DATU MITA IMITÁNEA 2:7 - Alkitab Singog In Mongondow Masa In Tanaa

⁷ Táe aka kon i adí mita ḷoḷaki i Barzilai nongkon Gilead kopia kaasí kon i monia. Musti ogoianmu in onu inta pakéon monia muḷoi in singgai, sin mosia in nopoaidon inta mopia kon inakó kon tungkuḷ in akuoi noḷagui kon i guya-guyangmu, ki Absalom.

DATU MITA IMITÁNEA 2:7 Mawu Ofanana

KINOBAḺIAN 40:14

Táe kotoropaipa in akuoi aka iko motompiadon in kobobiagmu. Tuḷungai bo pogumandon kon i datu onu inta nobaḻí tanaa, sinbá akuoi poḷuaiondon kon ponjara tanaa.

SAMUEL 2 19:28

Bayongan inanakan motoḷuadí i amáku in patusbí hukumon matoi i Tuang datu, táe bobantung naa in inogoidon i Tuang datu mongaan moyotakin kon komaḻig. Tanaa in diádon kobaḻí in bobantung naa moigum kon onu bo onu kon i Tuang datu.”

SAMUEL 2 9:10

Iko bo ki adímu mita takin bobantungmu in mustibí monompinomuḷa kon butá tatua sin kopontingan in motoḷuadí i tuangmu ki Saul, bo ogoidon in bungai in pinomuḷa tatua kon i monia sinbá oyúon in pakéon monia kon kobiagan. Táe ki Mepiboset in motaaubí in mongaan kon komaḻig in kinoouput in kinobiagannea.” (Ki Ziba in kogadí kon ḷoḷaki 15 bo atanea in 20.)

SAMUEL 2 9:7

Ki Daud in noguman, “Dika moondok. Akuoi in motuḷung bo motabibí kon inimu sin motabi in akuoi kon i Yonatan ki amámu. Bayongan in butá i ḷakimu ki Saul, in ogoikudon bui kon inimu bo kinoouputbí in kinobiaganmu motaaubí in iko mongaan kon komaḻig.”

DATU MITA 2 25:29

Ki Yoyakhin in diá bidon nogiḷambung in ḷambung in intau in ponjara bo biasanea in mongaan kon komaḻig bo inogoian doman in doit sin pakéon kon kobiagannea.

EZRA 2:61

Tongonumai in inanakan motoḷuadí in imang in diá doman mokouḻí kon tangoi mita in mogoguyang monia, tuata in inanakan i Habaya, i Hakos bo i Barzilai. (Mogoguyang in inanakan i Barzilai notonibuḷoi takin in bobay tobatú buí in inanakan i Barzilai kon Gilead, bo noiduduimai kon tua nomaké in sia in tangoi in motoḷuadí i nunutonnea.) Popisí in mosia diá nokoponiata kon ki ine in mogoguyang monia, dá mosia in diá sinarima nobaḻí imang.

AMSAL 27:10

Dika koḻiongan in yobayatmu andeka yobayat i amámu. Kon bonu in roriga dikabí mokituḷung kon i utatmu; topodiugmu inta modagin in mobara-baraguna nongkon i utatmu inta moyayú.

YEREMIA 52:33

Sia in inogoi nomaḷui kon ḷambung in ponjaranea bo nodapot kon singgai noiduduimai kon bonu in sia nobiagpa motaaubí in sia mongaan kon komaḻig, bo pomuḷoi in singgai inogoian in doit pakéonnea kon kobiagan.

LUKAS 12:37

Momujur totok in bobantung mita inta kinotambakanmai i tuangnea umuran mogoḷat mako kon koangoian i tuangnea tatua. Pirisayabí: ki tuang tatua in baḷúbí mobasadia bo moguman kon bobantungnea mita tatua ḻimitú, bo siapa tontaní in mobantung kon i monia.