DATU MITA IMITÁNEA 9:7 - Alkitab Singog In Mongondow Masa In Tanaa

⁷ dá poguntunon-Ku in umat-Ku Israel nongkon butá inta ain inogoi-Ku kon i monia. Taḷaan-Ku domandon in baḷoi tanaa inta ain sinantú-Ku mobaḻí tampat pososumbaan kon i-Nakó. Kon ondakabí in intau in Israel singkuḻeonbí bo kosingan.

DATU MITA IMITÁNEA 9:7 Mawu Ofanana

DATU MITA IMITÁNEA 9:3

Ki Tuhan in noguman kon inia, “Sambayangmu inindongogan-Kudon, dá tanaa in baḷoi inta pinosindogmu tanion poniata-Kudon kon mobaḻí tampat mokudus inta umuran mononoi pakéon posumbaan kon i-Nakó. Umuran-Kubí indoian mako bo ḷukadan in tampat tanaa.

DATU MITA 2 25:21

kon butá in Hamat. Mosia iroriga kon tua bodongka iḻimod. Natuata in intau mita in Yohuda dinia pinobayá in pinoḷumbúan.

DATU MITA 2 25:9

Ki Nebuzaradan in nonurub kon Baḷoi Tuhan, komaḻig in datu, bo bayongan in baḷoi in intau mita inta ihoromat kon Yerusalem.

TAWARIKH 2 36:19

Sia in nogumpag kon dinding in kotá in Yerusalem, bo nonurub kon kotá tatua, takin doman Baḷoi Tuhan bo bayongan in komaḻig takin pakakat mita inta koboḻi inta kon bonupa in komaḻig mita tatua.

TAWARIKH 2 7:20

dá poḷuaion-Kubí in moiko nongkon butá inta ain inogoi-Ku kon i monimu. Taḷaan-Ku doman in baḷoi tanaa inta ain sinantú-Ku nobaḻí tampat ibada kon i-Nakó. Kon ondakabí yo baḷoi tanaa in singkuḻeonbí bo kosingan.

MAZMUR 44:14

Binaḻí-Mu in kami tososingkuḻe in topodiug mita mosia in mopoḷoḻekemai bo kumosing kon inami.

MAZMUR 44:15

Binaḻí-Mu in kami tososigid in bangusa mita; momombiḻing in mosia poḷat moningkuḻe kon inami.

MAZMUR 69:11

Nongombaḷ in akuoi bo nopuasa, táe mosia in noningkuḻe kon inakó.

YESAYA 65:15

Intau mita inta piniḻí-Ku in momaké in tangoimu mobaḻí kutuk: ‘Igumon mako in ki Tuhan Inta Totok in moḷantud moḻimod kon i monimu ná mosia!’ Táe intau inta motoindudui kon i-Nakó in ogoian-Kubí in tangoi mobagu.

YEREMIA 24:9

Akuoi in mopoboditobí kon i monia námai tua modapot in bayongan in bangusa kon sinangkub in dunia mobaḻídon moondok. Kon ondakabí in pobogoian-Ku kon i monia, mosia in singkuḻeonbí, binaḻí kokosingan bo rebegonmai. Tangoi monia in pakéon mobaḻí kutukan.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 26:18

“Kon tungkuḷ in ki Hizkia nobaḻí datu in Yohuda, ki Nabi Mikha nongkon Moresyet nopotaau kon rayat in koyow tanaa nongkon i Tuhan Inta Totok in mokawasa, ‘Sion in pajekoon naonda bo gobá in tudunea, Yerusalem in mobaḻí pinosipunan kon apug, bo tombuḷud in Baḷoi Tuhan in mobaḻídon kayuon.’

YEREMIA 26:6

Aka moiko tantú momangkang, baḷoi pooibadaan tanaa in aidan-Ku naonda bo Silo, dá bayongan in bangusa kon dunia mopomaké in tangoi in kotá in Yerusalem naa saḷaku kutukan.”

YEREMIA 44:8

Nongonu sin moiko in nogaidbí kon inta mokopomuká kon torú-Ku? Moiko in namangoi bo nogutun kon Mesir, butá inta deeman moiko in kitogi, bo moiko in mosumba kon berhala bo moposumba in kuruban kon dewa mita in butá tatua! Degá moibog in moiko morimumud kon awakmu tontaní sinbá singkuḻeon in moiko in bayongan in bangusa kon dunia bo tangoimu in pakéondon mobaḻí kutukan?

YEREMIA 52:13

Ki Nebuzaradan in nonurub kon Baḷoi Tuhan, komaḻig in datu, bo baḷoi in bayongan intau inta tongganut mita kon Yerusalem.

OMBAḶ 1:8

Yerusalem in nopokotordon in awaknea tontaní pinongin nogaid kon nobayong in dosa mokorongó. Bayongan inta dungkuḷmai in nohoromat kon inia, tanaa in noningkuḻedon kon inia popisí in nokoontong kon kinopilangannea. Sia in nongombaḷ, popisí in kinobuḻiandon in pogot.

OMBAḶ 2:17

Ki Tuhan in nogaidon kon onu inta pinogogondoknea inta koḻipod in sinomayá bo pinotoingat-Nea kon inaton. Kita in irimumud takin diábí in tabi, musung in pinountung-Nea binaḻí-Nea noḷunganga in gina monia in nokoontong kon kinoḷabúan naton.

YEHEZKIEL 24:21

mopotaau in koyow tanaa kon i monimu: Moiko in mopongata in ropot in Baḷoi Tuhan. Moibog in moiko moindoi bo mayá intua, táe ki Tuhan in mopokotorbí in Baḷoi-Nea. Bo tombonu in motoḷuadímu inta nongobagupa, inta kinotaḷáan kon Yerusalem, in ḻimodon kon poparangan.

YEHEZKIEL 5:15

Aka Akuoi tumorú bo moyaat totok in gina kon inimu poḷat mohukum kon inimu, yo bayongan in bangusa kon ḻibumumai in mokoningkimbí. Singkuḻeonbí monia in iko bo morongó in mokoontong kon inimu.

HOSEA 9:3

Moiko, ei bangusa in Israel, diábí umuran mogutun kon butá inta inogoi i Tuhan kon inimu. Moiko in mustibí mobui kon Mesir, bo musti mokaan kon kaanon haram kon Asyur.

YOËL 2:17

Potabádon in imang mita inta nogundoi kon i Tuhan, mongombaḷ kon sigad in mezbah bo dangkuḷonnea kon muna, sindaḷan moguman, “Kotabipa kaasí in umat-Mu, o Tuhan; dika pomayá mako in kapunyaan-Mu tongososingkuḻe mako,” dá bangusa mita ibanea monigid poḷat moguman, “Kon onda in ki Allah monia?”

MIKHA 3:12

Popisí in aid moraatmu tatua, dá Sion in pajekoon naonda bo gobá, Yerusalem in mobaḻí bontuyungan in apug, bo tombuḷud in Baḷoi Tuhan in mobaḻídon kayuon in bo bonganga.

MATIUS 23:38

Tuamai in diádon takinan i Allah in moiko.

MATIUS 24:2

Ki Yesus in noḻibó kon i monia, “Inontongdon monimu in nion komintan? Poguman-Kudon kon i monimu, diábí tobatúmai in batu kon naa in pomayá mako moitudu motompia kon batu ibanea. Tua komintan daitonbí uuyon.”

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

ULANGAN 28:37

Kon butá mita tampat pinoporaritan i Tuhan kon i monimu, intau mita in mokoningkimdon in mokoontong kon i monimu; moiko in pomiaandon monia ibo-ibog bo poḷat kosingan.

ULANGAN 4:26

Poigumon mako ḷangit bo butá mobaḻí sakusi kon aka moiko diá motoindudui kon inakó, moiko in ḷagidon moyopú nongkon butá inta pogutunan monimu kon ḷoḷan in Ongkag in Yordan tatua. Moiko in diábí moonggot in mogutun kon tua; moiko in modaitbí yopúon.

YOSUA 23:16

Aka moiko ḻimimpat kon dodandian inta ain pinarenta i Tuhan Allahmu kon inimu sinbá duduian, bo moiko mayá moibada kon toḻindua mita in Tuhan bo poḷat mosumba kon toḻindua mita in Tuhan tua, dá tumorú in ki Tuhan, bo mohukum kon i monimu. Diábí moonggot bo moiko komintan moyopú nongkon butá inta mopia naa, butá inta inogoi i Tuhan kon inimu.”

SAMUEL 1 15:11

“Nomanasaḷdon in akuoi sin noduídon kon i Saul nobaḻí datu, sin sia in nonoḻikudon kon i-Nakó, bo doídon dinumudui kon parenta-Ku.” Noajar totok in gina i Samuel, bo kinoouputbí in doḷom sia nopoigum in totabi kon i Tuhan.