EPESUS 6:23 - Alkitab Singog In Mongondow Masa In Tanaa

²³ Poigumon mako ki Allah ki Amá naton bo ki Tuhan Yesus Kristus mobogoi in kasampatan kon bayongan jamaat motobatú bo umuran mototabian bo umuran doman mopirisaya kon i Kristus.

EPESUS 6:23 Mawu Ofanana

KINOBAḺIAN 43:23

Bobantung tatua in noguman, “Dika moondok. Dika mohawatir. Ki Allahmu, inta ki Allah inta sinumba i amámu, Sia tuata inta nopobonu in doit tatua kon bonu in karong monimu. Akuoi in notarimadon kon boḻi in gandum inta sinaḷui monimu tua.” Onda intua dinianeadon mangoi in ki Simeon kon i monia,

YOHANES 14:27

Kobiagan moonow bo motompia taḷaan-Ku kon i monimu. Dodamean-Kubí tontaní in ogoi-Ku kon inimu. Onu in ogoi-Ku tua deemanbí ná inta inogoi in dunia naa kon i monimu. Dika moḻia-ḻiaw in gina bo dika moondok.

SURAT I PAULUS KON JAMAAT RUM 1:7

Tuamai in akuoi in nomais kon surat kon i monimu. Poigumon mako kon i Allah inta ki Amá naton bo ki Tuhan Yesus Kristus mobogoi in barakat bo kobiagan motompia kon i monimu.

SURAT I PAULUS KON JAMAAT RUM 15:33

Poigumondon mako, ki Allah inta nobogoi in kobiagan motompia kon intau, umuran moyotakin i monimu komintan. Amin.

KORINTUS 2 13:11

Naa in tongginaku pangabisan kon i monimu utatku mita, mokoposanangdon kon gina bo poramujidon sinbá umuran mobiag mosompurna. Umuran kon gina-gina mako in tongginaku mita naa. Umuran motobatú kon gina bo kon raian bo umuran mototabian. Sin ki Allah inta nobaḻí dodoyonan totabi bo kobiagan inta mopia, umuran kotaki-takin monimu.

GALATIA 5:6

Sin aka kita bo ain notobatú takin i Kristus Yesus, yo soaḷ sunaton ande diá sunaton, diábí mobaḻí soaḷ kon i naton. Sin totok moponting in pirisayabí kon i Kristus bo tua in moniata kon tabi naton kon tumpaḷa intau.

GALATIA 6:16

Kon bayongan intau inta umuranpa nokadai kon atorang tatua bo bayongan doman intau inta dinumudui kon ibog i Allah, umuran igumonku mako sinbá ki Allah in mobogoi in kobiagan motompia bo barakat-Nea.

EPESUS 6:24

Igumon doman mako barakatan i Allah in moiko komintan inta motabi kon i Tuhan naton inta ki Yesus Kristus takin tabi inta diá moobo-obot. Horomat nami, Ki Paulus

TESALONIKA 1 5:8

Táe kita naa in intaubí inta nobiag kon singgai inta nobayag; manangka intua musti doman mobayag in raian naton, bo tantú mopirisaya kon i Tuhan bo mositabian doman bo umuran moharap kon bonu in pirisaya kon posaḷamatonbí i Allah in kita. Tuabí in ḷoḷutam inta pakéon naton moḷawang kon inta mosindip.

TESALONIKA 2 1:3

Nobaḻí bidon kowajiban nami mopoyaput in sukur kon i Allah lantaran moiko. Oo patusbí intua aidan nami sin pirisaya monimu kon i Kristus in tantú kodugang-kodugang bo tabi monimu kon tumpaḷa intau in moḷoben domandon.

TESALONIKA 2 3:16

Ki Tuhanbí tua in pangkoi in kobiagan naton motompia. Poigumon mako umuran in Sia mobogoi kon i monimu in kobiagan motompia bo moonow kon bayongan in yagi-yagi. Bo igumon doman mako sinbá ki Tuhan in umuran moyotakin monimu komintan.

TIMOTIUS 1 1:14

Bo moḷobenbí totok in totabi i Tuhan naton kon i nakó. Inogoian-Nea in akuoi in pirisaya moḷoben bo tabi kon tumpaḷa intau inta ain notobatú i Kristus Yesus.

TIMOTIUS 1 1:3

Wakutu in akúon mayádon in Makedonia, pinakisakudon in iko sinbá umuranpa mogutun kon Epesus. Kon tua iko in mayá mononggina kon intau mita inta motundúmai kon soaḷ mita inta nongoitaḷá, sinbá gogaiandon monia in aid mita ná tatua.

TIMOTIUS 1 5:8

Táe aka oyúon in intau inta doí monarukiramai kon i utatnea, ginaḷumnea, apadoman intau inta kon bonu in baḷoinea, yo intau tatua in doí mogaid kon onu inta sinuntut in pinirisayanea tatua, dá intau tatua in moraa-raatdon nongkon intau inta diá mopirisaya kon i Kristus.

PETRUS 1 5:14

Moiko in musti mosisalaman tobatú bo tobatú takin tabi saḷaku tumpaḷa Keresten. Poigumonku mako ki Tuhan mobogoi in barakat bo kobiagan motompia kon i monimu komintan inta ain nobaḻí kapunyaan i Kristus. Horomat nami, Ki Petrus

YOHANES 3 1:14

Haraponku mako tua in ḷagidon moyodungkuḷmu, bo kita mongonguman moyogintayowan mako.

WAHYU 1:4

Utat mita inta kon pitu nojamaat kon daerah in Asia! Akuoi, ki Yohanes, mopoigum mako sinbá moiko in ogoian i Allah in barakat bo kobiagan motompia--tuata in ki Inta oyúon, bo inta koyongandon oyúon, bo inta umuran oyúon, bo nongkon roho pitu inta kon tayowonmai in tampat pomomarentaan i Allah,

SAMUEL 1 25:6

mokipodungkuḷ kon in Nabal sin mopoyaput in horomat i Daud kon inia. Ki Daud in nopotabá kon i monia moguman nanaa kon i Nabal, “Salam kobobiag motompia kon inimu bo kon tombonu in baḷoimu bo kon bayongan in kapunyaanmu.