EPESUS 3:15 - Alkitab Singog In Mongondow Masa In Tanaa

¹⁵ Nongkon i-Niabí intua, bayongan motoḷuadí kon soroga bo kon dunia naa in motarima kon sipatnea tontaní.

EPESUS 3:15 Mawu Ofanana

YESAYA 65:15

Intau mita inta piniḻí-Ku in momaké in tangoimu mobaḻí kutuk: ‘Igumon mako in ki Tuhan Inta Totok in moḷantud moḻimod kon i monimu ná mosia!’ Táe intau inta motoindudui kon i-Nakó in ogoian-Kubí in tangoi mobagu.

YEREMIA 33:16

Intau in Yohuda bo intau inta nogutun kon Yerusalem in posaḷamatonbí bo mobiag moaman. Kotá in Yerusalem in tangoian ‘Tuhan Mopoposaḷamat Naton’.

OUMAN IN RASUL MITA 11:26

Naonda in noyodungkuḷnea in ki Saulus, dinianea minayá in Antiokhia nogutun totaong kon tua bo noyobiag takin jamaat kon tua poḷat doman notundú kon mobarong in intau. Kon Antiokhia tuata in intau mita inta mopirisaya kon i Yesus muna-munamai sinangoian Keresten.

EPESUS 1:10

Makusud in tomayá-Nea tatua in bá bayongan in yagi-yagi inta kon soroga ande inta kon dunia naa, in motobatúdon i Kristus saḷaku tongguḷu. Bo soaḷ tatua in iḷapatandon i Allah aka aindon wakutunea.

EPESUS 1:21

Ḷoḻitúan pomarentaan i Kristus tua in moḷantu-ḷantudbí nongkon ḷoḻitúan pomomarentaan in bayongan pomarenta, bayongan pongawasa, bayongan itoi bo bayongan tuang bo bayongan intau inta inogoian in ḷoḻitúan moḷantud; mosia inta nobiag masa in tanaa ande mosia inta nobiag moiduduimai.

EPESUS 3:14

Manangka intua akuoi in sinumungkud kon tayowon i Amá.

EPESUS 3:16

Mosambayang in akuoi sinbá ki Allah inta totok in momulia tua in moibog moginrigon kon batinmu takin Roho-Nea.

KOLOSE 1:20

Bo Sia doman tua inta pinaké i Allah namangoi nopoyodame kon bayongan in yagi-yagi takin-Nea, inta kon butá ande kon soroga. Tua in pinomia i Allah pinodoyon kon kinopatoian i Adí-Nea kon kayu pinoyotaḻempang.

WAHYU 2:17

Ki ine in mokodongog, yo tarukira in onu inta pinoguman in Roho i Allah kon jamaat mita! Mosia inta mountung, ogoi-Ku mokaan kon manna inta noibuni, bo kon batúannea in motarima kon tobatú batu mobudó nongkon i-Nakó. Kon batu tatua in pinaisdon tangoi mobagu inta diábí kinotaauan i inekadon, koḻikudbí intau inta notarima kon tua.”

WAHYU 3:12

Intau inta nountung, baḻíon-Ku saḷaku oigi kon bonu in Baḷoi Motusi i Allah-Ku, bo sia in umuran bidon mogutun kon tampat tatua. Tangoi i Allah-Ku, bo tangoi in kotá i Allah-Ku, tuata in Yerusalem mobagu inta moponag nongkon soroga, nongkon i Allah-Ku – tua in paison-Ku kon intau tatua. Ná doman tua, tangoi-Ku inta mobagu in paison-Ku doman kon intau tatua.