DATU MITA IMITÁNEA 20:1 - Alkitab Singog In Mongondow Masa In Tanaa

¹ Kon singgai tobatú ki Benhadad, datu in Siria, nosipun kon bayongan in tontaranea, bo noyotakin in 32 in datu mita ibanea takin kereta in parang, bo kabaḷo monia, nongopung bo nonubu in sia kon kotá in Samaria.

DATU MITA IMITÁNEA 20:1 Mawu Ofanana

DATU MITA IMITÁNEA 15:18

Tuamai in ki Datu Asa nogamá kon bayongan in buḷawan bo saḷaka inta kon bonupa in Baḷoi Tuhan bo kon komaḻig in datu bo pinoki dianea kon Damsyik kon i Benhadad datu in Siria, adí i Tabrimon, inta ki ompu i Hesion. Pakakat mita tatua in pinoki dia pinongin tongonumai in intau moḷoben kon komaḻig, takin koyow nanaa,

DATU MITA IMITÁNEA 15:20

Noibog in ki Benhadad kon tongganut tatua bo nopotabá in porwiranea mita noyotakin in tontara mita monia minayá nonubu kon kotá mita in Israel. Mosia in nonaḷow kon Iyon, Dan, Abel-Bet-Maakha bo Kinerot kon diug in Danow Galilea bo bayongan in butá in Naptali.

DATU MITA IMITÁNEA 16:24

Táe noiduduimai kon tua, notaḷui in sia kon buḷud tobatú kon i Semer, boḻinea in 6.000 in doit saḷaka. Bo noposindog in sia in kotá tobatú kon buḷud tatua bo sinangoiannea in Samaria, pinodudui in tangoi i Semer, intau inta kitogi buḷud tatua.

DATU MITA IMITÁNEA 20:16

Pinonubuan in pinangkoi kon dodai in singgai kon tungkuḷ in ki Benhadad bo datu toḷu nopuḷú bo doyowa inta noyopopognea tatua koyogot in nonginum nodapot in nongoḷoḷangudon kon pinononḷoḷaigan monia.

DATU MITA IMITÁNEA 20:2

Bo nopotabá in sia kon intau minayá kon i Ahab, datu in Israel, kon kotá tatua takin koyow tanaa,

DATU MITA IMITÁNEA 20:24

Maníka in tanaa ki Tuang datu in momaḷuidon kon datu inta toḷu nopuḷú bodoyowá tatua takin porwira mita i Tuang datu tontaní.

DATU MITA IMITÁNEA 22:31

Kon dodai intua toḷu nopuḷú bo doyowa in panglima in tontara inta sinumakoi kon kereta in Siria aindon pinotabá kon tongádon monubu kon datu in Israel.

DATU MITA 2 6:8

Kon singgai tobatú intau in Siria noparang takin intau in Israel. Naonda in noyosingog takin itoi mita in tontaranea, datu in Siria in nonantúdon kon onda in pononḷoḷaigan monia.

DATU MITA 2 8:5

Bo noitongkaná kon dodai in bobay nongkon Sunem tatua namangoi kon i datu sin mopotaau in oigumnea, ki Gehazi in koyogot mongonguman kon naonda in pinomomiag bui i Elisa kon adí inta ain minatoi tua. Dá ki Gehazi in noguman, “Tuang Datu inta momulia, naa in bobay tatua, bo naa in ki adínea inta biniag bui i Elisa!”

EZRA 7:12

“Nongkon i Datu Artahsasta ogoi kon i Imang Ezra, intau inta nonotaau totok in Hukum i Allah inta nongawasa kon soroga.

IḶUAIAN 14:7

Sia in nobuat takin bayongan kereta parangnea, noitakin domandon in 600 in kereta inta totok in motompiḻí, inta dinia in porwiranea mita.

YESAYA 10:8

Sia in dinumodia, gumannea, “Tongguḷu in tontaraku mita in komintanbí datu!

YESAYA 37:24

Iko in nopotabá mangoi in totabá sin mosingog kon uboḷ kon podoyon kon kobayong in kereta in parangmu, iko in nokopotungkudon kon buḷud mita inta totok in moḷantud kon Libanon. Iko in dumodia kon iko in nomupuḷdon kon pangkoi mita in ḷokuyúnea inta totok in moḷantud bo inta totok in mogaga, bo irumudak doman kon kayuonnea mita inta totok in moromon.

YEREMIA 49:27

Dinding mita in Damsyik in turubon-Kubí, bo komaḻig mita in Datu Benhadad in pokakon-Kubí. Akuoi, ki Tuhan Inta Totok in mokawasa, ain nosingog.”

YEHEZKIEL 26:7

Ki Tuhan Inta Totok in moḷantud in noguman, “Diaan-Kubí in ki Datu Nebukadnezar nongkon Babel sin monubu kon inimu, ei Tirus. Datu inta totok in moropot tatua in mamangoi nongkon utuan takin tontara mobarong, takin kabaḷo mobayong bo kereta mita in parang bo tontara tumotakoi kon kabaḷo.

DANIEL 2:37

Inta momulia ki Tuangku in datu in bayongan datu; ki Tuangkubí in inta totok in inogoian in kawasa moḷoben. Ki Allah kon soroga ain nobogoi kon i Tuangku in dodatuan tanaa, kawasa bo ropot bo koagungan.

IMAMAT 26:25

Popomuká-Ku in parang kon sigad monimu sin mohukum kon i monimu popisí in moiko ain iḻimimpat kon dodandian-Ku takin monimu. Bo aka moiko moyosipun kon kotámu sin motayak kon motototuḷung, yo popoangoi-Kudon in takit inta diábí kotompiaan, dapot in moiko pakisadon tumungkud kon musungmu.

AMOS 1:4

Tuamai in potabá-Kubí mangoi in tuḷú kon komaḻig i Datu Hazael, bo momokak kon bayongan in benteng i Datu Benhadad.

ULANGAN 20:1

“Aka moiko mayá moparang moḷawang kon musungmu mita, dika moondok in mokoontong kon kereta in parang bo kabaḷo monia inta mobayong takin tontara monia inta noiḻiu in kobayongnea nongkon i monimu. Ki Tuhan Allahmu inta nopoḷuai kon i monimu nongkon Mesir, in motuḷungbí doman kon i monimu.

ULANGAN 28:52

Mosia in monububí kon bayongan kotá kon butá inta inogoi i Tuhan Allahmu kon inimu dá dindingnea mita inta moḷantud bo kinoropot inta binaḻí monimu ḷamboi tua in mouuibi.

HAKIM MITA 1:7

Guman i Adoni-Bezek, “Koḻipod in pitu nopuḷú in datu inta pinongkóanku kon ki iná in ḻima bo sioḷ monia, bo binió-biókudon mako in mosia nokaan kon ki agat in kaanon inta noḷabú nongkon mejaku. Tanaa in ki Allah nopoaidon kon inakó ná onu inta pinopoaidku kon i monia.” Noiduduimai kon tua ki Adonia-Bezek dinia pinobayá in Yerusalem, bo kon tuadon in kinopatoiannea.

HAKIM MITA 4:3

Ki Yabin kokereta in parang inta pinomia nongkon uatoi, 900 in kobayongnea. Doyowa nopuḷú notaong in koonggotnea sia in nononggata kon intau in Israel takin dodia moraat. Bo mosia in nokuani nokituḷung kon i Tuhan.

SAMUEL 1 13:5

Bo kon dodai intua intau in Pilistin noyosipun domandon sin monubu kon intau in Israel; kon dotá monia oyúon in 30.000 in kereta in parang, 6.000 in intau sinumakoi kon kabaḷo, bo prajurit mita ná kobayong in bungaion kon pintad. Mosia in noyosipun kon Mikhmas kon dotá in pomukaan kon Bet-Awen.