DATU MITA IMITÁNEA 3:9 - Alkitab Singog In Mongondow Masa In Tanaa

⁹ Manangka intua, Tuhan, aka motaau yo ogoiaipa in akuoi in kabijaksanaan inta pakéon kon momarenta kon umat-Mu tanaa takin moadil bo motaau mopoyoposi onda inta mopia bo onda inta moraat. Aka diá natua, yo diábí in akuoi mokoparenta kon umat-Mu inta mobarong naa!”

DATU MITA IMITÁNEA 3:9 Mawu Ofanana

SAMUEL 2 14:17

Noyakinbí in akuoi kon dandi i Tuangku tatua in mokojaminbí kon kasaḷamatanku sin ki Tuangku naa in naonda bo malaekat i Allah, inta motaau mopoyoposi kon onu inta mopia bo onu inta moraat. Igumon mako ki Tuhan Allah i Tuangku koyota-yotakin i Tuangku!”

DATU MITA IMITÁNEA 10:24

Bayongan in intau kon dunia naa in moḷongasibí mokipodungkuḷ kon i Salomo sin mokidongog kon totundú inta mobijaksana inta inogoi i Allah kon inia.

DATU MITA IMITÁNEA 3:10

Nopia in gina i Tuhan kon onu inta pinoigum i Salomo tatua

DATU MITA IMITÁNEA 3:28

Kon dodai in bangusa in Israel nokodongog kon soaḷ bontow in tosingogon i Salomo kon bonu in pelekara tatua, nobangkaḷdon in mosia kon inia. Sin noniatadon kon ki Allah ain nobogoi kon inia in kabijaksanaan sin mopoaid in inta moadil.

TAWARIKH 1 22:12

Bo igumon mako ki Tuhan Allahmu in mobogoi kon inimu in kabijaksanaan bo pandoi sin momarenta kon Israel podudui in hukum-Nea mita.

TAWARIKH 1 29:19

Ogoiaidon in ki Salomo, ki adíku ḷoḷaki in ibog inta totu-totuu dumudui kon bayongan in parenta-Mu bo moposindog in baḷoi pooibadaan tatua inta ain pinosadiaku.”

TAWARIKH 2 1:10

Manangka intua ogoiaidon kaasí in akuoi naa in kabijaksanaan bo pongotahuan inta paraḷuonku kon modia kon i monia. Sin aka diá natua, yo diábí in akuoi mokotongod in momarenta kon umat-Mu inta mobarong totok naa?”

MAZMUR 119:144

Atorang-Mu in umuran moadil; ogoiai in akuoi in pomomangaḻe sinbá mobiag in akuoi.

MAZMUR 119:34

Popomangaḻedon kon inakó in hukum-Mu sinbá duduianku, bo aidanku takin ḻimbatú in gina.

MAZMUR 119:73

Ikobí in nomaḻí bo nomia kon inakó, ogoiaidon in akuoi in pomomangaḻe sin mobalajar kon parenta-Mu mita.

AMSAL 14:8

Intau mobijaksana in kotaauanneabí onu in aidannea, intau bodok koakaḷan in kobobodoknea.

AMSAL 16:16

Mokouḻíbí kon hikmat in mopia-pia kon mokouḻí kon buḷawan; mokouḻí kon sinotaau in mobara-baraguna in mokouḻí kon saḷaka.

AMSAL 20:12

Bongoḷan in pakéon mokidongog bo mata in poindoi, doyowa tua in ki Tuhanbí in nomaḻí.

MOHOHUTUBA 7:11

Intau nobiag mustibí oyúon in hikmat; hikmat naa in notongkai in budel;

MOHOHUTUBA 7:19

Hikmat in mokodugang kon itoginea moropot moiḻiu kon pongawasa mopuḷú kon kotá tobatú.

YEREMIA 1:6

Akuoi in notubag, “O Tuhan Inta Totok in moḷantud, akuoi in diábí mopandoi mosingog sin akuoi in noiḻiupa in guod.”

YEREMIA 45:5

Nongonu sin iko in moibogbí popoḷontúon? Dika natua, Barukh! Bayongan in intau in hukumon-Kubí in bodito, táe iko, iko in mosaḷamatbí. Kon ondaka in bayáanmu, iko in umuranbí mobiag. Akuoi, ki Tuhan ain nosingog.”

DANIEL 2:21

Siabí inta nonantú kon sempo bo wakutu, Sia in nopoḷabú bo noduí kon pongawasa. Siabí doman inta nobogoi in kabijaksanaan, bo noponotabi in pomomangaḻe.

MATIUS 3:11

Akuoi mopobaptis in tubig kon i monimu, saḷaku bukti kon moiko aindon mogogai in mogaid kon inta diá mopia, táe Sia inta mamangoi moiduduimai kon inakó naa, kawasa-Nea moiḻiu totok kon inakó, sedang tongá mobuka kon togot in sapatu-Nea yo diá patus in akuoi. Sia in mopobaptis kon i monimu in Roho i Allah bo tuḷu.

MATIUS 3:14

Táe ki Yohanes nongampag kon i-Nia, kainia: “Akuoibí naa in musti baptison i Pak Guru, táe tanaa in noyoḻiudon, ki Pak Gurubí in mamangoi bo mokibaptis kon inakó!”

YOHANES 5:30

“Akuoi in diábí motaau in mogaid kon onu bo onu podudui in ibog-Ku tontaní. Akuoi in tongábí mohakim podudui in onu inta pinarenta i Allah. Bo moadilbí in pononantú-Ku, sin Akuoi in diábí dinumudui kon ibog-Ku tontaní, táe dinumuduibí kon ibog i Amá inta nopotabá mangoi kon i-Nakó.

KORINTUS 2 3:5

Diábí in dodoyonan singog nami in mosingog kon kami in mokosanggupbí mogaid kon oaidan tanaa, sin tongábí ki Allah in nobogoi komampuan tanaa kon i nami.

EPESUS 5:17

Dika mokopobodok, táe tayakdon kopira mongo onu in kinoibog i Tuhan.

PILIPI 1:10

Sahingga in kotaauandon monimu in momiḻí kon onu inta totok in mopia, bo kobobiagmu in diádon singkuḻeon ande poponapudan in onuka kon singgai ki Kristus moiangoidon bui.

IBRANI 5:14

Aka kaanon notogat, tua in ogoi kon intau inta noguyangdon in raiannea bo inta nobayongdon in kinoyitakannea bo inta kinorasaannea, sahingga motaaudon in sia mopoyoposi kon onu inta mopia bo onu inta moraat.

YAKOBUS 1:5

Aka oyúon in kon sigad monimu in diápa totok mobijaksana; yo musti mopoigum kon i Allah, dá ogoianbí i Allah in kabijaksanaan in sia. Sin takinbí pia in gina bo tabi in ki Allah in mobogoi kon batúan in intau.

YAKOBUS 3:17

Táe intau inta nokouḻí kon kabijaksanaan nongkon i Allah, yo sia in muna-munamai totok modarit, onda intua moibog in sia kon dodamean, mobahasa mako, bo motoindudui. Moḷoben in tabinea bo oaidnea mongopia. Diábí in sia momiḻí kon intau bo diábí tongá ki ubo-uboḷmai mopia.