EPESUS 4:28 - Alkitab Singog In Mongondow Masa In Tanaa

²⁸ Intau inta biasa monakow, musti mogogaidon in monakow, bo mustidon mogaid bá mokouḻí kon onu in pakéonnea bo motaau doman motuḷung kon intau ibanea inta paraḷu tuḷungan.

EPESUS 4:28 Mawu Ofanana

AYUB 34:32

Degá nopoigumdon in iko sinbá poontong-Neadon in taḷámu? Nongibotdon degá in iko kon diádon mogaid kon tua?

IḶUAIAN 20:15

Dika monakow.

IḶUAIAN 20:17

Dika moibog in sinitogi in intau ibanea: baḷoinea, ki buḷoinea bobay, atanea mita, bobiagonnea, keledainea, ande onuka inta nobaḻí sinitoginea.”

IḶUAIAN 21:16

Ki ine in monangag kon intau tobatú, musti hukumon matoi, pinomayá intau tatua ain pinotaḷuinea ande kon baḷoineapa.

AMSAL 13:11

Kaoyúonan inta nouḻí diá irorigaan in motoyongbí doman mogaat; táe kapunyaan inta piniḻim-piḻikmai sinipun in kodugang-kodugangbí.

AMSAL 14:23

Kon bayongan in totayak oyúonbí in kauntungan; ouman inta diá totuu mokopopisí kon mobiag mobogá.

AMSAL 21:26

Kinoouput in singgai sia in tongábí morai kon onu inta kinoibognea. Táe, intau inta motuḻid in kobobiagnea motaaubí mobogoi in mobarong.

AMSAL 28:13

Ki ine in mobuni kon dosanea diábí momujur. Ki ine in mongaku bo monaḷámaidon, kotabibí i Tuhan.

AMSAL 30:9

Sin, aka akuoi in mooyúon, yo dika-dika bo akuoi in moguman kon akuoi in diábí moparaḷu kon ini-Mu. Bo aka akuoi mobiag bogá, yo dika-dika bo monakow in akuoi dá mokopooyámai kon tangoi-Mu.”

AMSAL 31:20

Sia in diábí morinut kon intau inta kinodaitan; sia in mopiabí in gina kon i monia inta moparaḷu kon totuḷung.

YEREMIA 7:9

Moiko in monakow, moḻimod, monuaḻing, mosakusi kon uboḷ, mobogoi in sosumba kon Baal, bo mosumba kon dewa mita inta diá kinotaauan monimu.

HOSEA 4:2

Mosia in mongibot, táe diábí totuuon monia; mosia in monguboḷ, moḻimod, monakow bo monuaḻing. Aid moraat modugang, bo poḻimodan in moyo-moyodudui.

ZAKHARIA 5:3

Bo sia in noguman kon inakó, “Kon ḻitodan in buk tatua pinais in kutukan kon sinangkub in butá tanaa. Kon toḷosi in pinaisan pomuḷoi in mononakow in poḷuaion kon butá tanaa. Bo kon toḷosi doman in pinaisan Pomuḷoi in intau inta nongibot kon diá totuu in poḷuaion.

LUKAS 19:8

Kon baḷoinea tatua, ki Zakheus sinimindog bo noguman kon i Tuhan, “Tuhan, kapunyaanku tobotak ogoikudon kon intau mita bogá bo aka oyúon doman in intau inta pernadon inuboḷanku, yo pobuionkudon bui kon inia koopat noguntuḷ in kobayongnea!”

LUKAS 3:8

Pogumanku kon i monimu, Popoontongpa muna in oaid monimu mopia, saḷaku tanda kon moiko in totu-totuu bidon nogogai in nogaid kon inta diá mopia. Bo donaaipa muna moguman in moiko kon ki Abraham in ki amá nami! Sinbá pogumanku kosilangon kon i monimu, batu mita tanaa in motaaubí aidan i Allah ki adí mita i Abraham!

YOHANES 12:6

Ki Yudas noguman natua, deemanbí popisí sia moibog monarukira kon intau bogá táe popisíbí in sia mononakow. Sia mokakitdon in mogamá kon doit nongkon kas in doit inta pinoki kadai kon inia.

YOHANES 13:29

Oyúon in nosangka kon ki Yesus nopotabá kon i Yudas minayá notaḷui kon tobatú kaparaḷuan pakéon kon pesta, andeka mobogoi in doit topiḻik kon intau bogá, sin ki Yudas tua mokokadai kon doit in kas monia.

SURAT I PAULUS KON JAMAAT RUM 12:13

Tuḷungai bo ogoiai onu in paraḷu in intau mita Keresten ibanea, bo tomubí takin pia in gina in utat mita Keresten umpakabí diá nogogintaauan monimu in mosia. Tarima doman takin sanang in gina in mosia kon baḷoimu.

KORINTUS 1 4:12

táe umuranbí doman moramuji motayak in kami. Aka odi-odian intau in kami, tongábí tuḻían nami barakatan; aka pogutúon monia, mokoposabar in kami;

KORINTUS 2 8:12

Aka gina monimu bo motuḻidbí in mobogoi, dá tarimaanbí i Allah onu inta inogoi monimu tua, asaḷ bo onu inta inogoi monimu tua, pinodoyon kon onu inta oyúon kon i monimu, deemanbí pinodoyon kon onu inta diá in kon i monimu.

KORINTUS 2 8:2

Umpakabí mosia in kinoantugan in totungkuḷ inta totok in mobogat. Táe gina monia in tantúbí noḷunganga, sin umpaka kon bonu in roriga táe moibogpabí doman in mosia nobogoi in sumbangan pinotuḷung kon intau ibanea umpaka mosia totok doman in nobiag nobogá.

GALATIA 6:10

Dá tuamai kon dodai in oyúonpa in kasampatan naton, yo koḻigai in kita sinbá mogaid kon inta mopia kon bayongan in intau, muna-munamai kon i utat mita naton inta mopirisaya kon i Tuhan Yesus.

TIMOTIUS 1 6:18

Ponorop domandon kon i monia sinbá mosia in mopoontong in aid inta mopia. Kobayongdon in mogaid kon inta mopia, mokopopia kon gina bo moibog mobogoi.

TITUS 3:14

Tundúdon in intau mita naton mogaid kon soaḷ mita inta mopia sinbá mosia in motaau mopooyúon in bayongan kaparaḷuan inta paraḷu pakéon, sinbá oyúondon in baraguna monia tua.

TITUS 3:8

Totuubí in singog tanaa. Ibogonku in naa komintan potaaumu kon i monia, sinbá mosia inta ain nopirisaya kon i Allah totu-totuudon moramuji mogaid kon inta mopia, sin natuabí in mopia bo inta baraguna kon bayongan intau.