DATU MITA IMITÁNEA 8:1 - Alkitab Singog In Mongondow Masa In Tanaa

¹ Nopaḷut mako kon tua ki Datu Salomo nopotabá kon bayongan itoi in suku bo inanakan nongkon bangusa in Israel namangoi kon inia kon Yerusalem sin momamping kon Poti Dodandian i Tuhan nongkon Sion, kotá i Daud, pobayá in Baḷoi Tuhan.

DATU MITA IMITÁNEA 8:1 Mawu Ofanana

SAMUEL 2 6:6

Naonda in mosia nodapot kon tampat poḷoḻintogan kon gandum i Nakhon, sapi mita inta nogugut kon roda tatua in noidumpak, bo ki Uza in notonggó kon ḻimanea sin potonoi kon Poti in Dodandian tatua sinbá diá moḷabú.

DATU MITA IMITÁNEA 2:10

Onda intua ki Daud minatoi bo iḷobong kon kotá i Daud.

DATU MITA IMITÁNEA 3:15

Naonda in nobangon, nosadardon in ki Salomo kon ki Allah ain nosingog kon inia kon bonu in togoindop. Dá nobuidon in sia kon Yerusalem bo sinimindog kon tayowon in Poti Dodandian i Tuhan bo noposumba in kuruban payongon bo kuruban dodamean. Onda intua nomia in sia kon rame kon bayongan in pogawainea.

TAWARIKH 1 15:25

Dá minayádon in ki Datu Daud takin itoi mita in Israel bo porwira mita kon baḷoi Obed-Edom sin mogamá kon Poti Dodandian tatua takin pinoramean moḷoben.

TAWARIKH 1 15:29

Kon dodai in Poti tatua diaan tumuot kon kotá, ki Mikhal ki adí bobay i Saul iḷumongow nongkon jandela bo nokoontong kon i Datu Daud notayok takin pia in gina. Noyaat in gina i Mikhal in nokoontong kon i Daud.

TAWARIKH 1 15:3

Dá ki Daud in nogoiní kon bayongan in intau Israel namangoi kon Yerusalem sin momamping kon Poti Dodandian i Tuhan pobayá in tampat inta ain sinadianea.

TAWARIKH 1 28:1

Ki Datu Daud in nomarenta sinbá bayongan in itoi in Israel moyosipun kon Yerusalem. Dá bayongan tongguḷu in suku, pojabat mita inta nokadai kon pomarentaan, tongguḷu mita in inanakan, moḷoḷukad mita kon bayongan kapunyaan bo bobiagon i datu bo ki adínea mita ḷoḷaki – impoḷok mako in tosingogon intau mita moḷoben kon komaḻig, porwira mita bo intau moponting, komintan noyosipun kon Yerusalem.

TAWARIKH 2 30:1

Poramean kon Paska diápa kino aidan in rayat kon wakutunea kon buḷan imitánea, sin imang mita inta ain nopotusi in awak noyakagpa bo noyakagpa in intau in noyosipun kon Yerusalem. Tuamai in ki Datu Hizkia bo pogawainea mita takin intau mita in Yerusalem nopakatdon kon moramedon kon Paska kon buḷan induanea, bo nopia komintan in gina monia in nokodongog kon tomayá tatua. Bo ki datu in nokidia in surat kon bayongan in rayat in Israel bo Yohuda. Kon intau doman in Epraim bo Manasye. Bayongan in bangusa Israel nongkon butá in suku Dan kon dotá in utuan nodapot kon Bersyeba kon toḷatan, inoiní doman namangoi in Baḷoi Tuhan kon Yerusalem sin moraya kon Paska bo mohoromat kon i Tuhan Allah in Israel ná inta ain sinantú kon bonu in hukum mita i Musa. Diápa kon dodai in onda in Paska irame námai tatua.

EZRA 3:1

Kon buḷan impitunea, intau mita in Israel nogutundon notantú kon kotánea-kotánea. Kon singgai imitánea buḷan tatua mosia in noyosipun kon Yerusalem,

MAZMUR 102:21

sin mokidongog kon amui in intau inta kon bonu in ponjara bo mopoḷuat kon intau inta hukumon matoi.

MAZMUR 9:11

Intau inta nonotaau kon ini-Mu mogoḷat mako kon ini-Mu, o Tuhan, intau inta mosumba kon ini-Mu diábí taḷaan-Mu.

YESAYA 28:16

Tuamai, ki Tuhan Inta Totok in moḷantud noguman nanaa, “Akuoi in mogukat kon dodoyonan inta moropot bo motorindog kon Sion; batu orotan tobatú inta moḷoben in mangaḻenea inta pinaisan: ‘Ki ine in morigon in pirisayanea, diábí umundok popisí in taḷowon.’

YESAYA 46:13

Akuoi in mopodiug bidon kon singgai popoḷuatan, kasaḷamatan inta ogoi-Ku in diá bidon mobaḷui. Akuoi in moposaḷamatbí kon Yerusalem, bo mobogoi in kahoromatan kon Israel.”

PINOGIAPAN 1:4

Kon batúan in suku, poigumaidon kon itoi tobatú nongkon suku tatua sin mobantung kon i monimu.”

YOSUA 23:2

Dá inoinínea in bayongan umat in Israel, guhanga mita, itoi mita, hakim mita, bo porwira mita, bo noguman, “Akuoi naa in nogoguyangdon.

YOSUA 24:1

Ki Yosua nosipun kon bayongan suku bangusa in Israel kon Sikhem, bo nopotabá kon guhanga mita, itoi mita, hakim bo porwira mita namangoi in tayowonnea. Dá namangoidon in mosia kon tayowon i Allah.

PETRUS 1 2:6

Sin kon bonu in Buk Motusi ain pinais nanaa, “Akuoi ain nomiḻí kon tobatú batu inta totok koboḻi, inta sinampat-Ku kon Sion bo binaḻí-Kudon batu inta totok in moponting; bo intau inta mopirisaya kon i-Nia, diábí pokopooyáanmai.”