DONDONG MOḶANTUD 5:14 - Alkitab Singog In Mongondow Masa In Tanaa

¹⁴ Ḻimanea moropot, nogisising in buḷawan inta iḷambáan in permata, awaknea naonda bo uwaḷa in gajah inta sinabudan in batu nilam.

DONDONG MOḶANTUD 5:14 Mawu Ofanana

AYUB 28:16

Buḷawan bo permata inta totok in momahaḷ diábí mokotongkai kon boḻinea.

MAZMUR 99:4

Kawasa in kon ini-Mu, datu inta motabi kon hukum; Iko in noposindogdon in inta mobanar; Iko in nopobayá in hukum bo kooadil kon Israel.

IḶUAIAN 15:6

Ropot-Mu totok in mokoherang, o Tuhan, Binaḻí-Mu in musung norimumud.

IḶUAIAN 24:10

bo mosia in nokoontong kon i Allah Israel sinimindog kon tudu in barang inta koontongan naonda bo taḷog inta pinomia nongkon batu nilam, bo nobidu naonda bo ḷangit inta motarang.

IḶUAIAN 28:18

Kon pipid induanea in batu zamrud, batu nilam bo intan.

IḶUAIAN 28:20

Kon pipid noginggopat in batu pirus, yakut bo ratna cempaka. Batu permata mopuḷú bo doyowa tatua musti togoton in buḷawan.

IḶUAIAN 39:13

Kon pipid noginggopat in batu pirus, yakut, bo ratna cempaka. Batu permata mopuḷú bodoyowá tatua sinogot in buḷawan.

DONDONG MOḶANTUD 7:2

Putodmu naonda bo palo noḻimbung inta diá kon dodai in onda in kinodaitan in anggur inta ain pinoyobauk. Sianmu naonda bo pinosipunan kon gandum, iḻibu in bungang mita mobondu.

YESAYA 52:13

Ki Tuhan in noguman, “Totuubí, mogogundoi-Ku in mokodapotbí kon aidannea; sia in horomatonbí bo poḷantudon.

YESAYA 54:11

Ki Tuhan in noguman, “Ei Yerusalem, kotá inta ukur diá mopia, iko in diádon kodaya bo diádon in moḷoḻipoi. Orotanmu mita in poukatonku bui, mopomaké in batu mita inta koboḻi.

YESAYA 9:7

Ki Tuhan ain nopoḷabú in hukuman kon dodatuan in Israel.

YEHEZKIEL 1:16

Roda opat tatua in notombatangan bo mopouḻi-uḻinag naonda bo batu permata, bo kon batúannea oyúon doman in rodanea ibanea, inta noibandai kon yua-yuaknea.

DANIEL 10:6

Awaknea in mopouḻi-uḻinag naonda bo permata, pogotnea in ná kobayag in sindar in kilat, bo matanea in mopodoko-dokot naonda bo tuḷú. Kokaḷ bo sioḷnea in mopouḻi-uḻinag naonda bo bitú inta iradatan, bo singognea in kodongogan naonda bo singog in intau mobarong.