DATU MITA IMITÁNEA 2:4 - Alkitab Singog In Mongondow Masa In Tanaa

⁴ Aka iko motoḷutui kon i Tuhan, yo intompodan-Neabí in dandi-Nea kon buíkubí in momarenta kon Israel, asaḷ bo mosia in takin ḻimbatú in gina bo bayongan dimukud in umuran mosatia in dumudui kon parenta-Nea mita.

DATU MITA IMITÁNEA 2:4 Mawu Ofanana

KINOBAḺIAN 17:1

Kon tungkuḷ in ki Abram umur siow nopuḷú bo siow notaong, ki Tuhan nokipogontong kon inia bo poḷat noguman, “Akuoi in ki Allah Inta Totok in Mokawasa. Kobiagdon kon tayowon-Ku takin kodu-kodudui kon onu inta kinoibog-Ku.

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

SAMUEL 2 7:25

Bo tanaa, o Tuhan Allah, moibog in Iko moginrigon kon dandi inta ain siningog-Mu soaḷ akuoi bo buíku kon kinoouputbí in dunia naa. Aka motaau dá aidaidon in onu inta ain pinodandi-Mu tatua.

DATU MITA IMITÁNEA 1:48

bo nosambayang, ‘Dinayo-dayowdon in iko, o Tuhan, Allah inta sinumba in umat Israel. Singgai in naa intau tobatú nongkon buíku aindon dinuí-Mu nobaḻí datu nonoḻiu kon inakó. Bo akuoi in inogoian-Mupa in kobiagan noindoi kon tua!’ ”

DATU MITA IMITÁNEA 11:36

Tongá tongosuku in pomayá-Kubí mako kon inia, sinbá umuran oyúon in intau tobatú nongkon buí in mogogundoi-Ku ki Daud inta momarenta kon tayowon-Ku kon Yerusalem, kotá inta ain piniḻí nobaḻí tampat posumbaan kon i-Nakó.

DATU MITA IMITÁNEA 3:14

Bo aka iko naonda bo ki amámu ki Daud, motoindudui kon i-Nakó takin dumudui kon bayongan in hukum-Ku, yo ogoian-Ku in iko in kobiagan inta moonggot.”

DATU MITA IMITÁNEA 3:3

Ki Salomo in motabi kon i Tuhan bo dinumudui kon topotundú mita i amánea, táe umuranpa in sia noratá bo noposumba in biag kon bayongan tampat.

DATU MITA IMITÁNEA 6:12

“Aka iko motoindudui kon bayongan in hukum bo parenta-Ku, aidan-Kubí kon inimu onu inta ain pinodandi-Ku kon i amámu ki Daud.

DATU MITA IMITÁNEA 8:23

bodongka nosambayang, “Tuhan, Allah in Israel! Kon ḷangit andeka kon butá diábí in ná Iko! Iko in nogintotuu kon dandi-Mu bo nopoontong in tabi-Mu kon umat-Mu inta mosatia bo motoindudui takin ḻimbatú in gina kon ini-Mu.

DATU MITA IMITÁNEA 8:25

Iko in nodandi domandon kon i amáku kon aka buínea totu-totuu motoindudui kon ini-Mu ná sia, dá umuranbí oyúon in intau tobatú nongkon buínea in mobaḻí datu kon Israel. Tanaa, o Tuhan Allah in Israel, intompodaidon komintan in bayongan inta ain pinodandi-Mu kon i amáku ki Daud, mogogundoi-Mu tua.

DATU MITA IMITÁNEA 9:5

dá intompodan-Kubí in dandi-Ku kon i amámu ki Daud kon adí bo ompunea namonag in umuranbí momarenta kon Israel.

DATU MITA 2 20:3

“Tuhan, toropa kaasí in akuoi naa inta ain nogundoi kon ini-Mu sinumoḷutui bo notuḻid in gina. Akuoi in umuranbí noḷongasi dinumudui kon ibog-Mu.” Bo nongombaḷdon totok in ki Hizkia.

DATU MITA 2 23:25

Diápa kon dodai in onda in datu in ná ki Datu Yosia inta nogundoi kon i Tuhan takin ḻimbatú in ginanea, bo noponiata intua kon kobobiag bo aidnea, podudui in bayongan in hukum inta kon bonu in buk i Musa. Naonda in noiduduimai kon i Datu Yosia, diá bidon in datu in ná sia tua.

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

TAWARIKH 2 17:3

Ki Tuhan in nomarakat kon i Yosapat sin sia in dinumudui kon aid i amánea; diá in sia nosumba kon Baal,

TAWARIKH 2 6:16

Iko in nodandi domandon kon i amáku kon aka buínea in totu-totuu motoindudui kon hukum-Mu ná sia, dá mononoibí in intau tobatú nongkon buínea in momarenta mobaḻí datu in Israel. Tanaa, o Tuhan Allah in Israel, intompodaidon doman in bayongan inta ain pinodandi-Mu kon i amáku ki Daud, mogogundoi-Mu tua.

TAWARIKH 2 7:18

dá intompodan-Kubí in dandi-Ku kon i amámu ki Daud kon umuranbí oyúon in intau nongkon buínea in mobaḻí datu kon Israel.

MAZMUR 119:9

Intau moguodpa in mokoḷukadbí kon kobiagannea diá in bogit aka mobiag in sia podudui in parenta-Mu.

MAZMUR 37:22

Intau inta binarakatan i Tuhan in motarimabí kon butá tatua, táe intau inta kinutuk-Nea in untunon-Neabí.

MAZMUR 37:9

Sin intau inta mogaid kon moraat in inggamáanbí, táe inta nongamang mako kon i Tuhan in motarimabí kon butá tatua.

MAZMUR 39:1

Kon i itoi in mododondong. Mazmur i Daud. Kon i Yedutun.

YEREMIA 33:17

Akuoi, ki Tuhan, modandi kon umuran oyúon in intau tobatú nongkon buí i Daud inta mobaḻí datu in Israel;

IMAMAT 26:3

Aka moiko mobiag moidudui kon atorang-Ku mita bo dumudui doman kon parenta-Ku mita,

ZAKHARIA 14:2

Ki Tuhan in mosipunbí kon bayongan in bangusa sin monubu kon Yerusalem. Kotá tatua in agowonbí, bonu in baḷoinea in takowon, bo bobay mita in tokodomokon. Tongobotak kon intau inta nogutun kon tua in diaan kon poḷumbúan, táe kiagatnea in mogutunbí kon kotá tatua.

MATIUS 22:37

Tubag i Yesus kon inia, “Kotabidon in ki Tuhan, ki Allahmu bo tongádon Sia in musti sumbaan monimu totu-totuu.

LUKAS 1:6

Kobobiag inayadua motonibuḷoi tua mokosanang kon gina i Allah, sin taya dua in umuranbí dinumudui kon parenta bo atorang i Tuhan, diábí in sinaḻiban monia.

ULANGAN 10:12

“Tanaa, Utat mita, poḻimbonu kon gina onu in kinoibog i Tuhan Allahmu aidan monimu: Horomatbí in ki Tuhan Allahmu bo aidaidon in bayongan parenta-Nea. Kotabibí in Sia bo pooibada kon i-Nia takin kotompodon in gina bo ropotmu.

ULANGAN 11:13

Dá duduiaidon in parenta mita inta pinotaauku kon inimu singgai in naa; kotabibí in ki Tuhan Allahmu bo poibadadon kon i-Nia takin ḻimbatú in gina bo ropotmu.

ULANGAN 6:5

Kotabibí in ki Tuhan Allahmu takin bayongan ginamu: Poniata intua kon bonu in kobiaganmu bo oaidmu.

ULANGAN 7:12

“Aka tarukiraan monimu in parenta mita tatua, bo mosatia in mopoaid, dá ki Tuhan Allahmu in mosatiabí doman kon dodandian inta pinomia-Nea takin i monimu. Sia in mopoontongbí in tabi-Nea inta motantú kon i monimu, ná inta pinodandi-Nea kon mogoguyangmu.

YUDAS 1:24

Ki Allah, inta mokosanggup moḷukad sinbá moiko diá moḷabú, bo inta mokosanggup modia kon i monimu mayá in tampat pomomarentaannea inta momulia takin gina mosanang bo modarit.