EPESUS 6:8 - Alkitab Singog In Mongondow Masa In Tanaa

⁸ Pokotoropdon, pomuḷoi in intau inta nobiag ata andeka intau inta nobebas, motarimabí kon tontuḻínea nongkon i Tuhan kon bayongan inta mopia inta ain inaidannea.

EPESUS 6:8 Mawu Ofanana

AMSAL 11:18

Kauntungan in intau moraat in kauntunganbí inta diá in mangaḻenea, kauntungan in intau inta nogaid kon inta mopia in kauntungan inta moḷoben in mangaḻenea.

AMSAL 23:18

sinbá kobiaganmu moiduduimai in koḷukadan, bo kamangmu in diá mobuḻi.

YESAYA 3:11

Táe moboditodon in intau moraat! Mosia in pomiaanbí ná pinogogaid monia kon intau ibanea.

MATIUS 16:27

Diádon moonggot bo ki Adí Intau takin malaekat-Nea mita in mamangoi takin kawasa i Amá-Nea. Kon dodai intuata Sia motuḻidon kon pomuḷoi in intau podudui in oaidnea.

MATIUS 20:7

Mosia in notubag kon inia, ‘Kakaa diá onda intau mogoiní kon inami mogaid.’ Dá sia in noguman doman kon i monia, ‘bayádon moiko pogaid kon gobá in anggurku.’

MATIUS 5:12

Koḷunganga bo kopiadon in gina monimu, sin moḷoben in mouḻímu kon soroga, sin nabi tungkuḷ intua in pinogutú doman monia natua.”

MATIUS 6:1

“Pokotoropdon, donaai moiko mogaid kon onu inta pinarenta in agamamu kon tayowon intau sinbá koontongan monia. Sin aka natua yo diábí in mangaḻenea, bo ki Amámu inta kon soroga in doíbí in natua.

MATIUS 6:4

Ḷongasi bá diá kotaauan in intau ibanea, koḻikudon ki Amámu kon soroga in monotaau. Sin Sia inta nokoontong kon oaidmu natua in mobogoi bui kon inimu.”

LUKAS 14:14

Aka natua yo iko in barakatan sin intau mita tatua in diá mokotuḻí kon oaidmu inta mopia. Oaidmu inta mopia tua in ki Allahbí in motuḻí kon wakutu in intau mita mopia tatua biagon bui nongkon kinopatoiannea.”

LUKAS 6:35

Sabanarnea in deemanbí natua! Nanaabí in musti aidan monimu: Kotabibí in saturumu bo aidai in onu inta mopia kon i monia, bo popoḷuanaibí in mosia, táe donaai potayakan kon kauntungan in mosia. Aka natua in aidan monimu, yo moiko in motarimabí kon bungai in oaidmu inta moḷoben totok bo moiko in mobaḻí doman ki adí mita i Allah Inta Totok in moḷantud. Sin Sia in mopiabí doman kon intau mita inta diá motaau mosukur kon i Allah bo kon intau mita moraat.

KORINTUS 1 12:13

Natua doman in kita komintan, intau in Yahudi ande deeman, ata ande deeman; kita komintan ain bidon binaptis in Roho inta kotangoianmai naa, sinbá motobatúdon in kita kon awak i Kristus bo mokorasa doman kon Roho inta notongkai doman tatua.

KORINTUS 2 5:10

Sin notantúbí kon kita in diaanbí kon tayowon pongadilan i Kristus, bo pomuḷoi intau in motarimabí kon inta patus tarimaannea podudui in oaidannea kon wakutu in kon duniapa naa – oaid mopia andeka moraat.

GALATIA 3:28

Tuamai intau in Yahudi andeka intau in Yunani, diá bidon in yoposinea bo diábí domandon in sinangoian ata andeka intau nobebas, ḷoḷaki andeka bobay. Moiko komintan ain bidon notobatú takin i Kristus Yesus.

KOLOSE 3:11

Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!

KOLOSE 3:24

Sinbá kotaauan monimu, tarimaanbí monimu in tontuḻínea nongkon i Tuhan. Onu in sinadia i Tuhan kon umat-Nea, tuabí in ogoi kon inimu. Sin tuang sabanarnea inta yogot bantungan monimu tua in ki Kristusbí tontaní.

KOLOSE 3:25

Bo ki inekabí in mogaid kon noitaḷá yo siabí in motanggung kon taḷánea mita tatua; sin diábí piḻían i Tuhan in intau.

IBRANI 10:35

Manangka intua, dikabí ukatan monimu in onu inta ain pinirisaya monimu sin aka moiko umuran mopirisaya, dá moḷobenbí in mangaḻe inaidanmu tua!

IBRANI 11:26

Irai Musa kon diábí nongonu in singkuḻeon sin mopirisaya kon i Datu Mopoposaḷamat inta pinodandi i Allah dika in mokouḻí kon bayongan kapunyaan kon butá in Mesir, sin iharap mako i Musa tua in kapunyaanbí kon singgai moiduduimai.