DATU MITA IMITÁNEA 8:12 - Alkitab Singog In Mongondow Masa In Tanaa

¹² Dá nosambayangdon in ki Salomo, kainia, “Iko inta nonampat kon mata in singgai kon ḷangit, o Tuhan. Tongá moibo-ibogbí in Iko mogutun kon bonu in sindip in goḷom.

DATU MITA IMITÁNEA 8:12 Mawu Ofanana

SAMUEL 2 22:10

Ḷangit binotak-Nea, bo noponagdon in Sia, sindip in goḷom kon ḻimonag in sioḷ-Nea.

DATU MITA IMITÁNEA 8:11

Goḷom tatua mopouḻi-uḻinagdon in kamuliaan in kinoangoian i Tuhan dá imang mita tatua in diádon motaau tumuot bui mogaid kon oaidan monia.

NEHEMIA 8:5

Panggung inta sinindogan i Ezra tua in moḷantu-ḷantud nongkon intau mita tatua, dá komintanbí nokoontong in mosia kon inia. Nobukádon in sia kon buk tatua, bo mosia in sinimindog komintan.

MAZMUR 97:2

Sia in iḻipung in goḷom bo sindip; kooadil bo hukum in nobaḻí dodoyonan in pomarentaan-Nea.

IḶUAIAN 20:21

Táe intau mita tatua umuranbí sinimindog iyumayú, bo tongádon ki Musa in dinimiug kon goḷom norondí kon tampat inta inangoian i Allah.

YESAYA 45:15

Ki Allah inta noposaḷamat kon Israel in ki Allahbí inta nogadop.

IMAMAT 16:2

kai-Nia, “Potaaudon kon i Harun ki utatmu tua, kon tongábí kon singgai inta ain sinantú sia in motaau tumuot kon Yuang inta Totok in Motusi inta ain sinondí in toḻipoi, sin kon tuata Akuoi mokipogontong kon bonu in goḷom kon ḻimonik in taḷob in Poti Dodamean. Aka ki Harun ḻimimpat kon parenta tatua, yo matoi in sia.

ULANGAN 4:11

Oumandon kon i adímu mita naonda in oangoi monimu bo sinimindog kon pangkoi in buḷud inta kinokoḷoban in poyok morondí bo goḷom mobunod bo tuḷúnea nodokot nodapot in ḷangit.

ULANGAN 5:22

Tuata in parenta mita inta inogoi i Tuhan kon i monimu kon tungkuḷ in moiko noyosipun kon buḷud. Kon dodai in sia nosingog noropot totok nongkon tuḷú bo goḷom inta mobunod, Sia nobogoi in parenta mita tatua, bo deemanbí ibanea mako. Bo pinais-Nea kon batu tulis doyowa bo inogoi kon inakó.”

IBRANI 12:18

Utat mita, moiko in diábí mamangoi tumayow kon ná inta sinayowan in intau Israel koḻipod. Mosia in moyogintayow onu inta koḻiaian, ná umpamanea buḷud Sinai bo tuḷúnea inta kodoko-dokot; mosia noyogintayow in sindip, bo kaadaan inta diá totok in motarang bo tompot moropot.