DATU MITA IMITÁNEA 8:9 - Alkitab Singog In Mongondow Masa In Tanaa

⁹ Kon bonu in Poti Dodandian tatua diábí in ibanea mako koḻikudbí in batu doyowa. Batu mita tatua in binonu i Musa kon poti tatua tungkuḷ kon Buḷud in Sinai, kon dodai in ki Tuhan nomia kon dodandian takin bangusa in Israel kon tungkuḷ in mosia kon binayáan nongkon Mesir minayá in butá in Kanaan.

DATU MITA IMITÁNEA 8:9 Mawu Ofanana

DATU MITA IMITÁNEA 8:21

Kon bonu in Baḷoi Tuhan tatua aindon sinadiaku in tampat in Poti Dodandian inta pinotagúan kon batu inta pinomaisan kon dodandian i Tuhan takin mogoguyang naton kon tungkuḷ in Sia nodia kon i monia iḻumuai nongkon Mesir.”

TAWARIKH 2 5:10

Kon bonu in Poti Dodandian tatua diábí in ibanea mako koḻikudbí in batu doyowa tatua. Batu mita tatua in binonudon i Musa kon Buḷud in Sinai, kon tungkuḷ in ki Tuhan nomia kon Dodandian takin bangusa in Israel kon dodai in mosia kon bonu in bobayáan nongkon Mesir minayá in Kanaan.

TAWARIKH 2 5:9

Kayu tombuḻigan tatua in noḷanggó totok, dá popodnea mita in koontongan nongkon Yuang Totok Motusi, táe diá koontongan nongkon ḷuai. (Dapot in singgai naa kayu mita tatua in kon tuapabí doman.)

IḶUAIAN 13:21

Aka singgai, ki Tuhan mayá umuna kon i monia takin mokipogontong naonda bo oigi goḷom bo aka doḷom sia mayá kon muna monia kon bonu in oigi tuḷú sin motundú kon daḷan bayáan monia. Natua in nobaḻí dá mosia notaau in minayá singgai bo doḷom.

IḶUAIAN 14:24

Naonda in modiugdon mobayag, ki Tuhan inta kon bonu in oigi tuḷú bo goḷom tatua inimindoi kon tontara mita in intau Mesir, bo pinotombauk-Nea in mosia tua.

IḶUAIAN 16:10

Koyogotpa in ki Harun nosingog kon i monia komintan, mosia nobobui kon padang gurun bo daḻídon inontong in sindar i Tuhan kon bonu in goḷom.

IḶUAIAN 16:33

Ki Musa noguman kon i Harun, “Gamádon in kuyon tobatú, bo bonuaidon in manna doyowa noliter bo poukatdon kon tayowon i Tuhan sin tagúon kon buí naton.”

IḶUAIAN 25:16

Bo batu doyowa inta pinomaisan kon parenta mita inta bain ogoi-Ku kon inimu bonudon kon poti tatua.

IḶUAIAN 25:21

Bonudon in batu doyowa tatua kon bonu in poti tatua bo popotaḷobdon in taḷobnea kon ḻimoniknea.

IḶUAIAN 40:20

Onda intua batu doyowa tatua pinobonunea kon bonu in Poti Dodandian. Bo ki Musa nopotaḷobdon in taḷob in Poti tatua bo pinoḷutudneadon in kayu tombuḻigannea kon bonu in ḻingkitnea.

YEHEZKIEL 10:4

Sindar mokotuḷow inta nobaḻí tomponuot koangoian i Tuhan in nonindar nongkon kerub mita tatua bo nomamping kon ngara tumuot kon Baḷoi Tuhan, dá palasnea nobaḻídon nobayag totok.

IMAMAT 16:2

kai-Nia, “Potaaudon kon i Harun ki utatmu tua, kon tongábí kon singgai inta ain sinantú sia in motaau tumuot kon Yuang inta Totok in Motusi inta ain sinondí in toḻipoi, sin kon tuata Akuoi mokipogontong kon bonu in goḷom kon ḻimonik in taḷob in Poti Dodamean. Aka ki Harun ḻimimpat kon parenta tatua, yo matoi in sia.

PINOGIAPAN 17:10

Onda intua ki Tuhan noguman kon i Musa, “Ukatdon bui in tungkud i Harun kon tayowon in Poti Dodandian. Tungkud tatua musti tagúon mobaḻí tompoingat kon bangusa in Israel inta moibog momarontak tatua kon matoibí in mosia aka mosia umuran mongunsingog.”

PINOGIAPAN 9:15

Kon singgai in Ḷoḷaigan i Tuhan pinosindog, noikoḷobdon mangoi in goḷom kon Ḷoḷaigan tatua. Kon tungkuḷ in doḷom dapot in doḷo-doḷom goḷom tatua koontongan ná tuḷú.

ULANGAN 31:26

“Gamádon in buk hukum i Allah tanaa, bo ukatdon kon diug in Poti Dodandian i Tuhan Allahmu sinbá umuran kon tua nobaḻí tomponiata kon bangusa tatua.

ULANGAN 4:13

Kon tua in Sia nopotaau kon inimu onu inta musti aidan monimu sin mogintompod kon dandi inta pinomia-Nea takin i monimu. Parenta Mopuḷú inta ain pinais-Nea kon batu tulis doyowa tua musti aidan monimu.

IBRANI 9:4

Kon bonu in yuang tatua oyúon in tobatú meja pototubáan kon sosumba, meja inta pinomia nongkon buḷawan. Oyúon doman in poti Dodandian inta komintan inoḻitan in buḷawan. Kon bonu in poti tatua oyúon in kuyon buḷawan inta binonuan in manna, tungkud i Harun inta ain nomoḻimping, bo batu doyowa inta pinomaisan kon parenta i Allah inta mopuḷú.

WAHYU 15:8

Dá Baḷoi i Allah tatua in nopuḻingdon in poyok kamuliaan bo kawasa i Allah. Bo kon dodai in roriga pitu inta dinia in malaekat tatua diápa mopaḷut, yo diábí in tobatúmai intau in motaau tumuot kon Baḷoi Allah tatua.