EPESUS 6:13 - Alkitab Singog In Mongondow Masa In Tanaa

¹³ Manangka intua, tanaa, pakédon touḷut in parang nongkon i Allah sinbá kon singgai moraat naa, moiko in mokosanggup monayow aka tubuon in saturu mita. Bo bá naonda in moiko moparang dapot in mopaḷut, yo umuranpa motorindog bo moropot in moiko.

EPESUS 6:13 Mawu Ofanana

MOHOHUTUBA 12:1

Toropbí in ki Inta nomaḻí kon inimu kon tungkuḷ in iko nobagupa, kon dodai in diápa moiangoi in taong mita inta mopuḻing in roriga. Kon tungkuḷ intua iko in moguman, “Kobiaganku in diá mokosanang.”

AMOS 6:3

Moiko in moguman kon singgai koboditoan in moonggotpa, táe oaidmu mita in tongábí mogintoyong kon koangoian in singgai koḻingáan tatua.

MALEAKHI 3:2

Táe ki ine in mokotongod kon singgai ki Tuhan mamangoi mokipogontong in awak-Nea? Sin Sia in naonda bo tuḷú in mononontaḷ kon logam, bo naonda bo sabong in momomatá.

LUKAS 21:36

Tuamai in umuran kiḷuka-ḷukadmai bo posambayang sinbá umuran moropot in moiko bo mokobaḻí simindog kon tayowon Adí Intau.”

LUKAS 8:13

Aka bibit inta noḷabú kon butá inta nobayong in batu, tua in ibarat intau inta nokidongog kon Pirman i Allah, bo notarima takin pia in gina, táe onu in dinongog monia tua diá noitonop kon bonu in gina monia. Mosia in tongá nopirisaya notoyong, naonda in kino angoian sobaan, mosia in diá nonahang bo nobaḷui in pirisaya monia kon i Allah.

SURAT I PAULUS KON JAMAAT RUM 13:12

Doḷom diádon moonggot; topípa mobayagdon. Dá koḻigai mogogaidon in kita in mogaid kon inta diá mopia, bo momakédon in sonjata inta mobayag.

KORINTUS 2 10:4

Sin ḷoḷutam mita inta pinaké nami kon usaha tanaa in deemanbí ḷoḷutam in dunia naa, táe ḷoḷutambí mita inta inogoi i Allah inta mokosanggup momoguyaat kon onu inta mokooḻingoi

EPESUS 5:16

Pakédon kopia in kasampatan inta oyúon kon i monimu, sin masa in tanaa in masa bidon inta moraat.

EPESUS 5:6

Donaai in moiko koakaḷan in singog mita inta diá in baragunanea. Sin soaḷbí mita natua inta mokopomuká kon sakí in gina i Allah kon intau mita inta diá motoindudui kon i-Nia.

KOLOSE 4:12

Salam doman nongkon i Epapras. Sia naa intau doman nongkon sigad monimu. Mosia naa in mogogaid doman kon oaidan i Kristus inta umuran mosatia in mosambayang sin kopontingan monimu. Sia totok in mopoigum kon i Allah sinbá mobaḻídon moropot in koyakinan monimu, bo totu-totuudon moguyang in moiko sinbá totu-totuu domandon dumudui kon ibog i Allah.

YAKOBUS 4:7

Tuamai, kotoinduduidon kon i Allah bo ḷawangdon in Ibilis, dá moḷaguidon in Ibilis nongkon i monimu.

PETRUS 1 4:1

Lantaran ki Kristus ain nokorasa kon roriga in awak naa, dá tua in musti umuran kon gina mako bá umuran moropot in pirisaya monimu. Sin ki ine inta nokorasadon kon roriga in awak, yo diá bidon in sia mogaid kon dosa.

WAHYU 3:10

Lantaran moiko ain dinumudui kon parenta-Ku kon bá umuran mosabar mogoḷat mako kon i-Nakó. Dá umuran-Ku doman ḷukadan mako in moiko nongkon kasusahan inta moiantug kon dunia naa. Soaḷ tatua in mobaḻíbí sin monungkuḷ kon bayongan in intau kon dunia naa.

WAHYU 6:17

Singgai inta totok mokoondok moiangoidon, bo mosia in mulaidon tumorú, bo diábí doman tobatúmai intau mokosanggup tumayow mako kon i monia!”