DATU MITA IMITÁNEA 3:2 - Alkitab Singog In Mongondow Masa In Tanaa

² Popisí in Baḷoi i Tuhan diápa noḷapat kon dodai intua, dá rayat in umuranpa noposumba in kuruban kon noyagi-yagimai in tampat.

DATU MITA IMITÁNEA 3:2 Mawu Ofanana

DATU MITA IMITÁNEA 14:23

Kon tudu mita in buḷud bo kon siungon in pangkoi mita in kayu inta moḷoben, noposindog in mosia kon tampat mita pososumbaan kon berhala, bo noposindog in tugu mita bo patong mita i dewi Asyera sin sumbáan.

DATU MITA IMITÁNEA 15:14

Umpaka diá nodait irimumud i Asa in tampat pososumbaan kon berhala, táe umuranbí in sia mosatia kon i Tuhan kon dodai in nobiagpa.

DATU MITA IMITÁNEA 22:43

Ná doman ki Asa, ki amánea, ki Yosapat in nogaid doman kon inta mopia kon tayowon i Tuhan. Iyompatnea nongkon dodatuan nea in bayongan sundaḷ ḷoḷaki bo bobay inta nopobayá in oaidan monia kon tampat mita pososumbaan kon berhala inta kinotaḷáan kon tungkuḷ i Asa, ki amánea. Táe tampat mita tatua in diábí irimumudnea. Rayat in tantúpabí doman moposumba in kuruban bo kamania kon tua. Ki Yosapat in nogaid kon kapaḷ mita in Tarsis sin pogakutan kon buḷawan kon Opir, táe kapaḷ mita tatua in diábí nobaḻí iḷumeag sin nogoguyaat kon Ezion-Geber. Ki Datu Ahazia nongkon Israel in nonotogmai sinbá intau mita in kapaḷnea in ḷumeagdon moyotakin in intau mita in kapaḷ i Yosapat, táe doí in ki Yosapat umpaka mopia in yoyobayat monia takin i datu in Israel. Onda intua ki Yosapat minatoi bo iḷobong kon poḷoḷobongan kon datu mita kon kotá i Daud. Ki Yoram ki adínea in nobaḻí datu nonoḻiu kon inia. Ouman ibanea mako kon i Yosapat, kobobaraninea bo pinoparangannea mita in pinaisdon kon bonu in buk Ouman in Datu mita in Yohuda. Kon tungkuḷ intua butá in Edom diá in datu. Nomarenta kon tua in tobatúbí bupati.

DATU MITA IMITÁNEA 5:3

“Datu Hiram Inta Momulia! Tantú kinotaauan bidon i Tuang kon ki amáku ki Daud in umuran pakisa moparang sin tubuonmai in musung nongkon butá mita inta kon diugmai nami. Bo popisí in ki Tuhan diápa nobogoi in kauntungan kon inia nongkon bayongan in musungnea, dá diápa in sia nokoposindog in tampat pososumbaan kon i Tuhan Allahnea.

DATU MITA 2 12:4

Kon singgai tobatú ki Yoas nogoiní kon imang mita bo pinoki tagúannea in doit inta nouḻí nongkon sosumba mita kon Baḷoi Tuhan, pinomayá doit inta pinoguboḻi kon pinopobogoian in kuruban, andeka doit inta sinantúbí inogoi takin ibog tontaní.

TAWARIKH 2 15:17

Umpaka diá komintan tampat pososumbaan kon berhala kon butá tatua irimumud i Asa, táe sia in umuranbí mosatia kon i Tuhan kinoouput in kinobiagannea.

TAWARIKH 2 33:17

Rayat in umuranpabí doman moposumba in kuruban kon tampat mita pososumbaan ibanea, táe pinosumbaan tatua in kon i Tuhanbí.

MAZMUR 78:58

Mosia in noponontot kon i Allah in tampat pososumbaan kon berhala, bo pinointoi monia in Sia in patong mita monia.

IMAMAT 26:30

Rimumudon-Kudon in tampat mita pososumbaanmu kon tudu in buḷud mita, mogumpag kon mezbahmu mita tampat pototubáan kon dupa, bo mopogambat in mayat mita monimu kon tudu in toḻindua mita in Tuhanmu inta ain noumpag tatua. Takin yaat in gina

ULANGAN 12:13

Moiko in diábí motaau moposumba in kurubanmu kon bayongan tampat inta piḻíon monimu tontaní,

SAMUEL 1 9:12

“Oo, oyúon,” tubag in mongodeaga mita tatua, “bagupa in sia minayá noiuna kon i monimu. Aka moiko ḻimikat, yo degá kobatukanbí monimu in sia. Sia in bagu namangoi in kotá sin singgai naa kon tudu in mezbah kon buḷud oyúon in sosumba kuruban kon rayat. Intau mita inta sinoko oiní in diápabí mongaan aka diápa in sia moiangoi, sin sia in munapabí momarakat kon sosumba tatua. Aka moiko mayá kon tanaadon mako, yo moyodungkuḷbí monimu in sia kon dodai in sia diápa motakod kon buḷud sin mongaan.”