DATU MITA IMITÁNEA 7:10 - Alkitab Singog In Mongondow Masa In Tanaa

¹⁰ Orotan in bangunan tatua pinomia nongkon batu mita moḷoben inta momahaḷ. Batu mita tatua oyúon in 3,5 nometer in kobanatnea, oyúon doman in 4 nometer.

DATU MITA IMITÁNEA 7:10 Mawu Ofanana

DATU MITA IMITÁNEA 7:11

Kon tudunea in pinakéan in batu mita ibanea inta momahaḷ bo pinongkó pinodudui in ukurannea, bodongka inoḻingoian in kayu ḷokuyú in Libanon.

DATU MITA IMITÁNEA 7:9

Bayongan in bangunan tatua, noitakin doman in palas koḷobennea, nongkon orotannea nodapot in atopnea, pinomia nongkon batu mita inta mongogaga. Batu mita tatua in sinadia kon tampat pongongaḻian kon batu, bo pinongkó pinodudui kon ukurannea; dotá in bonunea bo ḷuainea sinondodai in garagaji.

YESAYA 28:16

Tuamai, ki Tuhan Inta Totok in moḷantud noguman nanaa, “Akuoi in mogukat kon dodoyonan inta moropot bo motorindog kon Sion; batu orotan tobatú inta moḷoben in mangaḻenea inta pinaisan: ‘Ki ine in morigon in pirisayanea, diábí umundok popisí in taḷowon.’

YESAYA 54:11

Ki Tuhan in noguman, “Ei Yerusalem, kotá inta ukur diá mopia, iko in diádon kodaya bo diádon in moḷoḻipoi. Orotanmu mita in poukatonku bui, mopomaké in batu mita inta koboḻi.