GALATIA 1:16 - Alkitab Singog In Mongondow Masa In Tanaa

¹⁶ Pinoontong-Nea kon i nakó in ki Adí-Nea sinbá Habar Mopia soaḷ ki Adí-Nea bayáanku poyaputon kon intau mita inta deeman Yahudi. Bo wakutu intua akuoi in diábí minayá kon i ineka sin noigum kon tonggina.

GALATIA 1:16 Mawu Ofanana

MATIUS 16:17

Dá ki Yesus in noguman kon inia, “Pia in kamang iko Simon inta buí i Yunus, sin deemanbí intau in noguman kon singog tatua kon inimu, táe ki Amámubí inta kon soroga.

MATIUS 26:41

Umuran poḷukad bo posambayang sinbá moiko in diá mokorasa kon sobaan, sin kinotaauan-Ku bidon in moiko, moiko in moibogbí mogaid kon inta kinoibog i Allah, táe moiko in tongábí intau moyangkó.”

OUMAN IN RASUL MITA 22:21

Táe ki Tuhan in noguman kon inakó, ‘bayádon sin Akuoi in mopotabá kon inimu mayá in tampat moyayú kon ḻipú in intau mita inta deeman Yahudi.’ ”

OUMAN IN RASUL MITA 5:42

Bo pomuḷoi in singgai mosia umuran mayá in Baḷoi Tuhan bo mayá doman in baḷo-baḷoiannea mopoyaput in habar kon ki Yesus tua in Datubí Mopoposaḷamat.

OUMAN IN RASUL MITA 9:15

Táe ki Tuhan in noguman kon i Ananias, “Bayádon! Sin sia tua ain bidon piniḻí-Ku mobantung kon i-Nakó mopotaa-taau mako in Habar Mopia soaḷ Akuoi kon bangusa mita ibanea inta deeman intau in Yahudi bo kon datu mita bo kon intau mita in Israel.

OUMAN IN RASUL MITA 9:20

Ki Saulus in nogutunpa kon Damsyik tongonumai nosinggai noyotakin in dumodudui mita i Yesus kon tua.

SURAT I PAULUS KON JAMAAT RUM 1:5

Bo pinongin i-Nia doman tua ki Allah in nobogoi in totabi kon i-Nakó nobaḻí rasul, sin mopotutui in daḷan kon bayongan intau sinbá mopirisaya bo motoindudui kon i-Nia.

SURAT I PAULUS KON JAMAAT RUM 11:13

Tanaa akuoi in mogumandon kon i utat mita inta deeman intau in Yahudi! Saḷaku rasul kon intau mita deeman Yahudi, totokbí in untuonku in oaidanku tanaa.

KORINTUS 1 15:50

Nanaa in makusudku utat mita: awak inta pinomia nongkon dugú bo tapú in diábí motaau tumuot kon Dunia Mobagu i Allah; bo awak inta mato-matoipa naa in diábí mobaḻí mononoi.

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

KORINTUS 2 5:16

Manangka intua, kami in diábí monilai kon intau podudui in raian intau. Aka koḻipod bo nokoimontandon in kami nonilai kon i Kristus podudui in raian intau, yo masa inta naa in diá bidon natua.

GALATIA 2:1

Naonda in mopuḷúdon bo opat notaong kon tua, akuoi in bui minayá in Yerusalem takin i Barnabas, bo i Titus.

EPESUS 3:1

Akuoi ki Paulus, pinonjara popisí in nogaid kon oaidan i Kristus Yesus sin kopontingan monimu intau inta deeman Yahudi.

EPESUS 6:12

Sin kita in moparang deemanbí moyogintayow in intau, táe moyogintayowbí in ropot in bayongan dimukud moraat inta nongawasa kon singgai moraat mita tanaa. Kita in monayow kon ropot in roho mita moraat inta nongawasa kon ḷangit.

ULANGAN 33:9

Mosia in mosatia kon ini-Mu noiḻiu kon ibanea mako, noiḻiu kon guyanga bo ginaḷum motoḷuadí. Parenta-Mu mita in dinuduian monia, dodandian-Mu in inintompodan monia.

TESALONIKA 1 2:16

Modapot in mosia moramuji totok in moḷamboi kon inami mopoyaput in Habar Mopia kon intau mita inta deeman Yahudi, Habar Mopia inta mokosaḷamat kon i monia. Intau mita in Yahudi tatua, umuran mogaid kon inta diá mopia kinobobúbí monia. Pangabisannea hukumon i Allah in mosia!

TIMOTIUS 1 2:7

Dá tuamai akuoi in pinotabá-Nea mayá kon yua-yuak in intau mita inta deeman Yahudi sin mopoyaput in habar mopia inta mobanar nongkon i Allah. Onu inta pinogumanku naa in totuubí, deemanbí uboḷ.

TIMOTIUS 2 1:11

Bo popisíbí in mopoyaput in Habar Mopia tatua dá inoiní i Allah in akuoi mobaḻí rasul bo guru.

IBRANI 2:14

Lantaran intau mita inta sinangoi-Nea adí tua, tongábí intau ilo-ilow inta mato-matoipabí, dá ki Yesus sinumongkaidon kon i monia bo nobiag naonda bo kaadaan intau. Tua pinomia-Nea, sinbá kinopatoian-Nea tua mokorimumud kon Ibilis inta nongawasa kon popatoi.