DATU MITA IMITÁNEA 5:8 - Alkitab Singog In Mongondow Masa In Tanaa

⁸ Bo ki Hiram nokidia in tubag tanaa kon i Salomo, “Sinarimakudon in habar inta pinoigum i Tuang, bo mosadiabí in akuoi mogaid kon onu inta pinoigum i Tuang. Bain posadiaanku kon kayu ḷokuyú Libanon bo kayu ḷokuyú biasa podudui in pinoigum i Tuang

DATU MITA IMITÁNEA 5:8 Mawu Ofanana

SAMUEL 2 6:5

Ki Daud bo bayongan in bangusa Israel minayá kon muna in Poti tatua sindaḷan motayok inimibo-ibogbí bo nodondong sin mohoromat kon i Tuhan. Nopogogitog in mosia in kecapi, gambus, rebana, kelentingan bo simbal.

DATU MITA IMITÁNEA 5:7

Nopia totok in gina i Hiram naonda in nokodongog kon habar tatua. Sia in noguman, “Dinayo-dayowdon in ki Tuhan in singgai in naa, sin sia in nobogoidon kon i Daud in adí ḷoḷaki tobatú inta totuu mobijaksana mobaḻí datu kon bangusa inta moḷoben tua.”

DATU MITA IMITÁNEA 5:9

Intauku mita in modiabí kon kayu tatua mosiḻig nongkon Libanon mopobayá in dagat. Bain kon tua bo pangkoi mita in kayu tatua togoton monia tonggakiton bo iḻigon monia pongin dagat pobayá in tampat inta koibog i Tuang. Kon tua in gakit mita tatua kokaion bo ogoi kon intau mita i Tuang sin pogaid moiduduimai. Nongkon i Tuang, poigumonku sinbá ki Tuang moposadiadon in kokaanon kon intau mita inta kon komaḻigku.”

DATU MITA IMITÁNEA 6:15

Bayongan dinding kon dotá in bonunea inaipan in kayu ḷokuyú in Libanon, pinangkoi kon taḷog nodapot kon ḷuntung. Taḷognea in pinomia nongkon kayu ḷokuyú biasa.

DATU MITA IMITÁNEA 6:34

Bo pinomiaan doman ḷoḻingkop sinongkabaya nongkon kayu ḷokuyú biasa, inta tumpaḷa motaau kopíon.

TAWARIKH 2 2:16

Kami in momupuḷbí kon kayu ḷokuyú nongkon buḷud in Libanon ná kobayong inta paraḷuon i Tuang, bo togoton tonggakiton, bo iḻigon pongin dagat modapot in Yope. Nongkon tua motaaudon akuton i Tuang diaan mayá in Yerusalem.”

TAWARIKH 2 3:5

Yuang inta totokanea in dininding in kayu ḷokuyú inta notompiḻí mopia bo inaipan in buḷawan nogurang. Kon gaipan in buḷawan tatua oyúon gambar in pangkoi in palem inta kinurig bo gambar in rante.