GALATIA 1:8 - Alkitab Singog In Mongondow Masa In Tanaa

⁸ Táe intau inta nopoyaput in kai monia “habar mopia” inta noyoposi in Habar Mopia inta pinoyaput nami tua in igumonku mako bá hukumon i Allah in sia, kami kabí tontaní andeka malaekat nongkon soroga!

GALATIA 1:8 Mawu Ofanana

KINOBAḺIAN 9:25

sia noguman, “Binutungdon in Kanaan! Sia in mobaḻí ata inta totok in mohina kon i utatnea mita.

DATU MITA IMITÁNEA 13:18

Dá nabi nogoguyang inta nongkon Betel tatua in nonguboḷ kon inia, takin noguman, “Akuoi in nabibí doman ná Iko. Podudui doman in parenta i Tuhan malaekat tobatú ain nopotabá kon inakó monontomu kon inimu poḷat mogoḷud in kaanon kon baḷoiku.”

NEHEMIA 13:25

Sinoboḷowku bo inodi-odianku in mosia. Oyúon in binongkugku bo oyúon in irabutku in buok monia. Onda intua pinoki pongibotanku in mosia pinodoyon kon tangoi i Allah kon mosia takin ki adí mita monia in diá bidon motonibuḷoi takin bobay ibanea.

YEREMIA 23:16

Kon intau inta nogutun kon Yerusalem, ki Tuhan Inta Totok in mokawasa noguman, “Dika indongogan in tosingogon in nabi mita inta umuran tongá mobogoi in kamang inta diá in mangaḻenea. Mosia in tongábí mopotaau in onu in inta kon raian monia tontaní bo deemanbí koyow-Ku.

YEREMIA 23:36

Mosia in diá bidon motaau momaké in istila ‘bobabaan i Tuhan.’ Aka oyúonpa in momaké in istila tatua, yo baḻíon-Ku in koyow-Ku totu-totuu mobaḻí bobabaannea. Intau inta noguman ‘bobabaan i Tuhan’ tongábí monuui kon tosingogon-Ku, Allah monia, Allah inta nobiag, Tuhan Inta Totok in mokawasa.

MATIUS 25:41

Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

MARKUS 14:71

Bo nomangkoidon nongibot in ki Petrus. Kainia, “Totuu, diábí kinotaauanku in intau inta imakusud monimu tua!”

OUMAN IN RASUL MITA 23:14

Mosia in minayá kon Imang mita itoi bo itoi mita intau in Yahudi bo noguman, “Kami ain nongibot kon diápabí mopongaa-ngaan bo monginu-nginum aka diápa koḻimodan nami in ki Paulus.

SURAT I PAULUS KON JAMAAT RUM 16:17

Utatku mita! Indongogaipa in tongginaku tanaa: Mokopoingatdon kon intau mita inta moibog moropatoi kon jamaat bo inta mopotombauk in pirisaya intau kon i Tuhan. Sin soaḷ tatua in noyoposibí in inta ain sinundú kon i monimu. Dikadon moyobayat in intau mita natua!

SURAT I PAULUS KON JAMAAT RUM 9:3

sin moiko in intau mita tobangusaku. Bo popisí in moiko dá morelabí in akuoi in kutukon i Allah bo poyoguaton nongkon i Kristus.

KORINTUS 1 12:3

Manangka intua mustibí kotaauan monimu kon intau inta kinawasadon in Roho i Allah in diábí motaau mosingog, “Binaḷa-baḷa in ki Yesus!” Ná doman tua, diábí doman in tobatúmai intau in moguman, “Ki Yesus tua in Tuhanbí!” aka intau tatua bo diá kinawasa in Roho i Allah.

KORINTUS 1 16:22

Intau inta diá motabi kon i Tuhan, pomayádon mako baḷáan! Maranatha – Tuhan nami, angoidon!

GALATIA 1:9

Ná inta ain pinoguman nami koḻipod, bo tanaa komintanpa doman in pogumanku: Aka oyúon intau in mamangoi mopoyaput in “habar mopia” táe noyoposi in Habar Mopia inta aindon pinoyaput nami kon i monimu, yo igumonku mako in hukumon i Allah in sia tua!

GALATIA 3:10

Sin intau inta nobiag bo tantú dinumudui kon hukum i Musa, komintanbí nobiag kon bonu in kutukan. Sin kon Buk Motusi ain pinais, “Intau inta diá mosatia in dumudui kon bayongan inta ain pinais kon buk in hukum i Musa, yo kutukon i Allah!”

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”

TITUS 3:10

Intau inta mokopopisí kon ropatoi kon jamaat in musti tongginaai komintan ande kodua; aka doí in sia mokidongog yo dikadon moyobayatnea.

YOSUA 9:23

Popisí in moiko ain nomia kon natua, ki Allah in mohukum kon i monimu. Bangusamu in umuranbí mobaḻí ata, mononiai kon kayu bo mononangkob kon tubig pakéon kon Baḷoi i Allahku.”

PETRUS 2 2:14

Mosia tua in diábí mogoga-gogai in mogaid kon dosa, bo totok moibog in mosia motayak kon bobay inta monakaḷ. Bo intau mita inta diápa noroton in pirisaya monia modait tongganutan monia. Gina monia tua in noibiasa bidon moturá. Mosia tua in binutung bidon!

SAMUEL 1 26:19

Tuang datu, indongogaidon in sumba in bobantung naa. Aka kuma ki Tuhan in nopotabá kon i Tuang datu sinbá moḷawang kon bobantung naa, yo sosumba kuruban tobatú in mokoonowbí kon torú-Nea kon bobantung naa. Táe aka inta nopotabá tua kon i Tuang datu bo intaubí, yo igumon mako mosia tua in kutukondon i Tuhan! Popisí in aid monia tatua, bobantung naa ain pinoguntun nongkon butá kapunyaan i Tuhan bo pakisadon mustibí mayá in butá ibanea bo pokisumbaan in dewa mita inta diá kinotaauanku.