DATU MITA IMITÁNEA 6:7 - Alkitab Singog In Mongondow Masa In Tanaa

^7-10 Saḷabaku mita tatua in kayu mita ḷokuyú in Libanon. Ḷoḻingkop kon gopot mita indugangnea kon ḷundukan kon ḻimonag noiukat kon dotá in toḷatan, bo mopobayá ná ḷundukan nogindua bo nogintoḷu oyúon in tukad nomurow. Onda intua ki Salomo nomia kon ḷuntung in baḷoi tatua. Tuamai sia nomaké bilabag mita bo dopí nongkon kayu ḷokuyú Libanon. Koyogot pogaidan kon Baḷoi i Tuhan tatua, totokbí in diá kodongogan singog in popangkuḷ, boḻiung andeka pakakat mita uatoi, sin batu mita inta pinaké pinobaḷoi tatua ain sinadia muna kon dodai in kon tampatnea mita muna. Natuata in ki Salomo noposindog in Baḷoi i Tuhan tatua nodapot in noḷapat.

DATU MITA IMITÁNEA 6:7 Mawu Ofanana

DATU MITA IMITÁNEA 6:6

Kon ḷundukan dungkuḷ, kooḷad in batúan in gopotnea in 2,2 nometer, kon ḷundukan nogindua 2,7 nometer bo kon ḷundukan nogintoḷu 3,1 nometer. Dinding kon ḷundukan kon ḻimonag in mobuno-bunod nongkon ḷundukan inta kon ḻimonikannea, dá saḷabaku mita in gopot indugangnea tatua in motaau poyoguputon in dinding Baḷoi Tuhan tatua takin diábí monombubú kon dinding tatua.

IḶUAIAN 20:25

Aka pomiaan monimu in Akuoi kon mezbah tobatú nongkon batu, yo dika pomiaan nongkon batu inta pakangon, sin aka ḷosion monimu in popakang in batu, yo mezbah tatua in diá bí motaau pakéon kon i-Nakó.

AMSAL 24:27

Dikapa monoimbotú kon tonibuḷoi aka diápa muna nosadia kon gobámu bo oyúon kototayak.

YESAYA 42:2

Sia in diábí kumarak andeka momaḷú moropot, singognea in diábí kodongogan kon daḷan.

OUMAN IN RASUL MITA 9:31

Dá bayongan in jamaat kon Yudea, Galilea bo Samaria komintan nopia in gina. Takin totuḷung in Roho i Allah, bo takin doman toguondok kon i Tuhan, bayongan in jamaat koropot-koropotdon bo kodugang-kodugang domandon in kobayongnea.

SURAT I PAULUS KON JAMAAT RUM 9:23

Ki Allah in moibog doman mopoontong in kobiagan mopia kon i naton inta kinotabi-Nea. Kita in sinadia-Neadon motarima kon kobiagan mopia tatua.

KORINTUS 2 5:5

Ki Allahbí in noposadia kon tua komintan, bo Siabí doman tua inta nobogoi in Roho-Nea kon i naton saḷaku jaminan.

KOLOSE 1:12

bo diá doman mokoḻiong in mosukur kon i Amá, sin ki Amá tua in nopopatus motarima kon onu inta sinadia i Allah kon umat-Nea inta nobiag kon bonu in bayag.

YAKOBUS 1:20

Sin intau inta tumorú, diá mokopogaid kon inta mopia, inta mokosanang kon gina i Allah.

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.