DATU MITA IMITÁNEA 9:1 - Alkitab Singog In Mongondow Masa In Tanaa

¹ Naonda in nopaḷut mako in ki Salomo noposindog in Baḷoi Tuhan bo komaḻig takin bayongan inta sinomayánea,

DATU MITA IMITÁNEA 9:1 Mawu Ofanana

DATU MITA IMITÁNEA 3:1

Ki Datu Salomo nobuḷoi kon i adí bobay i datu in Mesir. Ki adí bobay i datu in Mesir tatua in dinia i Salomo minayá in kotá i Daud bo nogutun kon tua nodapot in sia nopaḷut noposindog in komaḻig in datu bo baḷoi i Tuhan takin benteng in Yerusalem.

DATU MITA IMITÁNEA 6:37

Orotan in Baḷoi Tuhan tatua in pinomia kon buḷan Ziw, tuata in buḷan nogindua, kon bonu in taong noginggopat kon pinomarentaan i Salomo.

DATU MITA IMITÁNEA 7:1

Ki Salomo in noposindog doman in komaḻignea tontaní. Pinoposindogan in komaḻig tatua koonggotnea in mopuḷú bo toḷu notaong.

DATU MITA IMITÁNEA 7:2

Kon komaḻig tatua ki Salomo in nomia kon yuang inta sinangoian “Baḷoi Kayuon in Libanon”. Ukurannea: Kobanatnea in 44 nometer, kooḷadnea in 22 nometer, bo koḷantudnea in 13,5 nometer. Baḷoi tatua in toḷu nopipid in oigi nongkon kayu ḷokuyú in Libanon: pomuḷoi in pipidan in tumopopuḷú bo ḻima in oigi bo kon ḻimonikannea in pinakéan in bilabagnea mita inta nongkon kayu ḷokuyú in Libanon. Ḷuntungnea in pinomia nongkon kayu inta notongkai bo noikaḻeaw kon bilabagnea mita tatua.

DATU MITA IMITÁNEA 7:51

Naonda in ki Datu Salomo nopaḷut noposindog in Baḷoi Tuhan, sinagúnea kon bonu in gudang mita in baḷoi tatua in bayongan saḷaka, buḷawan, bo pakakat mita ibanea inta ain pinosumba i Daud ki amánea kon i Tuhan.

DATU MITA IMITÁNEA 8:66

Kon singgai noginwaḷu pinotabádon i Salomo nobui in intau mita tatua. Mosia komintan in nodayow kon inia bodongka nobui kon baḷoi monia takin pia in gina, sin bayongan in barakat inta ain inogoi i Tuhan kon mogogundoi-Nea ki Daud bo kon bangusa Israel umat-Nea.

DATU MITA IMITÁNEA 9:10

Ki Salomo noposindog in Baḷoi Tuhan bo komaḻig in datu kon bonu in doyowa nopuḷú notaong.

DATU MITA IMITÁNEA 9:11

Bayongan in kayu ḷokuyú in Libanon bo kayu ḷokuyú biasa takin bayongan in buḷawan inta paraḷu i Salomo pinogaid kon tua in inogoibí i Datu Hiram kon inia. Naonda in oaidan tatua noḷapat, ki Datu Salomo in nobogoi kon i Hiram in doyowa nopuḷú in kotá kon butá in Galilea.

DATU MITA IMITÁNEA 9:19

Kotá mita inta pinotagúan kon tongkaaḷ, bo kotá mita inta nobaḻí pososipunan kon kereta in parang bo kabaḷonea. Bayongan in tomayá pobangonan kon Yerusalem, Libanon, bo kon bayongan in butá inta kon bonu in kawasanea aindon inaidannea.

TAWARIKH 2 7:1

Naonda in ki Datu Salomo nopaḷut mako nosambayang, tuḷú namonagdon nongkon ḷangit bo nomokak kon kuruban mita inta pinosumba kon i Tuhan. Bo sindar kinoangoian i Tuhan nomuḻing kon Baḷoi Tuhan tatua,

TAWARIKH 2 7:11

Naonda in nokoḷapatdon in ki Salomo kon Baḷoi Tuhan bo komaḻig in datu podudui in tombayánea,

TAWARIKH 2 8:1

Ki Salomo noposindog in Baḷoi Tuhan bo komaḻig in datu 20 notaong in koonggotnea.

TAWARIKH 2 8:6

Bo pinosindognea doman bui in kotá in Baalat, bo bayongan in kotá inta pototagúan kon tongkaaḷ, bo kotá mita doman inta pototagúan kon kereta mita in parang takin kabaḷonea. Bayongan in tomayá moposindog intua in kon Yerusalem, Libanon bo bayongan in butá kawasa nea in ain inaidannea.

MOHOHUTUBA 2:10

Bayongan inta kinoibogku, dinuduianku totok. Diábí kon dodai in onda akuoi in nomondam kon onu inta koibogku. Nosanang in ginaku kon bayongan inta siniḷopíanku, bo tuata in tondan in pinogaidanku.

MOHOHUTUBA 2:4

Aid mita inta moḷoben ain inaidanku. Pinosindogku in baḷoiku mita. Inaidanku in taman mita bo gobá mita inta pinomuḷaanku kon pangkoi in anggur bo noyagi-yagimai in pangkoi in ayop.

MOHOHUTUBA 6:9

Tua komintan in diábí in mangaḻenea naonda bo mogaḷow kon tompot. Maníka bo moorop in ibog naton kon onu inta oyúon kon i naton bo dika in tantú moibog sinbá modugang mooyúon.