DATU MITA IMITÁNEA 19:3 - Alkitab Singog In Mongondow Masa In Tanaa

³ Inagían in ondok in ki Elia, bo noḷagui in sia sinbá diá ḻimodon. Sia bo bobantungnea in minayá in Bersyeba inta kon Yohuda. Kon tua sinaḷáanneadon in bobantungnea tatua,

DATU MITA IMITÁNEA 19:3 Mawu Ofanana

KINOBAḺIAN 21:14

Nobangon monik doḷo-doḷom, ki Abraham nobogoi in kaanon bo botutu kuḻit binonuan in tubig sin baḷun monia kon daḷan. Pinopobabaneadon kon i Hagar in adí tatua, bodongka pinotabánea minayá in bobay tatua. Ki Hagar in nobuatdon bo minayá nongin padang gurun Bersyeba.

KINOBAḺIAN 21:31

Tuamai tampat tatua in sinangoian intau Bersyeba, sin kon tuata taya dua nongongibotan.

IḶUAIAN 2:15

Onda in dinongogdon i datu onu in nobaḻí tua, sia notayakdon kon naonda in poḷoḻimod kon i Musa. Táe ki Musa in noḷagui bo minayá nogutun kon butá in Midian. Imang nongkon Midian, inta tangoinea ki Yitro, kogadí kon bobay taya pitu. Kon singgai tobatú, ki Musa ḻimitú mako kon diug in parigí tobatú, namangoidon in ki adí bobay i Yitro taya pitu tua sin monangkob bo momonu kon tampat pongonginuman in paanan in bembé bo domba i amá monia.

YEREMIA 20:9

Táe aka kon bonu in ginaku akuoi in moguman, “Biódon mako ki Tuhan in ḻiongonkudon, doídon in akuoi mosingog podoyon kon tangoi-Nea,” dá koyowmu in naonda bo tuḷú inta moborambang kon bonu in dodobku. Aindon sinungkuḷanku pinondam, táe diá mokoigon in akuoi.

MATIUS 26:56

Táe totuu kon tua in mustibí mobaḻí sinbá motompodon onu inta aindon pinais kon bonu in buk nabi mita.” Kon tua dumodudui-Nea noḷagui komintan nonaḷámai kon i-Nia.

KORINTUS 2 12:7

Táe sinbá diá dumodia in akuoi kon soaḷ mita inta ain pinoontong i Allah tatua, dá akuoi in inogoian in naonda bo tobatú panyaki kon bonu in awakku inta nobaḻí alat in Ibilis. Panyaki tatua inogoi pinohukum kon inakó sinbá diá dumodia in akuoi.

SAMUEL 1 27:1

Ki Daud norai kon bonu in ginanea, “Naondaka doman yo kon singgai tobatú in ki Saul in moḻimodbí kon inakó. Dá diábí in daḷan ibanea kon inakó, koḻikudon in moḷagui mayá in butá in Pilistin. Aka natua dá diá bidon tayakon i Saul in akuoi kon Israel, bo akuoi in moaman domandon.”

SAMUEL 1 8:2

Adínea guya-guyang tangoinea in ki Yoël bo inta nogindua in ki Abia. Mosia in nobaḻí hakim kon Bersyeba.