DATU MITA IMITÁNEA 2:6 - Alkitab Singog In Mongondow Masa In Tanaa

⁶ Yo, adíku, popoaidon kon inia in onu inta inanggapmu mopia; tongá donaai pomayámu mako in sia matoi motompia mako natua.

DATU MITA IMITÁNEA 2:6 Mawu Ofanana

KINOBAḺIAN 42:38

Táe ki Yakub in noguman, “Diá! Ki Benyamin diábí motaau diaan monimu; ki guya-guyangnea ain minatoi bo tanaa dongkadon sia in oyúon. Dika-dika sia in mobodito doman kon binayáan tatua. Akuoi naa ain nogoguyang, bo robonoḷ in gina inta popoangoi monimu tua in mokopopisídon kon kopatoianku.”

KINOBAḺIAN 9:5

Pomuḷoi intau bo mahaḷuk inta moḻimod kon intau in hukumon-Kubí dapot in matoi.

KINOBAḺIAN 9:6

Intau in pinomia ná batangan-Ku; tuamai, ki ine in moḻimod kon intau, yo sia tua in ḻimodon doman in intau.

SAMUEL 2 3:39

Umpakabí akuoi naa in datu moḷoben inta piniḻí i Allah, táe korasaanku in tanaa kon moyangkóbí. Ki adí mita i Zeruya tua in moiḻiudon in romú. Diá in akuoi mokotongod in mongawasa kon i monia. Igumon mako ki Tuhan in mohukum kon intau mita moraat tatua, podudui kon oaid monia!”

DATU MITA IMITÁNEA 2:7

Táe aka kon i adí mita ḷoḷaki i Barzilai nongkon Gilead kopia kaasí kon i monia. Musti ogoianmu in onu inta pakéon monia muḷoi in singgai, sin mosia in nopoaidon inta mopia kon inakó kon tungkuḷ in akuoi noḷagui kon i guya-guyangmu, ki Absalom.

DATU MITA IMITÁNEA 2:9

Táe naa in koyowku kon inimu: dika pomayá mako in sia moiḷuat nongkon hukuman. Kinotaauankubí kon iko nion in mobijaksana; dá, umpakabí in sia ain nogoguyang, ḷongasidon sinbá hukumon matoi in sia.”

DATU MITA IMITÁNEA 3:12

dá onu inta pinoigummu tatua in ogoi-Kubí. Baḻíon-Ku in iko mobija-bijaksana bo mopando-pandoi nongkon i inekabí doman, pinomayá kon dungkuḷmai andeka kon singgai moiduduimai.

DATU MITA 2 22:20

tuamai hukuman kon Yerusalem in diábí popoḷabú-Ku kon dodai in mobiagpa in iko. Iko in matoibí pia-pia mako.’ ” Dá nobuidon in totabá mita tatua kon i datu bo nopotaau in koyow tatua.

MAZMUR 37:37

Tondudutka in intau mopia bo motuḻid in gina; intau inta moibog in dodamean mopiabí in kobiagannea moiduduimai.

AMSAL 20:26

Datu inta mobijaksana kotaauanneabí in intau inta moraat; hukumonneabí in mosia bo diábí in ampung.

AMSAL 28:17

Intau moḷoḻimod in mokorasabí kon ná umuran aḷo-aḷowan mako modapot in sia matoi; diábí tobatúmai intau in mokoḷamboi kon inia.

MOHOHUTUBA 8:11

Nongonu sin totuubí mogampang in intau momia kon inta moraat? Popisí in hukuman diá ḷagi popoḷabú.

YESAYA 48:22

Diábí in kasaḷamatan kon intau moraat,” natuata in guman i Tuhan.

YESAYA 57:21

Diábí in mokoaman kon intau binaradosa,” guman i Tuhan.

YESAYA 65:20

Ki adínea mita diábí in matoi kon tungkuḷ mointokpa, bo intau mogurang mokodapotbí kon umur moḷanggó. Intau inta umur mogatut notaong in inanggapbí nobagupa, bo inta minatoi noiuna kon tua in inanggap kinotugatan in hukuman-Ku.

PINOGIAPAN 35:33

Aka aidan monimu in natua, yo moiko in nokoporomúdon kon butá inta pinogutunan monimu. Poḻimodan mokoporomú kon butá; dá diábí in aid ibanea mondarit in butá tatua koḻikudbí in monginggamá kon kobiagan in intau inta noḻimod tatua.