DATU MITA IMITÁNEA 7:23 - Alkitab Singog In Mongondow Masa In Tanaa

²³ Noiduduimai kon tua ki Huram in nomia kon bejana bitú tobatú inta noḻimbung, naa in ukurannea: bonunea 2,2 nometer, botok kon yuaknea in 4,4 nometer bo ḻimbungnea in 13,2 nometer.

DATU MITA IMITÁNEA 7:23 Mawu Ofanana

DATU MITA 2 16:15

Nopaḷut mako kon tua noguman in sia kon i Uria, “Pakédon in mezbahku inta moḷoben tanaa sin potubaan kon kuruban inta ogoi in rayat, bo pobutakdon doman kon tua in kuruban anggur inta ogoi in rayat. Pobutak domandon kon tudu in mezbah tatua in dugú in bayongan biag inta pinosumba. Bo mezbah bitú inta koyongan tatua in pomayádon mako bá akuoidon in mopomaké sin mopoigum in topotundú nongkon dimukud mita.”

DATU MITA 2 16:17

Noiduduimai kon tua ki Ahas in nongokai kon kereta mita bitú inta pinaké kon Baḷoi Tuhan, bo inungkaknea in tampayang mita in kereta mita tatua. Kuyon bitú inta moḷoben inta kon ḻikud in sapi bitú mopuḷú bodoyowá tatua in ginamánea doman bo inukatnea kon tudu in aip nongkon batu.

DATU MITA 2 25:13

Oigi mita bitú bo kereta mita kon Baḷoi Tuhan takin doman bejana bitúnea in iḷosi in intau in Babel, bo bayongan in bitú in dinia pinobayá in butá monia.

TAWARIKH 1 18:8

Koḻikud intua ki Daud in nogamá doman kon nobayong totok in bitú nongkon Tibhat bo Kun, kotá mita inta dungkuḷmai kinawasa i Hadadezer. (Kon singgai noiduduimai bitú mita tatua in inaidan i Salomo bejana, bo oigi mita takin pakakat mita in ibada kon Baḷoi Tuhan.)

TAWARIKH 2 4:2

Sia in nomia doman kon kuyon bitú inta noḻimbung, ukurannea in nanaa: dotá in bonunea 220 nosenti, garis toyuaknea in 440 nosenti, bo ḻibunea tua in 1.320 nosenti.

IḶUAIAN 30:17

Ki Tuhan noguman kon i Musa,

IḶUAIAN 38:8

Ki Bezaleel nomia kon tampat in tubig nongkon porunggu inaipan in porunggu doman. Porunggu tatua nongkon posilag mita kapunyaan in bobay mita inta mogogundoi kon tayowon ḷoḻingkop in Ḷoḷaigan i Tuhan.

YEREMIA 27:19

Sin Akuoi, Tuhan Inta Totok in mokawasa, Allah in Israel, ain nonantú kon bayongan in pakakat tatua in akutondon pobayá in Babel, bo umuranpabí kon tua modapot in Akuoi bui moindoi kon tua. Kon dodai intuata bo baintua diaan-Ku bui kon tampat tanaa. Akuoi, ki Tuhan, ain nosingog.” Pakakat mita inta kon Baḷoipa i Tuhan tua in: oigi mita, kuyon bitú, kereta mita, bo tongonumai in pakakat ibanea in Baḷoi Tuhan. Pakakat mita tatua in diábí pinoyotakin dinia pinobayá in Babel, kon tungkuḷ in ki Yoyakhin ki adí ḷoḷaki i Yoyakin datu in Yohuda takin guhanga mita in ḻipú in Yohuda bo Yerusalem inakut pinobayá in Babel i Datu Nebukadnezar.

YEREMIA 52:17

Oigi mita porunggu bo kereta mita kon Baḷoi Tuhan takin kuyon porunggu iḷosi in intau in Babel, bo komintan porunggu tatua inakut pinobayá in butá monia.

YEREMIA 52:20

Pakakat mita porunggu inta pinomia i Datu Salomo sin pakéon kon Baḷoi Tuhan, inta oigi doyowa, kereta mita, kuyon bo sapi mopuḷú bodoyowá inta noguntu kon kuyon tatua, komintan mobogat totok, nodapot in diádon kosimbangan.