DATU MITA IMITÁNEA 9:3 - Alkitab Singog In Mongondow Masa In Tanaa

³ Ki Tuhan in noguman kon inia, “Sambayangmu inindongogan-Kudon, dá tanaa in baḷoi inta pinosindogmu tanion poniata-Kudon kon mobaḻí tampat mokudus inta umuran mononoi pakéon posumbaan kon i-Nakó. Umuran-Kubí indoian mako bo ḷukadan in tampat tanaa.

DATU MITA IMITÁNEA 9:3 Mawu Ofanana

DATU MITA IMITÁNEA 8:29

Poigumon mako singgai doḷom Iko moḷukad kon baḷoi tanaa inta ain piniḻí-Mu nobaḻí tampat pososumbaan kon ini-Mu. Igumon mako nongkon tampat pogogutunan-Mu kon soroga Iko mokidongog bo mongampung kon inakó takin umat-Mu aka kami mamangoi tumayow kon baḷoi tanaa bo mosambayang kon ini-Mu.

DATU MITA 2 20:5

buipa bayá kon i Hizkia, datu in umat i Tuhan, bo potaau in koyow tanaa, “Akuoi, ki Tuhan, Allah inta sinumba i Daud mogoguyangmu, ain nokodongog kon sambayangmu bo nokoontongdon kon ḷuámu. Undaman-Kudon in iko; toumá in iko in mayádon kon Baḷoi-Ku.

DATU MITA 2 21:7

Lambang i Dewi Asyera in sinagúnea kon bonu in Baḷoi Tuhan, bokaka soaḷ tampat tatua ki Tuhan in nogumandon kon i Daud bo kon i Salomo ki adínea ḷoḷaki, “Baḷoi-Ku bo Yerusalem naa, inta ain piniḻí-Ku nongkon sigad in butá in suku in Israel inta mopuḷú bo doyowa, in tampat inta ain sinantú-ku mobaḻí tampat pooibadaan kon i-Nakó.

TAWARIKH 2 33:7

Patong in berhala inukatnea kon bonu in Baḷoi Tuhan, bokaka tampat tatua in pinoguman bidon i Allah kon i Daud bo kon i Salomo ki adínea ḷoḷaki, “Baḷoi-Ku kon Yerusalem naa, inta ain piniḻí-Ku nongkon sigad in mopuḷú bodoyowá in butá in suku Israel, in tampat inta ain sinantú-Ku nobaḻí tampat pooibadaan kon i-nakó modapot in mononoi.

TAWARIKH 2 6:40

Tanaa, o Allahku, indoiaipa in kami bo indongogaipa doman kaasí in sambayang mita inta pinoyaput nami nongkon tampat tanaa.

EZRA 6:12

Igumon mako ki Allah inta ain nomiḻí kon Yerusalem mobaḻí tampat pososumbaan kon i-Nia, moyopú kon batúan datu andeka bangusa inta mokobaḻí ḻimimpat kon parenta tanaa bo monungkuḷ morimumud kon Baḷoi Tuhan kon Yerusalem tatua. Akuoi, ki Darius, ain nobogoi in parenta tanaa. Aidai kopiaan totok.”

MAZMUR 10:17

Tuhan, Iko in nokidongog kon sambayang in intau nobogá bo moginropot kon gina monia.

MAZMUR 116:1

Akuoi in moibog kon i Tuhan, sin inindongogan-Nea in akuoi bo nonaridimai kon oigumku.

MAZMUR 34:17

Táe intau inta mogaid kon moraat in doíon-Nea; aka matoi in mosia yo baḷú koḻiongan.

MAZMUR 65:3

Sin Ikobí in motubag kon sambayang; bayongan in intau in mamangoibí kon ini-Mu popisí in ain binaradosa.

MAZMUR 66:19

Táe inindongogandon i Allah in akuoi, sinaridiandon i Allah in oigumku.

IḶUAIAN 20:11

Onom nosinggai, Akuoi, ki Tuhan, nomaḻí kon butá, ḷangit, dagat bo bayongan inta kon bonunea, táe kon singgai inta nogimpitu Akuoi in nogogai. Tuamai Akuoi, ki Tuhan, momarakat kon singgai in Sabat bo baḻíon-Ku singgai-Ku intua.

IḶUAIAN 29:44

Baḻíon-Ku in Ḷoḷaigan bo mezbah tatua motusi. Ki Harun bo ki adínea mita in potondíon-Ku nongkon intau ibanea sinbá mosia motaau mogaid kon oaidan-Ku mobaḻí imang.

YEREMIA 15:1

Ki Tuhan in noguman kon inakó, “Diá bidon in Akuoi motabi kon bangusa tanaa, umpakabí ki Musa bo ki Samuel in simindog kon naa mopoigum in totabi-Ku kon i monia. Potabádon mayá in bangusa tanaa, doídon in Akuoi moindoi kon i monia!

YEREMIA 7:10

Naonda intua komintan inaidan monimu, moiko in mamangoi kon tayowon-Ku kon naa kon Baḷoi-Ku tontaní, bo moguman, ‘Moaman in kami!’ Onda intua moiko in mongingguputdon in mogaid kon inta moromú tua.

DANIEL 9:23

Kon dodai in iko nomangkoidon nopoigum kon i Allah, Sia in nobogoidon in tubag. Akuoi in namangoi sin mopotaau intua sin Sia in notabi kon inimu. Yo, indongogaidon kopiaan koyogot in akuoi moginsilang kon mangaḻe in oontongon tatua.

MATIUS 6:9

Tuamai aka moiko bo mosambayang yo singogdon naa: ‘O Allah, Amá nami inta kon soroga, tongábí Iko in ki Allah inta sinumba bo inta dayo-dayowon nami.

YOHANES 11:42

Kinotaauan-Kubí kon umuran-Mubí indongogan in Akuoi, táe singogon-Ku in naa, kon tayowon in intau mita inta kon naa, sinbá mopirisaya in mosia kon Ikobí in nopotabá mangoi kon i-Nakó.”

OUMAN IN RASUL MITA 10:31

Sia in noguman nanaa, ‘Kornelius! Sambayangmu in sinarimadon i Allah bo kinotaauan-Nea domandon in kopopia in ginamu.

ULANGAN 11:12

Ki Tuhan Allahmu in monompia kon butá tatua bo moḷukad kinoouput in taong.

ULANGAN 12:11

Onda intua ki Tuhan Allahmu momiḻí kon tampat tobatú inta motaau posumbaan kon i-Nia. Kon tuata in musti monimu bayáan bo modia kon bayongan inta ain pinogumanku, tuata in kuruban payongon bo kuruban mita ibanea, sosumba mopuḷú noporosen bo sosumba inta pinonangoi inta pinodandimu kon i Tuhan.

ULANGAN 12:21

Aka tampat inta piniḻí i Tuhan Allahmu tua noiḻiu in yayú nongkon tampatmu, yo moiko in motaaubí moratá kon sapi tobatú, domba ande bembé inta inogoi i Tuhan kon inimu, bo mokaan kon tapúnea kon tampat inta kinoibog monimu, ná inta ain pinogumanku kon inimu.

ULANGAN 12:5

Nongkon bayongan butá in suku in mita Israel, ki Tuhan Allahmu in momiḻíbí kon tampat tobatú sinbá bangusa naton motaau mamangoi in tayowon-Nea bo mosumba kon i-Nia.

ULANGAN 16:11

Kon tayowon i Tuhan Allahmu, kon tampat inta piniḻí-Nea, moiko musti moposanang in gina moyotakin i adímu mita, bobantungmu mita bo intau in Lewi, intau ango-angoi, adí uno-unon bo intau mita inta dongkadon boba-bobay inta nogutun kon kotámu mita.

YOHANES 1 5:14

Bo kita in mobaranibí in mayá kon tayowon i Allah, sin moyakinbí in kita kon indongoganbí i Allah in onu in pinoigum naton, aka inta pinoigum naton tua noyokaan kon onu inta kinoibog-Nea.