ESTER 4:10 - Alkitab Singog In Mongondow Masa In Tanaa

¹⁰ Táe ki Ester in nopotabá bui kon inia minayá bui kon i Mordekhai takin koyow nanaa,

ESTER 4:10 Mawu Ofanana

ESTER 4:11

“Komintan intau, pinomayá ḷoḷaki andeka bobay, inta aka diá inoiní, bo mamangoi kon tayowon i datu kon palas kon bonu in komaḻig, in mustibí hukumon matoi. Tua in nobaḻí undang-undang bo bayongan in intau pinangkoi kon monononggina i datu nodapot kon rayat kon bayongan in propinsi, nonotaaubí kon tua. Tongábí tobatú in daḷan sinbá moisimparut nongkon undang-undang tatua, tuata in aka ki datu mopotundú in tungkudnea buḷawan kon intau tatua. Aka tua bo mobaḻí, yo mosaḷamat in sia. Táe ain tobuḷan naa diá in akuoi inoiní i datu.”

ESTER 4:5

Bo ki Ester in nogoiní kon i Hatah, pojabat tobatú inta pinotabá i datu mobantung kon i Ester. Pinotabánea in ki Hatah moḻibó kon i Mordekhai mongo onu in nobaḻí bo nongonu sin momiabí kon natua.

ESTER 4:9

Bo minayádon in ki Hatah kon i Ester bo nopotaau in koyow i Mordekhai kon inia.