DATU MITA IMITÁNEA 9:9 - Alkitab Singog In Mongondow Masa In Tanaa

⁹ Bo intau in motubag, ‘Popisí in mosia nonaḷámai kon i Tuhan, Allah monia, inta ain nogatod kon mogoguyang monia iḻumuai nongkon Mesir. Mosia in nosumbadon kon ilah mita ibanea. Manangka intua pinopouma i Tuhan in bodito kon i monia.’ ”

DATU MITA IMITÁNEA 9:9 Mawu Ofanana

DATU MITA IMITÁNEA 18:18

“Akuoi in deemanbí mononuyayow,” tubag i Elia, “táe ki tuang datubí tontaní. Ki Tuang datubí bo motoḷuadí i Tuang datu in mononuyayow. Pinongin mosumba kon berhala mita in Baal, Ki Tuang datu in iḻimimpatdon kon parenta mita i Tuhan.

DATU MITA 2 22:17

Mosia in nonaḷámaidon kon i-Nakó bo noposumba in kuruban kon ilah mita ibanea. Bayongan inta inaidan monia tua in nokopomukádon kon torú-Ku. Akuoi in sinumorú kon Yerusalem, bo torú-Ku in diábí motaau poonowon.

TAWARIKH 2 29:8

Bo ki Tuhan kon bonu in torú-Nea nohukum kon intau in Yohuda bo Yerusalem. Bo moiko komintan in nokotaaubí kon aid i Tuhan tatua ain nokotaḻikokog bo mokokoningkim.

TAWARIKH 2 7:22

Bo tubagan in intau ‘Popisí in mosia nonaḷámaidon kon i Tuhan Allah monia, inta ain nogatod kon mogoguyang monia iḻumuai nongkon Mesir. Mosia in nosumba bo nodandi motoindudui kon ilah mita ibanea. Manangka intua pinopoangoidon i Tuhan in bodito tanaa kon i monia.’ ”

YEREMIA 2:19

Aidmu tontaní inta moraat in mohukum kon inimu tontaní iko in nororiga popisí in nondoí kon i-Nakó, ki Allahmu. Tanaa in nanamnea totuu mopait bo mopomporí aka Akuoi toḻikudanmu bo diá horomatonmu. Akuoi, ki Tuhan Allahmu ain nosingog; Akuoibí in Tuhan Inta Totok in moḷantud bo Inta Totok in mokawasa.”

YEREMIA 22:8

Mopaḷut mako kon tua mobayong in intau ango-angoi in tumaḻib kon tua bo mosiḻibóan mongo nongonu sin Akuoi, ki Tuhan, in nomia bidon kon natua kon kotá inta mogaga tatua.

YEREMIA 5:19

Táe aka mosia in moḻibó mongo nongonu sin Akuoi in nopoaidbí intua komintan kon i monia yo pogumandon ei Yeremia kon ná doman mosia in nonaḷá kon i-Nakó kon butá monia tontaní sin mogundoi kon dewa mita in bangusa ibanea, yo natua doman mosia in mobaḻí ata in intau ango-angoi kon butá ibanea.”

YEREMIA 50:7

Mosia in sinubu bo sinikisa in bayongan in intau inta moyodungkuḷ monia. Musung mita in umat-Ku in noguman, ‘Onu in inaidan naton, diábí noitaḷá, sin intau mita tatua in binaradosadon kon i Tuhan. Mogoguyang monia in mopirisaya kon i Tuhan, dá mosia in mustibí doman umuran motoindudui kon i-Nia.’

OMBAḶ 2:15

Bayongan in intau inta moitaḻib, morebeg kon inimu, sin norimumudon komintan in iko. Momombiḻing in mosia bo poḷat moguman, “Tuata degá in kotá inta totok in mogaga, kotá inta inyunggagá in dunia?”

ULANGAN 29:23

Gobámu mita in mobaḻídon butá inta moingkag bo kokoḷoban in balerang bo simuton. Butánea in diádon motaau bunakan bo bonok in diádon mobiag kon tua. Butámu in mobaḻídon ná kotá mita in Sodom bo Gomora, Adma bo Zeboin inta iyompat i Tuhan kon dodai in noyaat totok in gina-Nea.