EPESUS 6:20 - Alkitab Singog In Mongondow Masa In Tanaa

²⁰ Lantaran Habar Mopia tuata, akuoi in nobaḻí totabá bo tanaa in binonu kon ponjara. Sambayangaibí sinbá mobarani in akuoi in mosingog kon soaḷ Habar Mopia tatua, ná inta patus singogonku.

EPESUS 6:20 Mawu Ofanana

AMSAL 13:17

Totabá inta diá mobanar mokopoangoi kon bodito; totabá inta motaau pirisayaan in modia kon inta mopia.

YESAYA 33:7

Intau mita inta mongobarani momaḷú mokituḷung; totabá mita inta moḷongasi kon dodamean in mongombaḷ takin monakit totok in gina.

YESAYA 58:1

Ki Tuhan in noguman, “Pomaḷúdon podudui in ropotmu! Potaaudon kon umat-Ku in dosa mita monia.

YEREMIA 1:17

Posadiadon, Yeremia! Bayádon bo potaaudon kon i monia, bayongan inta pinoki aid-Ku kon inimu. Dika moondok kon i monia, sinbá diá baḻíon-Ku in iko totok in moondok aka moyogintayowan mako monia.

YEREMIA 40:1

Ki Tuhan in nosingog kon inakó naonda in ki Nebuzaradan, itoi in tontara tatua, nopoḷuai kon inakó kon Rama. Akuoi in diniadon kon tua koumantu-antungpa takin bayongan intau ibanea nongkon Yerusalem bo Yohuda inta inakut saḷaku inta dinakop pinobayá in Babel.

OUMAN IN RASUL MITA 21:33

Itoi in tontara tatua dinimiug kon i Paulus bo nodomok poḷat pinoki tokig in rante. Onda intua itoi in tontara tatua noḻibó kon i monia mongo onu inaidannea.

OUMAN IN RASUL MITA 26:29

Dá tubag doman i Paulus, “Sambayanganku kon i Allah sinbá moonggot ande motoyong, ki Tuang takin bayongan intau inta nokodongog kon singogku singgai naa in modait mobaḻí ná akuoi naa – táe deemanbí tokigon ná tanaa!”

OUMAN IN RASUL MITA 28:20

Tuamai in akuoi mopoigum sinbá motaau moyodungkuḷ monimu bo mongonguman takin i monimu; sin akuoi naa in sinokig nanaa tongábí in nopohabar kon onu inta inoḷat mako in intau mita in Israel.”

OUMAN IN RASUL MITA 28:31

Bo taran-tarangan doman in sia in nopotaau in Habar Mopia kon naonda in ki Allah momarenta saḷaku Datu bo moginsilang kon soaḷ ki Tuhan Yesus Kristus. Onu in inaidan i Paulus tatua diá bidon in noḷambo-ḷamboi mako.

OUMAN IN RASUL MITA 5:29

Táe ki Petrus bo ki Yohanes in noguman, “Kami in mustibí mokidongog kon i Allah, deemanbí dumudui kon singog in intau nion.

KORINTUS 2 3:12

Lantaran natua in harapan nami, dá mobarani in kami mosingog kon natua.

KORINTUS 2 5:20

Dá kami naa in totabábí mita i Kristus inta pinaké doman i Allah mopoyaput in koyow-Nea kon i monimu. Tuamai podoyon nami kon tangoi Kristus, kami in mopoigum sinbá moiko in moibogdon motarima kon totabi i Allah inta mobogoi in kasampatan kon i monimu mopopiaan takin-Nea.

EPESUS 3:1

Akuoi ki Paulus, pinonjara popisí in nogaid kon oaidan i Kristus Yesus sin kopontingan monimu intau inta deeman Yahudi.

EPESUS 4:1

Manangka intua akuoi – saḷaku intau inta pinonjara sin nogaid kon oaidan i Tuhan – mopoigum totok kon i monimu: sinbá moiko, intau inta inoinídon in kobiag domandon ná inta kaadaanmu saḷaku intau inta inoiní i Allah.

EPESUS 6:19

Bo sambayangai doman in akuoi, sinbá wakutu in akuoi mosingog ogoian i Allah in singog mita inta moitutui, bo bá mobarani totok in akuoi mopotaau in onu inta noibunipa kon Habar Mopia tua.

PILIPI 1:20

Inta totok in kinoibogku bo iharapku mako in bá diá mokoimontanmai in akuoi in diá mokopogaid kon oaidanku. Táe haraponku bá pomuḷoi mako, torutama totok in tanaa mako mobaranidon totok in akuoi sahingga in bayongan onu inta kon inakó – mobiag andeka matoi – ki Kristus in pomuliaan.

PILIPI 1:7

Totuubí kon diábí moitaḷá in raianku tanaa kon i monimu, sin moiko umuran kon gina-ginaku mako, popisí in moiko ain nokouḻí domandon kon totabi bo barakat i Allah inta inogoi kon inakó; kon tungkuḷ in akuoi kon bonupa in ponjara tanaa mako ande kon tungkuḷ in kon ḷuaidon mobela kon kinobobanar in Habar Mopia tatua.

KOLOSE 4:3

Sambayangai doman in kami sinbá ogoian i Allah in kasampatan mopia kon mopotaa-taau mako in habar soaḷ inta noibuni kon i Kristus. Inta lantaran soaḷ tatuata dá tanaa mako akuoi binonu kon ponjara.

KOLOSE 4:4

Sambayangai in akuoi sinbá motaau in akuoi moginsilang kosila-silangon kon onu inta noibuni tua.

TESALONIKA 1 2:2

Bo kinotaauan bidon monimu kon wakutu in kami diápa namangoi kon i monimu kon Tesalonika, kami in muna bidon pinogutú bo siningkuḻe kon kotá in Pilipi. Táe umpaka nobayong in intau moḷawang kon i nami, táe umuranbí inogoian i Allah naton in kabaranian in kami mopotaau kon i monimu in Habar Mopia inta nongkon i Allah.

TIMOTIUS 2 1:16

Táe tombonu in baḷoi i Onesiporus in umuran namangoi moposanang in ginaku, dá poigumonku mako ki Tuhan in tantú mobogoi in barakat kon i monia, sin umpakabí kon bonu in ponjara akuoi táe ki Onesiporus bo tombonu in baḷoinea tua in diábí mooyá in namangoi mokipodungkuḷ kon inakó.

TIMOTIUS 2 2:9

Bo lantaranbí nopotaau in Habar Mopia tanaa dá akuoi in nokouḻí kon roriga, nodapot in sinokig naonda bo intau moraat, táe pirman i Allah in diábí motaau tokigon monia ná akuoi.

PILEMON 1:10

Tuamai, akuoi ki Paulus in mopoigum kon inimu soaḷ ki Onesimus, inta ain nobaḻí ki adíku sin sia ain nopirisaya kon i Kristus, kon wakutu in akuoi kon bonupa in ponjara bo akuoi in nobaḻídon guyanganea kon bonu in pirisaya kon i Tuhan.

PILEMON 1:9

Tongá lantaran akuoi motabi kon i Utat, dá tongábí akuoi mopoigum kon inimu. Akuoi naa in guyanga bo apa doman tanaa akuoi in pinonjara popisí in nogaid kon oaidan i Kristus Yesus.

YOHANES 1 3:16

Naa in daḷan bá kotaauan naton in motabi kon tumpaḷa intau: ki Kristus in noposarakandon in kobiagan-Nea sin kopontingan naton. Sin tuamai, kita doman in musti moposarakan in kobiagan naton kon kopontingan i utat mita naton!

YUDAS 1:3

Utat mita inta kinotabiku! Totuu kon oyúonbí in makusudku in nomais kon surat tanaa kon i monimu, tuata in soaḷ kasaḷamatan inta ain tumpaḷa kinorasaan naton. Kon soaḷ tanaa totokdon kon ginaku in momais kon surat kon i monimu bo mononggina sinbá moiko in umuran mokoporoton in kumadai kon onu inta ain pinirisaya monimu inta ain pinoyaput kon intau mita inta ain inoiní i Allah.