DATU MITA IMITÁNEA 6:3 - Alkitab Singog In Mongondow Masa In Tanaa

³ Kon dotá in muna in Baḷoi Tuhan tua oyúon in baḷoinea inta kobanatnea in 4,5 nometer bo kooḷadnea in 9 nometer, ná kooḷad in baḷoi tatua.

DATU MITA IMITÁNEA 6:3 Mawu Ofanana

DATU MITA IMITÁNEA 6:2

Ukuran in Baḷoi Tuhan, dotá in bonunea in nanaa: kobanatnea in 27 nometer, kooḷadnea in 9 nometer, bo koḷantudnea in 13,5 nometer.

DATU MITA IMITÁNEA 6:4

Kon dinding in baḷoi tatua oyúon doman in bubú mita in jandela.

DATU MITA IMITÁNEA 7:12

Dinding in palas in komaḻig bo dinding in palas kon bonu in Baḷoi i Tuhan takin dinding in baḷoi kon dotá in muna in Baḷoi i Tuhan, tumpaḷa inaipan in tumongo gaip in kayu ḷokuyú in Libanon kon tudu in pomuḷoi in toḷu nogaip in batu.

DATU MITA IMITÁNEA 7:21

uḷu mita in oigi inta ná batangan in bungang tatua pinoḷutud kon oigi mita tatua. Oigi mita tatua in inukat kon tayowon in ngara tumuot kon Baḷoi i Tuhan – tobatú in kon dotá in toḷatan, bo tobatú in kon dotá in utuan. Inta kon dotá in toḷatan sinangoian Yakhin, bo inta kon dotá in utuan sinangoian Boas. Natuata ki Huram noginḷapat kon oigi mita tatua.

TAWARIKH 1 28:11

Nopaḷut mako kon tua ki Daud in noposarakadon kon i Salomo in tomayá mogaid kon Baḷoi Tuhan, gudangnea mita, bayongan in gopotnea, bo yuang Inta Totok in Motusi, tampat pongongampungan kon dosa.

YEHEZKIEL 40:48

Onda intua dinianea in akuoi kon yuang kon muna kon Baḷoi Tuhan nongin tongonumai notontagá in tukadnea. Sia in nogukur kon yuang tumuot; kooḷadnea in pitu pokali kon doyowa botobotak nometer, takin dinding mita kon posiḷosinea tometer bo tobotak in kobunodnea. Kon koḷoigi bo kon koḷanannea oyúon in oigi pal tobatú. Yuang kon muna tatua in kobanatnea in mopuḷú nometer bo kooḷadnea in onom nometer.

YEHEZKIEL 41:15

Ḷoḷaki tatua in nogukur doman kon baḷoi moḷoben inta noitayow kon dangkuḷon kon dotá in toyopan: kooḷadnea in ḻima nopuḷú nometer, noitakin domandon in dindingnea koḷoigi koḷanannea. Yuang mita kon Baḷoi Tuhan, in yuang kon muna, Tampat Inta Motusi, bo Tampat Inta Totok in motusi,

MATIUS 4:5

Onda intua ki Yesus in dinia Ibilis minayá in Yerusalem inta sinangoi kotá motusi tua bo sinimindog kon binubungan Baḷoi i Tuhan,

YOHANES 10:23

Ki Yesus in nodondaḷoimai kon tampat inta sinangoian Tampat Pobobarasanangan i Salomo inta kon bonu in Baḷoi Tuhan.