DATU MITA IMITÁNEA 19:9 - Alkitab Singog In Mongondow Masa In Tanaa

⁹ Kon tua in ki Elia nosiug in doḷom tua kon angob. Bo ki Tuhan in noguman kon inia, “Elia, onu in aidanmu kon naa?”

DATU MITA IMITÁNEA 19:9 Mawu Ofanana

KINOBAḺIAN 16:8

Malaekat tatua in noguman, “Hagar, bobantung i Sarai, nongkon onda in iko bo mopobayá in onda?” Tubag i Hagar, “Akuoi in noḷagui kon i Sarai ki Tuangku.”

KINOBAḺIAN 3:9

Táe ki Tuhan nogoiní kon ḷoḷaki tatua, “Kon onda in iko?”

DATU MITA IMITÁNEA 19:13

Naonda in kinodongogan i Elia in singog tatua, inoḻingoiannea in jubah in pogotnea, bo iḻumuai bo sinimindog kon bibig in angob tatua. Dá kinodongogandon in tosingogon noguman, “Elia, onu in aidanmu kon naa?”

YEREMIA 2:18

Onu in mangaḻe in binayáanmu in Mesir? Monginum degá kon tubig in Ongkag in Nil? Onu in mangaḻenea in bayáanmu in Asyur? Monginum degá kon tubig in Ongkag in Eprat?

YEREMIA 9:2

Aka kuma bo kon padang gurun bo kouḻíanku kon tampat pogogaian in intau inta kon binayáan! Dá taḷaankubí in bangusaku, bo moḷagui mayá intua sin yumayú kon i monia. Mosia in momomaḻidaw komintan pinosipunan in intau inta diá mosatia,

YUNUS 4:5

Onda intua ki Yunus minayá ná dotá in pomukaan kon kotá, bodongka iḻimitú kon tua. Sia in nomia kon ḷuḷung tobatú bo sinimiung kon bonunea, poḷat mogoḷat mako mongo onu in mobaḻí kon kotá in Niniwe.

IBRANI 11:38

Dunia naa in deemanbí tampat mopia kon i monia. Mosia maya-mayá mako kon padang gurun bo kon buḷu-buḷudannea bo mogutun kon bonu in angob mita kon bubú mita in butá.