DATU MITA IMITÁNEA 19:4 - Alkitab Singog In Mongondow Masa In Tanaa

⁴ bo minaya-mayá in sioḷ ná padang gurun tosinggai in koonggotnea bo nogogai kon siungon in kayu inta mobambar. Kon tua iḻimitú in sia bo ibogonnea in bá matoidon. “Diádon in akuoi monahang, o Tuhan,” gumannea kon i Tuhan. “Gamádon in nyawaku. Akuoi in diábí mopia-pia nongkon mogoguyangku!”

DATU MITA IMITÁNEA 19:4 Mawu Ofanana

DATU MITA IMITÁNEA 13:14

nomatuk kon nabi inta nongkon Yohuda tatua. Noyodungkuḷnea in nabi tatua kon tungkuḷ in nabi tatua ḻimitúpa mako kon siungon in pangkoi in kayu moḷoben. “Degá Iko nion in nabi inta nongkon Yohuda?” natua in pinoḷoḻibó in nabi nogoguyang tatua. “Totuu,” tubag in intau tatua.

DATU MITA IMITÁNEA 19:3

Inagían in ondok in ki Elia, bo noḷagui in sia sinbá diá ḻimodon. Sia bo bobantungnea in minayá in Bersyeba inta kon Yohuda. Kon tua sinaḷáanneadon in bobantungnea tatua,

DATU MITA IMITÁNEA 19:5

Bo inumuḻid in sia kon siungon in kayu tatua bo noḷoḷot. Bo daḻídon in malaekat tobatú noḻiai bo noguman kon inia, “Pobangon Elia, pongaandon!”

DATU MITA 2 2:11

Kobaya-bayá, umuran in taya dua mongonguman. Bo daḻídon in kereta inta kodoko-dokot inta inugut in kabaḷo namangoi nopoyoguat kon inayadua bo diniadon namonik in uḷu in tompot minayá in soroga in ki Elia.

AYUB 6:8

Nongonu sin doíbí in ki Allah mokidongog kon sambayangku? Nongonu sin diábí pinandung-Neamai in kuaniku?

AYUB 6:9

Igumon mako moibog in ki Allah morimumud kon inakó! Igumon mako Sia momongkug bo moḻimod kon inakó!

YEREMIA 20:9

Táe aka kon bonu in ginaku akuoi in moguman, “Biódon mako ki Tuhan in ḻiongonkudon, doídon in akuoi mosingog podoyon kon tangoi-Nea,” dá koyowmu in naonda bo tuḷú inta moborambang kon bonu in dodobku. Aindon sinungkuḷanku pinondam, táe diá mokoigon in akuoi.

AMOS 6:2

Bayádon indoiai in kon Kalne, bo bayádon turus kon kotá in Hamat inta moḷoben tua, onda intua bayá in kotá in Gat kon Pilistin. Kainimu kamai dá kotábí mita tatua in mopia-pia nongkon dodatuan in Yohuda bo Israel? Eta degá butá monia in moḷobe-ḷoben nongkon butámu?

YUNUS 4:3

Tanaa, o Tuhan, pomayádon mako bá matoidon in akuoi, sin mopia-piabí kon matoi in akuoi dika in mobiag.”

YUNUS 4:8

Naonda in nomukádon in mata in singgai, ki Allah nopoangoi in tompot mopatú inta nogirup nongkon pomukáan. Ki Yunus gogió bo notambuḷoḷok popisí in inonag in singgai inta nádon onda bo momokak kon uḷunea. Noinggamádon in kamangnea bo moibogdon totok matoi. Sia in noguman, “Mopia-piabí kon matoi in akuoi dika in mobiag!”

NAHUM 3:8

Ei Niniwe, yo umpaka dá ikobí in mopia-pia nongkon Tebe, ibukotá in Mesir? Tebe in noiukat doman kon bingkí in ongkag inta nogoḻingoi kon inia saḷaku dinding. Oo, Ongkag in Nil tatuata in benteng poḷoḷukadannea.

PINOGIAPAN 11:15

Aka umuran nanaa in pomiaan i Tuhan kon inakó, yo ampungaidon kaasí in akuoi; bo maníka ḷagidon akuoi ḻimod sinbá diádon in akuoi momotaan kon yoyiga ná tanaa.”

MATIUS 6:26

Indoiaidon in ḷagapan mita. Mosia tua in diábí nomuḷa, bo nokoyut, bo diábí doman nosipun kon bungai in pinomuḷa kon bonu in ontag. Táe mosia inogoianbí doman in kaanon i Amámu inta kon soroga! Degá diápa kinotaauan monimu kon moiko in noiḻiubí nongkon ḷagapan mita tatua?

YOHANES 4:6

Kon tua oyúon parigí i Yakub. Noḷopídon totok in ki Yesus sin bobayáan tatua, tuamai in Sia iḻimitúpa kon bingkímai in parigí tatua. Dodai intua noutudon in singgai, degá jam mopuḷú bo doyowa.

SURAT I PAULUS KON JAMAAT RUM 3:9

Dá aka natua, yo degá kita naa in noiḻiu kon intau mita inta deeman Yahudi tua? Diábí in kita noiḻiu! Aindon pinogumanku muna, kon intau in Yahudi andeka bangusa ibanea, komintan bidon kinawasa in dosa.