DATU MITA IMITÁNEA 3:13 - Alkitab Singog In Mongondow Masa In Tanaa

¹³ Nodapot in onu inta diá inigummu yo ogoi-Kubí doman kon inimu: kino ouput in kobiaganmu iko in mobiagdon mooyúon bo horomaton moiḻiu kon datu ibanea inta kon ondakabí.

DATU MITA IMITÁNEA 3:13 Mawu Ofanana

DATU MITA IMITÁNEA 10:14

Pomuḷoi in taong ki Datu Salomo motarima kon gogió bo 23.000 nokilo in buḷawan,

TAWARIKH 1 29:25

Binaḻí i Tuhan in bayongan rayat noibog kon i Datu Salomo bo binaḻí-Nea datu inta motoya-toyang nongkon datu nongkon ondaka inta nokoimontandon nomarenta kon Israel.

TAWARIKH 2 9:22

Ki Datu Salomo in mooyu-oyúon bo mobija-bijaksana nongkon datu nongkon ondakabí in kon dunia naa.

NEHEMIA 13:26

Gumanku, “Diábí degá kinotaauan monimu kon dosabí doman tanaa inta inaidan i Datu Salomo? Diábí in datu in kon dunia naa inta moiḻiu kon inia. Ki Allah in notabi kon inia bo binaḻí in sia datu kon sinangkup in Israel. Umpaka natua táe sia in dinondouḷugandon in bobay mita in bangusa ibanea sin mogaid kon dosa.

AMSAL 3:16

Hikmat mobogoi kon inimu in umur moḷanggó, kaoyúonan bo kahoromatan.

AMSAL 4:9

Sia in mobogoibí kon inimu in bungang inta mopia totok sin baḻíon mahkotamu.

MOHOHUTUBA 6:2

Moiḷanuimai ogoian i Allah in kaoyúonan, kahoromatan bo kapunyaan kon intau tobatú, modapot in diádon in koibognea. Táe diá inogoian i Allah in wakutu in sia mopomaké in bayongan inta inogoi tatua. Tompobuinea, intau inta diá kinotaauan-Nea mopomaké in kaoyúonan tatua. Dá tua komintan diá in mangaḻenea bo mokonakit kon gina.

MATIUS 6:33

Táe, tayakpa muna in ki Allah bo aidaidon onu inta kinoibog-Nea. Dá komintan tua in ogoi-Neabí doman kon inimu.

SURAT I PAULUS KON JAMAAT RUM 8:32

Ki Adí-Nea tontaní in diá bidon irekeng-Neamai, táe pinosarakan-Neadon sin kopontingan naton komintan; yo diábí kumaan kon akaḷ aka kita diá ogoian in bayongan yagi-yagi?

EPESUS 3:20

Takin kawasa i Allah inta tantú moigonú kon bonu in gina naton, motaau in ki Allah mogaid kon mobayo-bayong nongkon onu inta motaau igumon andeka inta koraian naton.