DATU MITA IMITÁNEA 7:1 - Alkitab Singog In Mongondow Masa In Tanaa

¹ Ki Salomo in noposindog doman in komaḻignea tontaní. Pinoposindogan in komaḻig tatua koonggotnea in mopuḷú bo toḷu notaong.

DATU MITA IMITÁNEA 7:1 Mawu Ofanana

DATU MITA IMITÁNEA 3:1

Ki Datu Salomo nobuḷoi kon i adí bobay i datu in Mesir. Ki adí bobay i datu in Mesir tatua in dinia i Salomo minayá in kotá i Daud bo nogutun kon tua nodapot in sia nopaḷut noposindog in komaḻig in datu bo baḷoi i Tuhan takin benteng in Yerusalem.

DATU MITA IMITÁNEA 6:38

Bo kon buḷan Bul, inta buḷan noginwaḷu, kon bonu in taong impuḷú bomitá kon pinomarentaannea, noḷapatdon in Baḷoi Tuhan tatua pinosindog i Salomo, noitombutung ná inta ain sinomayá. Pinomiaan kon baḷoi tatua pitu notaong in koonggotnea.

DATU MITA IMITÁNEA 9:1

Naonda in nopaḷut mako in ki Salomo noposindog in Baḷoi Tuhan bo komaḻig takin bayongan inta sinomayánea,

DATU MITA IMITÁNEA 9:10

Ki Salomo noposindog in Baḷoi Tuhan bo komaḻig in datu kon bonu in doyowa nopuḷú notaong.

TAWARIKH 2 8:1

Ki Salomo noposindog in Baḷoi Tuhan bo komaḻig in datu 20 notaong in koonggotnea.

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.