GALATIA 3:3 - Alkitab Singog In Mongondow Masa In Tanaa

³ Nongonu sin nobodokbí natua in moiko? Kobobiag monimu ain pinangkoi monimu kon bonu in Roho i Allah, yo nongonu sin moiko moibogpabí mopongata in ropot monimu tontaní in motayak kon kobiagan mopia?

GALATIA 3:3 Mawu Ofanana

YEHEZKIEL 18:24

Táe aka intau mopia bo diádon mogaid kon inta mopia, modapotbí in momangkoidon momia kon inta moraat bo bayongan in aid inta mokorongó inta biasamai aidan in intau moraat, yo degá umuran in sia mobiag? Diá! Nongkon bayongan in aidnea inta mopia yo diá bidon tobatúmai in toropon bui. Sia in matoibí popisí in nogaidon kon dosa bo diá motoindudui kon i-Nakó.

GALATIA 3:2

Oyúonpa in ḻibóonku kon i monimu: Degá moiko nion in notarima kon Roho i Allah sin dinumudui kon hukum i Musa, andeka nokodongogdon in moiko kon Habar Mopia nongkon i Allah bodongka nopirisayadon kon i Kristus?

GALATIA 3:4

Degá iraimai monimu yo diábí in mangaḻe in bayongan inta ain kinorasaan monimu tua? Diábí kumaan kon akaḷ aka diá in baragunanea!

IBRANI 9:2

Kon ḷoḷaigan tatua in inaidan domandon in tobatú yuang inta sinangoian “Yuang Motusi.” Kon tua oyúon in tampat pototuduan kon togá, bo oyúon doman meja bo roti inta pinosumba kon i Allah.