DATU MITA IMITÁNEA 7:7 - Alkitab Singog In Mongondow Masa In Tanaa

⁷ Baḷoi ibanea in “Baḷoi Ḷoḻitúan” inta sinangoian doman Baḷoi Pongadilan. Baḷoi tanaa in nongkon taḷog nodapot in kayu mita inta pinobilabag inaipan in kayu ḷokuyú in Libanon. Kon baḷoi tanaa monantú in ki Salomo kon pelekara mita in pongadilan.

DATU MITA IMITÁNEA 7:7 Mawu Ofanana

DATU MITA IMITÁNEA 3:28

Kon dodai in bangusa in Israel nokodongog kon soaḷ bontow in tosingogon i Salomo kon bonu in pelekara tatua, nobangkaḷdon in mosia kon inia. Sin noniatadon kon ki Allah ain nobogoi kon inia in kabijaksanaan sin mopoaid in inta moadil.

DATU MITA IMITÁNEA 3:9

Manangka intua, Tuhan, aka motaau yo ogoiaipa in akuoi in kabijaksanaan inta pakéon kon momarenta kon umat-Mu tanaa takin moadil bo motaau mopoyoposi onda inta mopia bo onda inta moraat. Aka diá natua, yo diábí in akuoi mokoparenta kon umat-Mu inta mobarong naa!”

DATU MITA IMITÁNEA 6:3

Kon dotá in muna in Baḷoi Tuhan tua oyúon in baḷoinea inta kobanatnea in 4,5 nometer bo kooḷadnea in 9 nometer, ná kooḷad in baḷoi tatua.

MAZMUR 122:5

Kon naabí in datu mita buí i Daud mohakim kon rayatnea.

AMSAL 20:8

Aka datu ḻimitú kon kadera in pongadilan, koontonganneabí in bayongan inta moraat.

YESAYA 9:7

Ki Tuhan ain nopoḷabú in hukuman kon dodatuan in Israel.