 34:15

Kami in moibogbí dumudui kon onu in pinoigummu monimu tanion táe musti takin tobatú sarat,: Moiko musti mobaḻí ná doman kami, mangaḻenea bayongan ḷoḷaki kon sigad monimu in musti toiton komintan.

DATU MITA IMITÁNEA 22:4

Dá naonda in ki Yosapat namangoi, ki Ahab in noḻibó, “Moibog degá in moiko mayá moyotakinku monubu kon Ramot?” Ki Yosapat in notubag, “Mopia! Mayá moyotakin in kita. Tontaraku inta tumotakoi mita kon kabaḷo in dumugangdon kon tontaramu bo intaumu mita tumotakoi kon kabaḷo.

OUMAN IN RASUL MITA 21:21

Mosia ain nokodongog kon ki utat aindon notundú kon bayongan intau in Yahudi inta nogutun kon ḻipú intau ibanea bo ki utat in moibog doman monginggamá kon hukum i Musa. Bo iko ain nongampag kon i monia sinbá mosia in diádon mokisunat kon i adí mita monia bo bá diádon mobiag podudui in adat naton.

KORINTUS 2 2:5

Aka oyúon in intau inta nokopopisí sahingga noajar in gina monimu, yo tua in deemanbí akuoi in tujuan monia, táe moikobí utatku, andeka diá bo diá yo intaubí inta kon sigad monimu nion. Dá doíbí in akuoi mobogoi in hukuman mobogat kon inia tua.

KORINTUS 2 6:11

Utat mita kon Korintus inta kinotabiku! Kami in taran-tarangan bidon in nosingog kon i monimu, onu in kon gina nami aindon nodait pinotaau nami.

KORINTUS 2 6:13

Yo tanaa in pomayápa mako in akuoi in mosingog kon i monimu naonda bo guyanga mosingog kon i adíku mita tontaní. Tarimadon in kami kon bonu in gina monimu.

GALATIA 2:14

Bo naonda inontongku in oaid monia inta diá noyokaan in onu inta sinundú kon Habar Mopia i Tuhan, dá akuoi in noguman nanaa kon i Petrus kon tayowon intau moantó inta kon tua, “Aka kobobiagmu uḻe saḷaku intau in Yahudi, naonda bo kobobiag in intau inta deeman Yahudi, yo nongonu sin iko in momakisabí kon intau ibanea sinbá mobiag naonda bo kobobiag in intau Yahudi?”

GALATIA 4:11

Moḻia-ḻiawbí totok in ginaku kon i monimu, dika bo onu inta ain iramujiku kon i monimu mobaḻí diá in baragunanea.

GALATIA 4:13

Tantú kotoropanpabí monimu nongonu sin akuoi in namangoibí nopoyaput in Habar Mopia kon i monimu tungkuḷ intua. Tua in lantaranbí akuoi notakit.

GALATIA 6:14

Táe akuoi in totuu kon doíbí dumodia kon onu inta ain inaidanku, koḻikudbí in modayow kon i Tuhan naton ki Yesus Kristus inta ain minatoi pinopopakú kon kayu pinoyotaḻempang. Lantaran Sia bo ain minatoi pinopopakú kon kayu pinoyotaḻempang, dá dunia naa in diá bidon in mangaḻenea kon inakó. Ná doman tua in akuoi kon tayowon in dunia naa, inanggap monia in akuoi naa naonda bo minatoidon.

GALATIA 6:18

Poigumonkudon mako sinbá totabi bo barakat i Tuhan naton ki Yesus Kristus umuran kotaki-takin monimu utatku mita. Amin. Horomat nami, Ki Paulus