DATU MITA IMITÁNEA 3:1 - Alkitab Singog In Mongondow Masa In Tanaa

¹ Ki Datu Salomo nobuḷoi kon i adí bobay i datu in Mesir. Ki adí bobay i datu in Mesir tatua in dinia i Salomo minayá in kotá i Daud bo nogutun kon tua nodapot in sia nopaḷut noposindog in komaḻig in datu bo baḷoi i Tuhan takin benteng in Yerusalem.

DATU MITA IMITÁNEA 3:1 Mawu Ofanana

SAMUEL 2 5:7

Ki Daud in noguman kon intaunea, “Oyúon degá in kon naa in intau inta mobú kon intau in Yebus ná doman akuoi mobú kon i monia? Mobúdon totok degá in sia modapot in sia moibogdon totok moḻimod kon i monia? Aka natua, tuotdon mongin daḷan in tubig bo tubudon in intau mita inta nosedó bo nobilog inta kinobúmu tua.” (Tuamai intau nosingog, “Intau bilog bo intau nosedó diábí motaau in tumuot kon Baḷoi i Tuhan.”) Ki Daud nokoḷongasi nogagow kon poḷoḷukadan in Sion bo iḻitúannea. Sinangoiannea “Kotá i Daud.” Kotá tatua pinosindognea kon ḻibu in poḷoḷukadan tatua, pinangkoi nongkon dotá in pomukaan kon buḷud inta sinuod pinomonturungan kon butá.

DATU MITA IMITÁNEA 11:1

Ki Datu Salomo in nongibog kon mobayong in bobay nongkon butá ibanea. Koḻikud in adí bobay i datu in Mesir, ki Salomo in notonibuḷoi doman takin bobay mita in Het, Moab, Amon, Edom bo Sidon.

DATU MITA IMITÁNEA 2:10

Onda intua ki Daud minatoi bo iḷobong kon kotá i Daud.

DATU MITA IMITÁNEA 6:1

Ki Salomo nomangkoi noposindog in Baḷoi Tuhan kon buḷan Ziw, tuata in buḷan nogindua, kon taong noginggopat kon pinomarentaannea, 480 notaong naonda in bangusa in Israel nonaḷámai kon Mesir.

DATU MITA IMITÁNEA 7:1

Ki Salomo in noposindog doman in komaḻignea tontaní. Pinoposindogan in komaḻig tatua koonggotnea in mopuḷú bo toḷu notaong.

DATU MITA IMITÁNEA 7:8

Pogogutunan i Salomo pinomia naonda bo baḷoi mita ibanea bo noiukat kon palas ibanea kon tumi in Baḷoi Pongadilan. Bo kon i buḷoinea, inta ki adí bobay i datu in Mesir, pinomiaan i Salomo kon baḷoi ná tatua doman.

DATU MITA IMITÁNEA 9:1

Naonda in nopaḷut mako in ki Salomo noposindog in Baḷoi Tuhan bo komaḻig takin bayongan inta sinomayánea,

DATU MITA IMITÁNEA 9:10

Ki Salomo noposindog in Baḷoi Tuhan bo komaḻig in datu kon bonu in doyowa nopuḷú notaong.

DATU MITA IMITÁNEA 9:24

Butá kon dotá in toḷatan in Baḷoi Tuhan binumbunan i Salomo naonda in ki buḷoinea, inta ki adí i datu in Mesir, nomamping nongkon kotá i Daud minayá in komaḻig inta inaidan i Salomo kon inia.

TAWARIKH 2 18:1

Naonda in ki Yosapat datu in Yohuda nobaḻí nooyúon bo ponango-nangoiandon, pinopobuḷoinea in intau tobatú agat in motoḷuadínea kon motoḷuadí i Ahab datu in Israel.

TAWARIKH 2 8:11

Pinampingdon i Salomo in ki buḷoinea inta ki adí bobay i datu in Mesir, nongkon kotá i Daud pinobayá in baḷoi inta pinosindog kon inia. Sin ki Salomo in norai, “Ki buḷoiku in diábí motaau in mogutun kon komaḻig i Daud, datu in Israel, sin bayongan in tampat inta nokoimontandon pinotagúan kon Poti Dodandian in tampatbí inta motusi.”

EZRA 5:11

Mosia in notubag, ‘Kami naa in mogogundoi i Allah mongongawasa kon dunia naa. Kami in koyogot in moposindog in Baḷoi Tuhan inta pinosindog bo sinompakakatan kon puḷúan in taong inta noitaḻibdon i datu tobatú in Israel inta moḷoben.

EZRA 9:14

Dá, naondabí kon kami in musti monaḷámai bui kon parenta-Mu mita bo bui motonibuḷoi moyotakin in intau mita inta moraat tatua? Aka aidan nami intua, yo notantú bidon kon totokdon in tumorú in Iko dá rimumudon-Mudon in kami komintan diádon tobatúmai in bióon-Mu mako mobiag.

ULANGAN 23:8

Pinangkoi kon buí nogintoḷu bo moidudui kon tua mosia tua in motaaubí mobaḻí umat i Tuhan.”