EZRA 2:63 - Alkitab Singog In Mongondow Masa In Tanaa

⁶³ Gubernur in butá in Yohuda diá nobogoi kon i monia nokaan kon kaanon inta pinosumba kon i Allah, nodapot in oyúon in imang tobatú inta nopoigum in topotundú nomaké in Urim bo Tumim.

EZRA 2:63 Mawu Ofanana

EZRA 2:64

Intau mita inta iḷumbú inta nobui kon butá monia in kobayong monia komintan in 42.360 in intau. Koḻikud intua nobui doman in mobobantung monia kobayongnea in 7.337 in intau bo mododondong in 200 in intau. Mosia in nodia doman kon biag mita monia: Kabaḷo – 736 Bagal – 245 Unta – 435 Keledai – 6.720

NEHEMIA 10:1

Intau inta dungkuḷ totok notekeng in ki Gubernur Nehemia ki adí i Hakhalya. Noiduduimai in ki Zedekia. Nopaḷut mako kon tua intau mita inta noiduduimai naa in notekeng doman:

NEHEMIA 10:2

Imang mita Ki Seraya, ki Azarya, ki Yeremia, Ki Pasyhur, ki Amarya, ki Malkia, Ki Hatus, ki Sebanya, ki Malukh, Ki Harim, ki Meremot, ki Obaja, Ki Daniel, ki Gineton, ki Barukh, Ki Mesulam, ki Abia, ki Miyamin, Ki Maazya, ki Bilgai bo ki Semaya.

NEHEMIA 7:65

Ki gubernur in Yohuda in diá nobogoi kon i monia mokaan kon kaanon inta pinosumba kon i Allah, noidapot in oyúon in imang tobatú inta motaau mopoigum in topotundú mopomaké in Urim bo Tumim.

NEHEMIA 8:9

Nokodongogmai kon pinobacaan kon Hukum tatua, pinongoibu in rayat bo poḷat nongombaḷ. Dá ki gubernur Nehemia bo ki Imang Ezra inta nonotaau totok in Hukum tatua bo intau mita in Lewi inta noginsilang kon Hukum tatua, noguman kon bayongan in rayat nanaa, “Singgai naa in singgai inta mokudus kon i Tuhan Allahmu, dá dikadon pongoibúon andeka mongombaḷ.

IḶUAIAN 28:30

Ukat in Urim bo Tumim kon bonu in oḻingoi in dodob tatua sin pakéon i Harun aka sia tumayow kon i-Nakó. Kon dodai in sia yogot momia kon oaidannea tatua sia in musti umuran momaké kon oḻingoi in dodob, sinbá kotaauannea mongo onu in kinoibog-Ku kon umat Israel.”

IMAMAT 2:10

Kiagatnea in kon i imangdon mita. Roti tatua motusi totok sin ginamá nongkon kaanon inta ain pinosumba kon i Tuhan.

IMAMAT 2:3

Kiagat in kuruban sosumba tatua in ogoidon kon imang mita. Kuruban tatua motusi totok sin ginamá nongkon kaanon inta ain pinosumba kon i Tuhan.

IMAMAT 22:10

Sosumba inta ain sinantú kon i-Nakó tongábí motoḷuadí i imang in motaau mokaan; intau ibanea in diábí motaau mokaan kon tua, umpakabí intau tatua nogutun tobaḷoian i imang tatua ande intau inta sinokotondanannea.

IMAMAT 22:13

Táe ki adí i imang inta nobaḻídon boba-bobay ande inta ain ginaat takin diá kogadí bo nobuidon mangoi kon baḷoi amánea poḷat domandon nobaḻí tanggungannea, yo motaaudon in sia mokaan kon silai i amánea. Tongábí motoḷuadí i imang in motaau mokaan kon sosumba tatua.

IMAMAT 6:29

Bayongan ḷoḷaki kon bonu in baḷoi imang motaaubí mokaan kon kaanon intau pinokuruban bo inta totok in motusi tatua.

IMAMAT 7:16

Aka intau tobatú modia kon kuruban dodamean sin mogintompod kon dandinea, ande kuruban inta nomuká nongkon ginanea tontaní, diá bidon musti kodaiton kaanon kon singgai doman tatua. Ibanea in motaaubí kaanon mobangon monik.

IMAMAT 8:8

Bo pinoḷutudnea domandon in oḻingoi in dodob kon i Harun, bo pinopobonuneadon kon oḻingoi in dodob tatua in Urim bo Tumim.

PINOGIAPAN 18:19

Bayongan sosumba inta ain sinondí in intau mita in Israel kon i-Nakó, in umuran-Kubí ogoi kon inimu bo kon i adímu mita ḷoḷaki bo bobay. Atorang tanaa umuranbí pakéon modapot kon adí mita bain ompu bo mobaḻí togot in dodandian inta diá motaau inggamáan kon sigad-Ku bo kon inimu takin buímu.”

PINOGIAPAN 18:32

Diábí moitaḷá in moiko aka mokaan kon tua, asaḷ bo tonsilai inta totok in mopia aindon pinosumba monimu kon i Tuhan. Dika moponajis in sosumba inta motusi in intau Israel takin mokaan kon onu inta pinosumba monia kon dodai in tonsilainea inta totok mopia diápa sinondí posumba kon i Tuhan. Aka moiko ḻimimpat kon parenta tatua, matoi in moiko.

PINOGIAPAN 27:21

Ki Yosua in musti mopoigum in totundú i Imang Eleazar, bo ki Eleazar in musti moḻibó kon onu in koibog-Ku takin mopomaké in Urim bo Tumim. Natua in pododia i Eleazar kon i Yosua bo bayongan bangusa Israel kon bonu in bayongan pelekara inta kobayáan monia.”

ULANGAN 33:8

Bo kon suku i Lewi ki Musa in noguman: “Takin Urim bo Tumim pinoniata-Mu in ibog-Mu, pinongin intau in Lewi, mogogundoi-Mu inta mosatia. Iko nonungkuḷdon kon i monia kon Masa, bo nobobayowan monia kon bokaká in Meriba.

SAMUEL 1 28:6

Bo nopoigum in sia in totundú kon i Tuhan, táe ki Tuhan in diábí notubag kon inia, pinomayá pinongin togoindop, andeka pinongin Urim bo Tumim andeka pinongin nabi mita.