EZRA 8:33 - Alkitab Singog In Mongondow Masa In Tanaa

³³ Onda intua kon singgai inggopatnea minayádon in kami kon Baḷoi Tuhan, bo nonimbang kon saḷaka, buḷawan bo pakakat mita tatua. Nopaḷut mako kon tua inogoi nami kon i Imang Meremot ki adí i Uria takin inindoian mako i Eleazar ki adí i Pinehas bo intau in Lewi doyowa, tuata in ki Yozabad ki adí i Yesua bo ki Noaja ki adí i Binui.

EZRA 8:33 Mawu Ofanana

EZRA 10:23

Intau mita in Lewi: Ki Yozabad, ki Simei, ki Kelaya (dinonoi doman ki Kelita), ki Petahya, ki Yuda bo ki Eleazer.

EZRA 2:40

Inanakan i Lewi inta nobui nongkon pinoḷumbúan naa in tangoi monia: Ki Yesua bo ki Kadmiel (buí in Hodawya) – 74 Mododondong mita kon Baḷoi Tuhan (buí i Asap) – 128 Moḷoḷukad kon ngara kon Baḷoi Tuhan (buí i Salum, i Ater, i Talmon, i Akub, i Hatita bo i Sobai) – 139

EZRA 8:25

Onda intua sinimbangku kon i monia in saḷaka, buḷawan bo pakakat mita inta ain pinosumba i datu, in monononggina mita bo intau mita moḷoben bo in bayongan in intau in Israel, sin pakéon kon bonu in Baḷoi Tuhan. Bayongan intua inogoiku kon imang mita tatua.

EZRA 8:26

Naa inta inogoi mita tatua: saḷaka – 22 noton 100 in pakakat mita saḷaka – 70 nokilo buḷawan – 3.400 nokilo 20 in mangko buḷawan – 8.400 gram 2 in mangko bitú inta totok in mogaga, inta notongkai in boḻinea in mangko buḷawan.

EZRA 8:29

Ḷukadai in pakakat mita tatua kopiaan modapot in moiyaput kon Baḷoi Tuhan. Moiyaputmai kon tua, moiko in mustibí monimbang kon pakakat mita tatua bo ogoi kon imang mita itoi bo itoi mita in Lewi, takin itoi mita in intau in Israel kon Yerusalem.”

EZRA 8:30

Bo imang mita bo intau mita in Lewi tatua in notarima kon saḷaka, buḷawan bo pakakat mita tatua sin diaan kon Baḷoi Tuhan kon Yerusalem.

EZRA 8:34

Bayongan in pakakat mita tatua iniap bo sinimbang, bodongka pinais kinotaḻit.

NEHEMIA 10:9

Intau mita in Lewi Ki Yesua ki adí i Azanya, Ki Binui buí in inanakan in Henadad, Ki Kadmiel, ki Sebanya, ki Hodia, Ki Kelita, ki Pelaya, ki Hanan, Ki Mikha, ki Rehob, ki Hasabya, ki Zakur, ki Serebya, ki Sebanya, ki Hodia, ki Bani bo ki Beninu.

NEHEMIA 8:7

Nopaḷut mako kon tua nobuat in mosia bo sinimindog kon tampat monia tontaní, bo tongonumai in intau mita in Lewi noginsilang kon Hukum tatua kon i monia. Naa in intau mita in Lewi tatua: ki Yesua, ki Bani, ki Serebya, ki Yamin, ki Akub, ki Sabetai, ki Hodia, ki Maaseya, ki Kelita, ki Azarya, ki Yozabad, ki Hanan bo ki Pelaya.