GALATIA 2:1 - Alkitab Singog In Mongondow Masa In Tanaa

¹ Naonda in mopuḷúdon bo opat notaong kon tua, akuoi in bui minayá in Yerusalem takin i Barnabas, bo i Titus.

GALATIA 2:1 Mawu Ofanana

OUMAN IN RASUL MITA 11:25

Noiduduimai kon tua ki Barnabas minayádon in Tarsus notayak kon i Saulus.

OUMAN IN RASUL MITA 11:30

Dá notobatú doman kon gina in mosia, bo nosipun kon totuḷung ogoi kon penatua mita. Totuḷung mita tatua inogoi pinoki dia monia kon i Barnabas bo kon i Saulus.

OUMAN IN RASUL MITA 12:25

Naonda in nopaḷutdon in oaidan i Barnabas bo i Saulus, mosia in nobuidon nongkon Yerusalem bo nodia kon i Yohanes Markus noyotakin i monia.

OUMAN IN RASUL MITA 13:2

Kon singgai tobatú wakutu in mosia nosambayang kon i Tuhan bo nopuasa, Roho i Allah in noguman kon i monia nanaa, “Piḻídon in ki Barnabas bo ki Saulus mobaḻí totabá-Ku, sinbá mosia in mogaid kon oaidan inta aindon sinantú-Ku pokiaid kon i monia.”

OUMAN IN RASUL MITA 13:50

Táe intau mita moḷoben kon kotá tatua bo bobay mita inta nongkon kalangan intau moḷantud inta motoguondok kon i Allah, totok pongaruon in intau mita in Yahudi. Mosia in nogaid kon soaḷ inta nokopomuka kon saturu monia kon i Paulus bo kon i Barnabas, bo inuntundon monia in taya dua nongkon daerah tatua.

OUMAN IN RASUL MITA 14:12

Dá ki Barnabas sinangoian monia ki Zeus yo ki Paulus in ki Hermes, sin sia in nosingog.

OUMAN IN RASUL MITA 15:25

Tuamai in kami notobatúdon kon gina bo nomiḻí poḷat nopotabá in tongonumai in intau mamangoi kon i monimu moyotakin i Barnabas bo i Paulus inta kino tabi nami.

KORINTUS 1 9:6

Andeka degá tongá ki Barnabas bo akuoi in musti motayak kon kaanon tontaní?

KORINTUS 2 2:13

Táe mogagawang totok in ginaku sin diápa noyodungkuḷ i utat naton ki Titus in akuoi. Tuamai akuoi nogumandon kon intau mita kon tua bo akuoi nopobayádon in Makedonia.

KORINTUS 2 8:16

Sukurdon mako kon i Allah, sin ki Titus in pinoporajing-Neapa naonda bo kami inta umuran noibog notuḷung kon i monimu!

KORINTUS 2 8:23

Aka ki Titus, yo sia in yobayat topogaidanku inta notuḷung kon i monimu. Bo soaḷ ki utat naton taya dua tua, inta minayá noyotakinnea, mosia tua in intaubí inta piniḻí bo sinantú in jamaat sin kinosanang in gina monia.

GALATIA 1:18

Bo toḷu notaong noiduduimai, akuoi minayá in Yerusalem sin mokipodungkuḷ kon i Petrus. Akuoi in nogutun takinnea mopuḷú boḻima nosinggai.

GALATIA 2:13

Intau mita in Yahudi ibanea dinumudui domandon kon aid i Petrus natua, sahingga in ki Barnabas noidudui doman kon aid monia natua.

GALATIA 2:3

Ki Titus inta noyotakinku tua intau in Yunani táe diábí in sia pinoki sunatku ná kon atorang in agama Yahudi,

GALATIA 2:9

Bo naonda in nokoontong kon totabi inta inogoi i Allah kon i nakó, dá ki Yakobus, ki Petrus, bo ki Yohanes inta nobaḻídon itoi kon jamaat, nopirisayadon kon ki Allahbí in nobogoi oaidan tanaa kon inakó. Sahingga in nodati in mosia kon i naminda i Barnabas saḷaku tanda yoyobayatan. Bo nosatuju bidon in kami kon kami in mayá mopohabar in Habar Mopia kon yua-yuak in intau mita inta deeman Yahudi, bo mosia in mayá kon sigad in intau mita in Yahudi.

KOLOSE 4:10

Ki Aristarkhus inta noyotakinku kon bonu in ponjara nokipoyaput in salam kon i monimu. Ná doman tua in ki Markus inta pokuadíon i Barnabas. Soaḷ ki Markus naa, aindon pinongoyow kon i monimu kon tarimadon in sia aka mamangoi kon i monimu.

TITUS 1:4

Titus, iko uḻe in totu-totuu bidon nobaḻí ki adíku, sin kitada in tumpaḷadon nopirisaya kon i Kristus. Manangka intua umuranku poigumon mako sinbá ki Allah, ki Amá naton bo ki Kristus Yesus Datu Mopoposaḷamat naton, umuran mobogoi in barakat bo kobiagan mopia kon inimu.