EPESUS 5:33 - Alkitab Singog In Mongondow Masa In Tanaa

³³ Táe tontagá tanaa noyohubung doman i monimu: Tuamai kotabibí in ki buḷoimu naonda bo kototabimu kon awakmu tontaní, ná doman tua, buḷoi bobay in musti tantú moramuji mohoromat kon i buḷoinea.

EPESUS 5:33 Mawu Ofanana

DATU MITA IMITÁNEA 1:31

Dá sinumungkudon in ki Batsyeba poḷat noguman, “Umurandon mobiag in ki Tuang datu!”

ESTER 1:20

Aka bontow in tosingogon i Tuang tua moibaya-bayádon mako kon bayongan in dodatuan inta mobanat tanaa, yo bayongan in buḷoi bobay in mohoromatbí kon i buḷoinea ḷoḷaki, pinomayá intau nooyúon andeka nobogá.”

MAZMUR 45:11

Ei adí bobay, indongogaipa in tosingogonku mita, ḻiongdon in bangusa bo inanakanmu.

EPESUS 5:22

Buḷoi, bobay in kotoinduduidon kon i buḷoimu, ná kototoinduduimu kon i Tuhan.

EPESUS 5:25

Buḷoi ḷoḷaki, musti motabi kon i buḷoinea, ná doman tabi i Kristus kon jamaat inta dapot in noposarakan in awak-Nea sin kopontingan in jamaat tatua.

EPESUS 5:32

Modaḷombí totok mangaḻe in tontagá tanaa, makusudnea in hubungan i Kristus bo jamaat.

KOLOSE 3:19

Bo moiko utat mita buḷoi ḷoḷaki, kotabibí in ki buḷoimu, dikabí rumomú kon inia.

IBRANI 12:9

Kon dunia naa oyúonbí in ki amá naton. Sia in motundú kon i naton, táe horomatonbí naton in sia. Yo bambíkabí bo ki Amá naton kon soroga, tantú mustibí in kita tumonsiup kon i-Nia sinbá mobiag in kita.