DATU MITA IMITÁNEA 21:2 - Alkitab Singog In Mongondow Masa In Tanaa

² Kon singgai tobatú ki Ahab in noguman kon i Nabot, “Ogoidon kon inakó in gobá in anggurmu tatua, sin gobámu tatua in nodiug kon komaḻigku. Moibog in akuoi momuḷa kon kuyat mita kon tua. Bain toḻiuanku in gobá in anggur inta mopia-pia nongkon tua, andeka aka moibog in iko, yo taḷuionkudon podudui kon boḻinea inta mopia.”

DATU MITA IMITÁNEA 21:2 Mawu Ofanana

KINOBAḺIAN 16:6

Tubag i Abram, “Mopia, sia tua in bobantungmu bo kon bonubí in kawasamu in sia; dá aidaidon onu in koibogmu.” Dá pinomiadon ibo-ibog i Sarai in ki Hagar, dapot in noḷaguidon in sia.

KINOBAḺIAN 3:6

Inontong in bobay tatua kon mopia in pangkoi kayu tatua, bo bungainea koontongan in mopira doman kaanon. Sia in norai kon mopiabí totok aka sia in mobaḻí mopandoi. Manangka intua sia in nosipú kon bungai in pangkoi in kayu tatua, bodongka kinaannea, bo inogoiannea doman in ki buḷoinea, bo kinaan doman i buḷoinea ḷoḷaki.

DATU MITA IMITÁNEA 21:3

Ki Nabot in notubag, “Gobá in anggur tanaa in budelbí in mogoguyangku. Podoyon kon i Allah, diábí motaauku ogoi kon i Tuang!”

DATU MITA IMITÁNEA 21:6

Ki Ahab in notubag, “Diábí mosanang in ginaku kon i Nabot. Inigumku sinbá potaḷuineadon kon inakó in gobá in anggurnea, andeka toḻiuandon in gobá in anggur ibanea, aka tua in koibognea, táe doíbí in sia!”

DATU MITA 2 9:27

Ki Ahazia in nokoontong kon onu inta nobaḻí tatua, dá pinoḷaguinea in keretanea nopobayá in kotá in Bet-Hagan. Ki Yehu in nondudur kon inia bo nomaḷú kon intaunea mita, “Ḻimod domandon in sia!” Piniotan monia in sia bo kinekeban kon daḷan inta nopobayá ná Gur, kon diug in kotá in Yibleam. Táe nokoḷagui in sia nodapot in Megido, bo minatoi in sia kon tua.

IḶUAIAN 20:17

Dika moibog in sinitogi in intau ibanea: baḷoinea, ki buḷoinea bobay, atanea mita, bobiagonnea, keledainea, ande onuka inta nobaḻí sinitoginea.”

DONDONG MOḶANTUD 4:15

Bokaká kon gobáku nopoḷuai in tubig kobiagan inta moiḻig nongkon Libanon!

YEREMIA 22:17

Táe iko, Yoyakim, in toposibí. Iko in tongábí motayak kon kauntungan tontaní. Iko in moḻimod kon intau inta diá kotaḷá, bo mondorot kon rayatmu takin aid moḻingá.

LUKAS 12:15

Noiduduimai kon tua ki Yesus in noguman kon intau moantó kon tua, “Mokopopia in moiko bo umuran kiḷuka-ḷukadmai sinbá diá modunia, sin umpakabí moantó totok in kapunyaan, táe kobiagan mononoi tua in diábí sinantú in kapunyaan tatua.”

ULANGAN 11:10

Butá inta pogutunan monimu kon singgai moiduduimai diábí ná butá in Mesir, inta pinogutunan monimu koḻipod. Kon tua moiko musti rumajing in mogaid sin momonu in tubig kon gobá mita kon dodai in moiko moponimboi in bibit.

ULANGAN 5:21

Dika moibog in kapunyaan in intau ibanea: pinomayá baḷoinea, butánea, ki buḷoinea bobay, bobantungnea mita, bobiagonnea, keledainea ande onuka in kon inia.’

TIMOTIUS 1 6:9

Táe intau inta moibog mobaḻí mooyúon tombodokondon in ibognea inta diá in baragunanea bo inta mokogoguyaat kon inia. Ibog mita tatua in mokorimumud bo mokobodito kon inia.

SAMUEL 1 29:6

Bo inoinídon i Akhis in ki Daud bo noguman kon inia, “Akuoi naa in mopirisaya podoyon kon i Tuhan inta nobiag, kon iko nion in mosatiabí kon inakó. Mopiabí in ginaku aka iko motaau moyotakinku kon poparangan tanaa. Sin pinangkoipamai in iko namangoi kon inakó nodapot in tanaa mako, diábí kinokadapatanku in iko kon taḷámu. Táe datu mita ibanea in doí kon inimu.

SAMUEL 1 8:14

Gamáannea in gobámu tudunea, gobá in anggurmu, bo gobá in zaitunmu bo inta totok in mopia bo ogoinea kon pogawainea mita.

SAMUEL 1 8:6

Táe diábí nosanang in gina i Samuel in nokodongog kon onu inta pinoigum monia tua. Bo nosambayang in sia kon i Tuhan,