DATU MITA IMITÁNEA 6:5 - Alkitab Singog In Mongondow Masa In Tanaa

⁵ Noiḻibu kon dotá in tumi in baḷoi tatua, kon dinding kon dotá in ḷuainea pinogaidan kon gopot mita inta iḷunduk. Toḷu noḷunduk, pomuḷoi in toḷunduk koḷantudnea in 2,2 nometer.

DATU MITA IMITÁNEA 6:5 Mawu Ofanana

DATU MITA IMITÁNEA 6:16

Kon bonu in baḷoi tatua, kon dotá in tumi pinomiaan kon gopot takin pinomiaan kon dinding pinonigad nongkon kayu ḷokuyú, pinangkoi kon taḷog nodapot kon ḷuntung. Gopot tatua in sinangoian Yuang Totok in Motusi; kobanatnea in siow nometer.

DATU MITA IMITÁNEA 6:31

Kon ngara tumuot kon bonu in Yuang Totok in Motusi tatua pinakéan in ḷoḻingkop doyowa noḷosi inta nongkon kayu zaitun. Ngara tatua dotá in ḻimonikannea in pinomia noboyuk notonggoruit kon yua-yuaknea.

DATU MITA IMITÁNEA 6:6

Kon ḷundukan dungkuḷ, kooḷad in batúan in gopotnea in 2,2 nometer, kon ḷundukan nogindua 2,7 nometer bo kon ḷundukan nogintoḷu 3,1 nometer. Dinding kon ḷundukan kon ḻimonag in mobuno-bunod nongkon ḷundukan inta kon ḻimonikannea, dá saḷabaku mita in gopot indugangnea tatua in motaau poyoguputon in dinding Baḷoi Tuhan tatua takin diábí monombubú kon dinding tatua.

TAWARIKH 1 23:28

Mosia in mustibí mobantung kon imang mita buí i Harun mopobayá in upacara ibada kon Baḷoi Tuhan, moḷukad kon palas mita bo gopot mita kon Baḷoi Tuhan tua, bo moḷukad sinbá bayongan in yagi-yagi inta ain sinantú kon i Tuhan in diá mobaḻí monajis.

TAWARIKH 1 28:11

Nopaḷut mako kon tua ki Daud in noposarakadon kon i Salomo in tomayá mogaid kon Baḷoi Tuhan, gudangnea mita, bayongan in gopotnea, bo yuang Inta Totok in Motusi, tampat pongongampungan kon dosa.

TAWARIKH 1 9:26

Táe taya opat inta tongguḷu in moḷoḷukad tatua in mopobayábí in oaidan motantú. Mosia in kitogi totaau kon yuang mita kon Baḷoi Tuhan bo pakakat mita inta sinagú kon tua.

TAWARIKH 2 31:11

Pinodudui kon parenta i datu, mosia in nogaid kon ontag mita kon diugmai in Baḷoi Tuhan,

TAWARIKH 2 5:7

Nopaḷut mako kon tua imang mita noponuotdon in Poti Dodandian tatua kon Baḷoi Tuhan bo inukat kon ḻimonagan in patong kerub kon bonu in Yuang Inta Totok in Motusi.

TAWARIKH 2 5:9

Kayu tombuḻigan tatua in noḷanggó totok, dá popodnea mita in koontongan nongkon Yuang Totok Motusi, táe diá koontongan nongkon ḷuai. (Dapot in singgai naa kayu mita tatua in kon tuapabí doman.)

NEHEMIA 10:37

Kami in mogatod doman kon imang mita kon Baḷoi Tuhan in pomiaan kukis nongkon gandum inta muna-munamai kinoyut pomuḷoi in taong, bo sosumba doman mita ibanea ná anggur, ḷana in zaitun bo bayongan in ayop. Sosumba mopuḷú noporosen nongkon bungai in boyó kon gobá nami in diaan nami kon intau mita in Lewi inta nogamá kon sosumba mita mopuḷú noporosen kon kotá mita inta monononggobá.

NEHEMIA 12:44

Kon dodai intua tongonumai intau in pinoki ḷukadan in gopot mita inta pinotagúan kon tongkaaḷ tampat pototagúan kon sumbangan mita ogoi kon Baḷoi Tuhan, noitakin doman in sosumba mopuḷú noporosen bo bungai in boyó inta dungkuḷ kon pomuḷoi in taong. Moḷoḷukad mita tatua in kitogi totaau mosipun kon sumbangan mita tatua nongkon gobá mita kon diugmai in kotá mita. Sumbangan mita tatua in ogoi monia kon imang mita bo intau mita i Lewi, podudui in atorang in Hukum. Intau mita in Yohuda mohoromatbí kon imang mita bo intau mita in Lewi tatua,

MAZMUR 28:2

Indongogaipa in oigumku aka akuoi momaḷú mokituḷung, bo mopotundú in ḻimaku kon Baḷoi-Mu inta motusi.

IḶUAIAN 25:22

Kon tampat tatua Akuoi moyodungkuḷmu, bo nongkon ḻimonik in taḷobnea, kon sigad in kerub doyowa tatua, Akuoi mobogoi in hukum-Ku mita kon inimu bo potaaumudon kon bangusa Israel.”

DONDONG MOḶANTUD 1:4

Mokopoḷamemet in kita, o datuku, diádon in akuoi tumuot in gopotmu. Sin popisí in iko dá moḷunganga totok in gina nami, bo modayow kon totabimu in moiḻiu kon anggur; patusdon in mongodeaga mita moibog kon inimu!

YEREMIA 35:2

“Bayádon poyosingog in intau mita inanakan i Rekhab. Diadon in mosia kon yuang tobatú kon bonu in Baḷoi-Ku, bo tugungaidon in anggur kon i monia.”

YEREMIA 35:4

Akuoi in nodia kon i monia kon Baḷoi Tuhan kon bonu in yuang in murí mita i Nabi Hanan ki adí i Yigdalya. Yuang tatua kon ḻimonik in yuang i Imang Maaseya ki adí i Salum, kon diug in yuang in pojabat mita ibanea. Ki Maaseya in pogawai moḷantud inta moindoi kon ngara mita kon Baḷoi Tuhan.

YEHEZKIEL 40:17

Onda intua ḷoḷaki tatua nodia kon inakó nongin ngara kon dangkuḷon kon ḷuai in Baḷoi Tuhan. Kon sí in dinding ḷuainea kon ḻibumai in Baḷoi Tuhan tatua pinosindog in gopot toḷu nopuḷú. Kon tayowon in gopot mita tatua oyúon in taḷog batu

YEHEZKIEL 40:44

Onda intua ḷoḷaki tatua in nodia kon inakó minayá in dangkuḷon kon bonunea. Kon tua oyúon in los doyowa, tobatú in kon sí in bonawang utuan bo noitayow in toḷatan, bo inta tobatú doman in kon sí in bonawang toḷatan bo noitayow in utuan.

YEHEZKIEL 41:4

Bo inukurnea doman in gopot tatua: inta notonggopat, kobanat bo kooḷadnea in tumopopuḷú nometer. Onda intua sia in noguman kon inakó, “Naa in Tampat Inta Totok in motusi.”

IMAMAT 16:2

kai-Nia, “Potaaudon kon i Harun ki utatmu tua, kon tongábí kon singgai inta ain sinantú sia in motaau tumuot kon Yuang inta Totok in Motusi inta ain sinondí in toḻipoi, sin kon tuata Akuoi mokipogontong kon bonu in goḷom kon ḻimonik in taḷob in Poti Dodamean. Aka ki Harun ḻimimpat kon parenta tatua, yo matoi in sia.

PINOGIAPAN 7:89

Pomuḷoi in ki Musa tumuot kon Ḷoḷaigan i Tuhan sin moyosingog i Tuhan, sia mokodongog kon singog i Tuhan inta moguman kon inia nongkon tudu in taḷob in Poti Dodandian inta sinoyuak in patong kerub doyowa.