DATU MITA IMITÁNEA 8:6 - Alkitab Singog In Mongondow Masa In Tanaa

⁶ Nopaḷut mako kon tua imang mita nodia kon Poti Dodandian tatua pinotuot kon Baḷoi Tuhan bo inukat kon ḻimonag in patong mita in kerub kon bonu in Yuang Totok Motusi.

DATU MITA IMITÁNEA 8:6 Mawu Ofanana

SAMUEL 2 6:17

Poti in Dodandian tatua in inukat kon tampatnea kon bonu in ḷoḷaigan inta pinosindog i Daud sin pogukatan kon Poti tatua. Onda intua ki Daud noposumba in kuruban dodamean kon i Tuhan.

SAMUEL 2 6:2

Mosia in dinianea nopobayá ná Baale-Yohuda, sin mayá intua mogamá kon Poti Dodandian inta dinonoi takin tangoi i Tuhan Inta Totok in Mokawasa inta nongawasa kon ḻimonik in kerub mita.

DATU MITA IMITÁNEA 6:16

Kon bonu in baḷoi tatua, kon dotá in tumi pinomiaan kon gopot takin pinomiaan kon dinding pinonigad nongkon kayu ḷokuyú, pinangkoi kon taḷog nodapot kon ḷuntung. Gopot tatua in sinangoian Yuang Totok in Motusi; kobanatnea in siow nometer.

DATU MITA IMITÁNEA 6:19

Yuang Totok Motusi inta pinomia kon bonu in Baḷoi i Tuhan tatua in sinadia sin potagúan kon Poti Dodandian i Tuhan.

DATU MITA IMITÁNEA 6:27

Patong doyowa tatua in inukat pinoyodiug kon bonu in Yuang Totok Motusi dá koḻikip tumongo batu in patong tatua noiḻiai kon dinding, bo koḻikipnea ibanea in noyoḻiai kon yua-yuak in yuang tatua.

DATU MITA IMITÁNEA 8:3

Naonda in bayongan itoi tatua noyosipun, imang mita nobuat kon Poti Dodandian tatua,

DATU MITA IMITÁNEA 8:4

bo dinia kon Baḷoi i Tuhan. Ḷoḷaigan i Tuhan bo bayongan in pakakatnea pinamping doman in imang mita bo in intau in Lewi kon Baḷoi Tuhan.

DATU MITA IMITÁNEA 8:7

Koḻikip in patong mita tatua nobuká noioḻiung kon poti tatua takin kayu mita pononombuḻigan.

TAWARIKH 1 22:19

Dá pogundoidon in moiko kon i Tuhan Allahmu takin ḻimbatú in ropotmu. Pomangkoidon pogaid kon baḷoi kon i Tuhan, sinbá Poti Dodandian-Nea bo bayongan in pakakat ibanea inta tongá pakéon kon ibada in motaaudon tagúon kon tua.”

TAWARIKH 2 5:7

Nopaḷut mako kon tua imang mita noponuotdon in Poti Dodandian tatua kon Baḷoi Tuhan bo inukat kon ḻimonagan in patong kerub kon bonu in Yuang Inta Totok in Motusi.

MAZMUR 80:1

Kon i itoi in mododondong. Podudui in dondong: Bungang bakung. Mazmur kosakusian i Asap.

MAZMUR 80:2

O Gombala in Israel, indongogaipa kaasí, Iko in nodia kon buí i Yusup saḷaku paanan. Iko in iḻimitú kon tudu in kerub, angoidon takin bayag

MAZMUR 99:1

Ki Tuhan in Datu; bangusa mita in mourotbí. Sia in nomarenta kon tudu in kerub, butá in nodandú.

IḶUAIAN 37:9

bo pinomia pinoyogintayow, takin koḻikip inta sinongká noioḻingoi kon taḷob in poti tatua.

YESAYA 37:16

“Tuhan inta Totok in mokawasa, Allah in Israel, inta nogutun kon ḻimonik in kerub, Tongábí iko in Allah inta nongawasa kon bayongan dodatuan kon tudu in butá naa. Ikobí inta nomaḻí kon ḷangit bo butá.

YEHEZKIEL 10:5

Singog in pongaḻikokaban in kerub mita tatua in kinodongogan nodapot kon palas kon ḷuai, naonda bo singog i Allah inta Totok in mokawasa.

YEHEZKIEL 41:4

Bo inukurnea doman in gopot tatua: inta notonggopat, kobanat bo kooḷadnea in tumopopuḷú nometer. Onda intua sia in noguman kon inakó, “Naa in Tampat Inta Totok in motusi.”

SAMUEL 1 4:4

Bo nopotabádon in mosia kon intau minayá in Silo sin mogamá kon Poti Dodandian i Tuhan inta nobaḻí tampat pomomarentaan i Tuhan Inta Totok in Mokawasa. Ki adí i Eli doyowa, ki Hopni bo ki Pinehas, dinumudui doman kon Poti Dodandian tatua.