GALATIA 2:9 - Alkitab Singog In Mongondow Masa In Tanaa

⁹ Bo naonda in nokoontong kon totabi inta inogoi i Allah kon i nakó, dá ki Yakobus, ki Petrus, bo ki Yohanes inta nobaḻídon itoi kon jamaat, nopirisayadon kon ki Allahbí in nobogoi oaidan tanaa kon inakó. Sahingga in nodati in mosia kon i naminda i Barnabas saḷaku tanda yoyobayatan. Bo nosatuju bidon in kami kon kami in mayá mopohabar in Habar Mopia kon yua-yuak in intau mita inta deeman Yahudi, bo mosia in mayá kon sigad in intau mita in Yahudi.

GALATIA 2:9 Mawu Ofanana

DATU MITA 2 10:15

Ki Yehu in nongingguputdon kon bobayáannea. Kon yuak in daḷan, sinontomu in sia i Yonadab ki adí i Rekhab. Ki Yehu in nobogoi in nohoromat kon inia bo noguman, “Notongkaibí degá in gina naton? Moibog degá in iko motongod kon inakó?” “Oo,” tubag i Yonadab. “Aka natua, modatipa in kita,” tubag i Yehu. Nododatian in mosia, bo sinuḷungan i Yehu in ki Yonadab sinumakoi kon keretanea,

MATIUS 16:18

Bo Akuoi in moguman doman kon inimu, iko in ki Petrus, kon tudu in batu karang tanaa posindogon-Ku in jamaat-Ku; bo diábí in mokotaḷow umpakabí popatoi!

LUKAS 22:8

Dá ki Yesus in nopotabá kon i Petrus bo kon i Yohanes, “Bayádon bo posadiadon kon pongaanan naton kon singgai moḷoben Paska.”

YOHANES 1:42

Ki Simon dinia i Andreas minayá kon i Yesus. Ki Yesus inimindoi kon i Simon, bo noguman: “Iko ki Simon, ki adí i Yohanes. Iko in tangoiondon ki Kepas.” (Kepas notongkai in Petrus, mangaḻenea buḷud batu.)

OUMAN IN RASUL MITA 12:17

Táe ki Petrus in nonuḷadá in noguman kon bá mosia kibio-biómaidon, onda intua inoumanneadon kon ki Tuhanbí in nodia kon inia iḷumuai nongkon ponjara. Bo sia noguman doman, “Oumanpa kon i Yakobus bo kon i utat mita naton onu inta ain nobaḻí tanaa kon inakó.” Onda intua iḷumuaidon in sia bo minayá in tampat ibanea mako.

OUMAN IN RASUL MITA 15:13

Naonda in mosia nopaḷut nosingog, ki Yakobus noguman, “Utat mita! Indongogaipa in singogku naa.

OUMAN IN RASUL MITA 15:7

Totok in noonggot in pinoyosingogan monia kon soaḷ tatua. Dá sinimindogdon in ki Petrus bo nosingog, “Utatku mita! Kinotaauan bidon monimu kon akuoi naa in piniḻíbí i Allah kon sigad monimu sin mopoyaput in Habar Mopia kon bayongan intau inta deeman Yahudi, sinbá mosia in mokidongog bo mopirisaya kon i Yesus.

OUMAN IN RASUL MITA 4:36

Natua doman in ki Yusup. Sia in nopotaḷui doman in butánea, bo doit boḻinea tatua dinianea inogoinea kon rasuḷ mita. Ki Yusup naa in intau tobatú inta buí in Lewi nongkon Siprus; rasuḷ mita modonoimai kon inia ki Barnabas (inta mangaḻenea, Mohohibur).

SURAT I PAULUS KON JAMAAT RUM 1:5

Bo pinongin i-Nia doman tua ki Allah in nobogoi in totabi kon i-Nakó nobaḻí rasul, sin mopotutui in daḷan kon bayongan intau sinbá mopirisaya bo motoindudui kon i-Nia.

SURAT I PAULUS KON JAMAAT RUM 12:3

Ki Allah in nobogoidon in totabi-Nea kon i-Nakó. Manangka intua utat mita akuoi in mononggina kon i monimu nanaa: Donaaibí in moiko morasa kon lebedon moḷantud nongkon kaadaanmu sabanarnea. Táe naa in aidai: mokopoompá kon raian bo nilaidon in kaadaan monimu tontaní. Nilai in kaadaan monimu tontaní podudui in komampuan inta inogoi i Allah kon inia, sin sia in mopirisaya kon i Yesus.

SURAT I PAULUS KON JAMAAT RUM 15:15

Táe kon soaḷ mita ibanea, ogoiankupa in tompoingat in moiko pongin surat tanaa, sin ki Allah ain noponotabi in oaidan tanaa kon inakó.

KORINTUS 1 15:10

Tongá sinotabipabí i Allah, dá oyúonpa komangoi in tanaa. Bo totabi i Allah kon inakó in diábí inta diá in mangaḻenea. Sin akuoibí in moraji-morajing kon sigad in rasul mita ibanea. Táe sabanarnea in deemanbí tongá uḷatku tontaní; táe nongkon i Allahbí inta ain nonotabi kon inakó bo siabí doman inta ain nogaid noyotakinku.

KORINTUS 2 11:5

Táe podudui in raianku, akuoi naa in diábí tongá ná “rasul mita” inta mongotoyang tatua!

KORINTUS 2 12:11

Totuubí kon akuoi in sinumon intau bodok – táe moikobí in nomakisa kon i nakó nobaḻí natua. Sabanarnea moikobí in musti moduí kon inakó. Sin umpaka diá baraguna in akuoi kon i monimu, táe kon bayongan yagi-yagi akuoi in noiḻiubí kon rasul mita inta mongotoyang tua.

KORINTUS 2 8:4

mosiabí tontaní in nopoigum totok kon inami sinbá ogoian doman in kasampatan in mosia motuḷung kon umat mita i Allah kon Yudea.

GALATIA 1:16

Pinoontong-Nea kon i nakó in ki Adí-Nea sinbá Habar Mopia soaḷ ki Adí-Nea bayáanku poyaputon kon intau mita inta deeman Yahudi. Bo wakutu intua akuoi in diábí minayá kon i ineka sin noigum kon tonggina.

GALATIA 1:18

Bo toḷu notaong noiduduimai, akuoi minayá in Yerusalem sin mokipodungkuḷ kon i Petrus. Akuoi in nogutun takinnea mopuḷú boḻima nosinggai.

GALATIA 2:1

Naonda in mopuḷúdon bo opat notaong kon tua, akuoi in bui minayá in Yerusalem takin i Barnabas, bo i Titus.

GALATIA 2:2

Akuoi in minayá in Yerusalem sin ki Allahbí in nopotabá. Bo kon tobatú pinoyodungkuḷan takin itoi mita kon tua, akuoi noginsilang kon Habar Mopia inta pinoyaputku kon intau mita inta deeman Yahudi. Sin doíbí in akuoi aka usahaku koḻipod bo masa in tanaa, tongá mobaḻí diá baraguna.

GALATIA 6:3

Aka tobatú intau bo nosangka kon sia tua intau moponting, bokaka diábí, yo sia in nonguboḷdon kon inia tontaní.

EPESUS 2:20

inta pinosindog kon tudu in pondasi inta inaidan in rasul mita bo nabi, bo ki Kristus Yesus in nobaḻí batu inta totok moponting.

EPESUS 3:8

Kon sigad in bayongan umat i Allah, yo akuoibí naa in totok in mokooyá. Táe ki Allah ain noponotabi in oaidan tanaa kon inakó; oaidan mopoyaput in Habar Mopia soaḷ kaoyúonan i Kristus inta diá modai-dait;

KOLOSE 1:29

Sinbá koyaputanku intua, dá tuamai akuoi in moramuji totok in mogaid. Akuoi in moramuji takin bayongan ropot inta inogoi i Kristus kon inakó bo inta nongawasa doman kon inakó.

TIMOTIUS 1 3:15

sinbá aka akuoi diápa ḷagi moiangoi, yo kotaauanmudon naonda in kobobiag naton saḷaku ki adí mita i Allah, mangaḻenea kon naa jamaat i Allah inta nobiag. Jamaat tanaa inta nobaḻí oigi pinonuḻid bo dumodudui kon totundú inta totuu nongkon i Allah.

YOHANES 1 1:3

Onu inta ain inontong bo dinongog nami, tuabí doman in potaau nami kon i monimu, sinbá moiko in motobatú domandon nami bo motobatú domandon i Amá bo i Kristus ki Adí-Nea.

WAHYU 3:12

Intau inta nountung, baḻíon-Ku saḷaku oigi kon bonu in Baḷoi Motusi i Allah-Ku, bo sia in umuran bidon mogutun kon tampat tatua. Tangoi i Allah-Ku, bo tangoi in kotá i Allah-Ku, tuata in Yerusalem mobagu inta moponag nongkon soroga, nongkon i Allah-Ku – tua in paison-Ku kon intau tatua. Ná doman tua, tangoi-Ku inta mobagu in paison-Ku doman kon intau tatua.