EPESUS 5:29 - Alkitab Singog In Mongondow Masa In Tanaa

²⁹ Diábí kon dodai in onda in intau mosakí in gina kon awaknea tontaní. Táe tompiaan bo ḷukadanneabí ná doman ki Kristus monompia kon jamaat-Nea.

EPESUS 5:29 Mawu Ofanana

KINOBAḺIAN 2:23

Dá intau tatua in nogumandon nanaa, “Naa in sia, intau inta notongkaiku – tuḷan nongkon tuḷanku, bo tapú nongkon tapúku. Tangoianku in sia bobay, sin sia in ginamá nongkon ḷoḷaki.”

AMSAL 11:17

Intau inta mopia in gina in modiabí kon kauntungan kon inia tontaní; intau inta moromú in mokoporugimaibí kon inia tontaní.

MOHOHUTUBA 4:5

Táe, tongábí intau bodok in ḻimitú mako mokoyot kon ḻima bo mopomayá mako matoi in gogoy.

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

YEHEZKIEL 34:27

Pangkoi mita in kayu in momungaidon, pinomuḷa mita kon gobá in mobogoidon in bungainea, bo bayongan in intau in mogutunbí moodom kon butánea tontaní. Aka rante pinotogot kon umat-Ku bo botowandon bo mosia in poḷuaton-Kudon nongkon intau mita inta nononggata kon i monia, dá kotaauandon monia kon Akuoibí in ki Tuhan.

MATIUS 23:37

“Yerusalem, Yerusalem! Nabi mita iḻimodmu. Totabá mita i Allah inandurmu in batu nodapot in minatoi. Nokakitdon in Akuoi moibog totok mosipun kon i adímu mita naonda bo ki iná in manuk mosipun kon i adínea mita kon koḻikipnea, tongá doí in moiko!

MATIUS 6:26

Indoiaidon in ḷagapan mita. Mosia tua in diábí nomuḷa, bo nokoyut, bo diábí doman nosipun kon bungai in pinomuḷa kon bonu in ontag. Táe mosia inogoianbí doman in kaanon i Amámu inta kon soroga! Degá diápa kinotaauan monimu kon moiko in noiḻiubí nongkon ḷagapan mita tatua?

SURAT I PAULUS KON JAMAAT RUM 1:31

mosia in doíbí mosimangartian; diá doman mosatia bo diá doman in totabian kon tumpaḷa intau.

EPESUS 5:28

Dá mustibí doman natua in buḷoi ḷoḷaki, musti in sia totu-totuu motabi kon i buḷoinea ná kototabinea kon awaknea tontaní. Intau inta motabi kon i buḷoinea bobay, mangaḻenea kon tua, sia motabi kon awaknea tontaní. (

EPESUS 5:30

Kinotaauanbí naton intua, sin kita in anggota mita in awak i Kristus.)

EPESUS 5:31

Kon Buk Motusi ain pinais nanaa, “Manangka intua tobatú ḷoḷaki in monaḷámai kon i amá bo kon i inánea sin motobatúdon i buḷoinea, bo taya dua in motobatúdon.”